1 Njé gə́ Kɔrḭtə 9:12 - Maktub gə́ To gə Kəmee

¹² Ɓó lé njé gə́ raŋg d’isi gə torndu gə mba kiŋga ne ji sí’g bèe lé nɛ ɓəd ɓa see jeḛ lé j’a kunda dee gə lèlé ba el wa. Nɛ torndu gə́ togə́bè lé j’isi ne el, jeḛ j’ula rɔ sí ndubu dɔ néje’g lai ɓó gə mba kar né kára kara ɔg rəw tagə́maji lə Kristi el.

1 Njé gə́ Kɔrḭtə 9:12 ပူးပေါင်းရင်းမြစ်များ

Gḭ-Néje 24:56

Yeḛ tel ila dee keneŋ pana: Ɔgmje naŋg el mbata Njesigənea̰ ar mbá ləm gə́ m’aw lé wam maji. Ya̰’mje am m’tel m’aw rɔ ɓémje’g ya ɓa.

Nehemi 4:8

M’aa loo gərərə ndá m’ḭ tar m’ula dəwje gə́ boo ləm, gə njéko̰ɓeeje ləma, gə ges koso-dəwje gə́ nai ləm tɔ m’pana: Ɓəl deeje el! Arje meḛ sí olé dɔ Mbaidɔmbaije’g, yeḛ gə́ to gə́ boo ləm, to ɓəl kədm-kədm ləm tɔ. Rɔje mbata lə ŋgako̰ síje ləm, gə mbata lə ŋgan síje gə́ diŋgam gə njé gə́ dené ləm, gə mbata lə denéje lə sí ləma, gə mbata lə kəije lə sí ləm tɔ.

Lugu 11:52

Seḭ njéteggin godnduje lé meeko̰ a koso dɔ sí’g. Mbata seḭ unje nékɔr takəi gosonégər ji sí’g, seḭ nja seḭ a̰dje keneŋ el ləm, dəwje gə́ ndigi kandə keneŋ kara seḭ ɔg deeje loo kandə’g ləm tɔ.

Néra Njékaḭkulaje 18:3

ndá to gə́ kula ləa wa bua ka̰ dee-deḛ ndá yeḛ si kəi lə dee ra sə dee kula na̰’d keneŋ mbata deḛ to gə́ njéra kəi-kubuje.

Njé gə́ Rɔmə 15:22

Yee ɓa gə́ né gə́ ɔgm loo kaw koo sí gɔl bula.

1 Njé gə́ Kɔrḭtə 13:7

Yee ar mée oso lemsé dɔ néje’g lai ləm, yee unda mée yel dɔ néje’g lai ləm, yee si kərm dɔ néje’g lai ləma, lé riri kara tɔ mée gag-gag dɔ’g ləm tɔ.

1 Njé gə́ Kɔrḭtə 6:7

Tɔgərɔ ya kaw gə ta lə sí loo-gaŋg-rəwta’g lé to néra gə́ to lée’g el, yee ɓa loo maḭyee godo ya. See ban ɓa seḭ ilaje meḛ sí po̰ dɔ ta gə́ deḛ gaŋg dɔ sí’g gə goo rəbee el lé wa. See ban ɓa seḭ ya̰ deeje ar deeje d’uba sí néje lə sí taa sí mbad el wa.

1 Njé gə́ Kɔrḭtə 9:14

Togə́bè ɓa Mbaidɔmbaije un ndia mba kar deḛ gə́ d’ila mber Tagə́maji lé d’iŋga nékodo rɔ dee gin Tagə́maji’g lé tɔ.

1 Njé gə́ Kɔrḭtə 9:15

Ma nja m’taa torndumje neelé kára kara m’ar dee d’wɔji dɔm el ləm, maktub nee gə́ m’ndaŋg kara m’ndaŋg mba kar dee d’am ne né el ləm tɔ. Kam m’wəi gə́ kwəi lé ɓa maji unda kar dee d’a kɔgm dɔ ta nee gə́ ka̰ ti rɔm lé.

1 Njé gə́ Kɔrḭtə 9:16

Tagə́maji gə́ m’ila mberee lé ma m’oo loo ti ne rɔm el. Tɔgərɔ ya, to né gə́ unm lad ilam keneŋ ya. Ɓó lé m’ila mber Tagə́maji lé el ndá némeeko̰ a nai dɔm’g.

1 Njé gə́ Kɔrḭtə 9:18

See ɗi ɓa gə́ nékoga dɔ jim wa. Tagə́maji gə́ m’ila mberee m’ar dee gə́ kar ɓó m’ra m’taa ne torndu gə́ wɔji dɔ njekilamber Tagə́maji’g el lé yee ɓa gə́ nékoga dɔ jim ya.

1 Njé gə́ Kɔrḭtə 9:2

Ɓó lé ma m’to gə́ njekaḭkula kəm njé gə́ raŋg el kara kəm sí-seḭ’g lé ma m’to gə́ njea ya. Mbata seḭ nja toje gə́ njékɔrgin kula ramje gə́ m’to ne njekaḭkula gin Mbaidɔmbaije’g lé ya.

2 Njé gə́ Kɔrḭtə 11:12

Nɛ né gə́ m’ra lé m’a ra kəm gə́ kédé ya ɓəi mba kɔg ne deḛ gə́ saŋg loo mba tɔi rɔ dee lé mba kar néje gə́ deḛ ti ne rɔ dee dɔ’g lé a to asəna gə ka̰ síjeḛ bèe tɔ.

2 Njé gə́ Kɔrḭtə 11:20

Ɓó lé deḛ d’wa sí ɓər əsé deḛ rum sí əsé deḛ ɓogo sí əsé deḛ d’uba dɔ sí d’isi tar əsé deḛ kunda kwɔji sí kara yee ɓa seḭ ndigije ya.

2 Njé gə́ Kɔrḭtə 2:12

Loo gə́ m’teḛ Troas mba kɔr gin Tagə́maji keneŋ lé Mbaidɔmbaije ar rəw to tag ya, nɛ m’oo loo kila rɔm po̰ keneŋ el mbata ma m’iŋga ŋgokɔm Titə keneŋ el.

2 Njé gə́ Kɔrḭtə 6:3

Jeḛ n’ra né kára kara gə́ mba kila ne dəw kag el gə mba kar ta wa ne dɔ kula ra sí el.