1 Njé gə́ Kɔrḭtə 9:24 - Maktub gə́ To gə Kəmee

²⁴ See seḭ gərje el wa. Deḛ gə́ ndum na̰ gə ŋgwɔd loo-naḭ’g lé d’aiŋgwɔd lai ya nɛ dəw gə́ dum mareeje ɓa a kiŋga née, see gərje bèe el wa. Bèe ndá maji kar sí aḭjḛgwɔd gə mba kiŋga ne néngwɔd lə sí.

1 Njé gə́ Kɔrḭtə 9:24 ပူးပေါင်းရင်းမြစ်များ

Pakɔsje 19:5

Ta lə dee ɔr gwɔi naŋg nee njal ya, Ndu dee ɓar ɔr rudu naŋg nee rɔd ya tɔ. Lée neelé ɓa yeḛ la kəi-kubu keneŋ mbata lə kàr.

Njekillamber 9:11

Ma m’tel m’oo dɔ naŋg nee ya ɓəi. To gə́ ŋgwɔd lé To gə mba njékaḭgwɔd kalaŋje ba el ləm, Rɔ lé kara wɔji dɔ bao-rɔje ba el ləm, Nésɔ lé wɔji dɔ njékəmkàrje ba el ləm, Nékiŋga kara wɔji dɔ njégosonégərje ba el ləma, Riɓar kara wɔji dɔ bao-gosɔnégərje ba el ləm tɔ. Mbata néje lai teḛ dɔ dee’g Gə goo ndəaje gə kàreje ɓa.

Jeremi 12:5

Ɓó lé i aiŋgwɔd na̰’d Gə deḛ gə́ d’aḭ gə gɔl dee Ɓa deḛ dumi d’ari dao ne Ŋga see i a kaskəm koma̰ Gə njékundaje to gə́ ban wa. Esé ɓó lé mee ɓee gə́ to lɔm ya, I oo to gə́ i si ne lɔm el Ŋga see i a si maji mee wala’g Ta baa’d gə́ Jurdɛ̰ to gə́ ban wa.

Ojee 12:10

Nɛ ma nja m’to Ala lə sí gə́ Njesigənea̰, Un kudee mee ɓee gə́ Ejiptə’g, M’a kar sí síje mee kəi-kubuje’g To gə́ mee ndɔ ra naḭje’g bèe.

Njé gə́ Rɔmə 6:16

See seḭ gərje el wa, yeḛ gə́ seḭ ɔmje rɔ sí jia’g mba kila ne ŋgonkoji dəa’g lé ndá seḭ naije gə́ ɓərje ləa nja. Lé kaiya gə́ o̰ sí ɔm sí ta yoo’g əsé ŋgonkoji gə́ o̰ sí ɔm sí dɔ meekarabasur’g, yeḛ gə́ seḭ ɔmje rɔ sí jia’g lé ndá seḭ toje ɓərje ləa ya.

1 Njé gə́ Kɔrḭtə 9:13

See seḭ gərje el wa, deḛ gə́ ra kula kəi-Ala’g lé d’usɔ né gə́ d’unda gə kəmee d’ar Ala mee kəi’g ləa ləm, deḛ gə́ ra kula loo-nékinjaməs’g lé kara d’iŋga né gə́ dɔ tabul’g gə́ wɔji dɔ dee keneŋ ləm tɔ.

1 Njé gə́ Kɔrḭtə 9:23

Néje lai gə́ m’ra lé m’ra mbata Tagə́maji lé ɓó gə mba kiŋga ne né gə́ wɔji dɔm-ma nja keneŋ tɔ.

1 Njé gə́ Kɔrḭtə 9:26

Togə́bè ɓa ma m’aiŋgwɔd ɓó m’aḭ m’ila ne birkodé mbir-mbir el, m’un jim ndá m’unda ne né ɓó m’ər ne né el tɔ.

Njé gə́ Galati 2:2

Ta gə́ kəm inja dɔ’g lé ɓa ma m’aw ne gə mbəa ya. Ma m’ɔr gin Tagə́maji gə́ ma m’ila mberee mbuna njépole-magəje’g m’ar dee d’oo ya nɛ m’ɔr ginee m’ar deḛ gə́ to gə́ njékɔrno̰ deeje loo gə́ d’isi gə kar dee ba gə mba kar ŋgwɔdkaḭ ləm gə́ m’aḭ lé a tel to né gə́ gə mḭdé ba el.

Njé gə́ Galati 5:7

Seḭ aḭjengwɔd maji ya. See na̰ ɓa gə́ njegaŋ sí rəw ɔg sí loo kila ŋgonkoji dɔ kankəmta’g lé wa.

Njé gə́ Pilibə 2:16

ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.

Njé gə́ Pilibə 3:12

Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰.

Njé gə́ Pilibə 3:14

nɛ ma mbudu ŋgwɔd m’aḭ m’wɔji dɔ né gə́ to nɔm’g kédé mba taa nékiŋga gə́ Ala lé wɔji mba kar deḛ gə́ d’isi gin Jeju Kristi’g tel ne rɔ dee par gə́ dara lé.

Njé gə́ Kolosə 2:18

Maji kar dəwje gə́ d’wa ndòo rɔ dee pole ne kuraje gə́ kára lé su kəm sí nar sə sí néngwɔd lə sí d’wa d’ɔr ji sí’g el. Débeeje neelé d’ya̰ rɔ dee dan némḭdije’g lə dee ləm, deḛ ti ne rɔ dee hər-hər gə goo takə̰jije lə dee gə́ ka̰ darɔ lé ləm tɔ.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Loo gə́ killa rea kəm Ja̰’g 3:11

Waga ɓa m’a ree ɓəi. Wa néje gə́ to jii’g lé kəgəgə mba kar dəw kára kara taa dɔgugu ləi el.