1 Njé gə́ Kɔrḭtə 9:11 - Maktub gə́ To gə Kəmee

¹¹ Ɓó lé jeḛ n’dubu né gə́ maji gə́ wɔji dɔ ndil sí mbuna sí’g ndá see to kəm kar sí j’iŋga né gə́ wɔji dɔ darɔ síjeḛ ji sí’g el wa.

1 Njé gə́ Kɔrḭtə 9:11 ပူးပေါင်းရင်းမြစ်များ

2 Mbaije 5:13

Nɛ kuraje ləa d’aw pər gə́ rəa’g d’ulá pana: Bɔm, ɓó lé njetegginta ulai gə mba kari ra né gə́ kədərə ya kara see i a ra el wa. Ŋga ɓəd ɓəi ɓa see loo gə́ yeḛ ulai pana: Aw ula rɔi mán ar rɔi àr ŋgad-ŋgad lé ɓəi wa.

Matiyo 10:10

əsé ɓɔl-mbá el ləm, əsé gə kubu-kula-rɔ sí’g joo el ləm, əsé markob mbata gɔl sí el ləma, əsé nékad gə́ rara kara el ləm tɔ, mbata njekula lé askəm kiŋga nésəa ya.

Njé gə́ Rɔmə 15:27

Deḛ d’ḭ gə meḛ dee ndá d’a ra bèe ya nɛ to né gə́ kəm ra ya tɔ, mbata ɓó lé njépole-magəje d’orè sə dee na̰ dɔ né gə́ wɔji dɔ ndil dee ndá to kəm kar dee-deḛ kara d’orè sə dee na̰ dɔ né gə́ wɔji dɔ darɔ dee’g tɔ.

1 Njé gə́ Kɔrḭtə 9:14

Togə́bè ɓa Mbaidɔmbaije un ndia mba kar deḛ gə́ d’ila mber Tagə́maji lé d’iŋga nékodo rɔ dee gin Tagə́maji’g lé tɔ.

2 Njé gə́ Kɔrḭtə 11:15

Bèe ndá loo gə́ kuraje ləa tel turu rɔ dee gə́ kuraje gə́ ka̰ meekarabasur ndá to né gə́ kəm kaar dəw ndəb dɔ’g el. Bo̰ néra dee gə́ a kɔs ta dee’g lé a to gə goo kula ra dee ya.

Njé gə́ Galati 6:6

Maji kar yeḛ gə́ d’aw ndée Tagə́maji lé un ta némajije ləa mba kar yeḛ gə́ njendée né lé tɔ.

Njé gə́ Pilibə 4:17

To nénoji ɓa ma m’saŋg rɔ sí’g el, nɛ kó noji lə sí ɓa ma m’saŋg mba karee tel taa rɔ sí pəl-pəl.