1 Njé gə́ Kɔrḭtə 9:1 - Maktub gə́ To gə Kəmee

¹ See ma m’to ŋgonkoji el wa. See ma m’to gə́ njekaḭkula el wa. See ma m’oo Jeju Mbaidɔmbaije lə sí el wa. See seḭ toje kula ramje gin Mbaidɔmbaije’g el wa.

1 Njé gə́ Kɔrḭtə 9:1 ပူးပေါင်းရင်းမြစ်များ

Néra Njékaḭkulaje 13:2

Loo gə́ d’wa dɔ na̰ gə mba kwa Mbaidɔmbaije meḛ dee’g, d’ɔg ne meḛ dee ɓoo keneŋ ndá Ndilmeenda ula dee pana: Maji kar sí ɔrje Barnabas gə Sool unda deeje gə kəmee loo kula gə́ m’ɓar dee keneŋ lé.

Néra Njékaḭkulaje 14:14

Pool gə Barnabas gə́ to njékaḭkulaje lə Jeju lé loo gə́ deḛ d’oo bèe ndá d’wa kubu gə́ rɔ dee’g hao̰-hao̰ til ɓa deḛ teḛ pəd-pəd d’uru mbuna koso-dəwje’g neelé.

Néra Njékaḭkulaje 14:4

Dəw-mee-ɓee-booje lé d’ɔr kəm na̰ ar njé gə́ na̰je to gə́ ka̰ Jibje ləm, njé gə́ na̰je to gə́ ka̰ njékaḭkulaje ləm tɔ.

Néra Njékaḭkulaje 23:11

Mee tilee gə́ njekorè gée lé Mbaidɔmbaije teḛ dɔ Pool’g təsərə ulá pana: Wa rɔi kɔgərɔ! Mbata goo ta ləm gə́ i ɔr Jerusalem neelé lé riri kara i a kɔr Rɔm togə́bè ya tɔ.

Néra Njékaḭkulaje 9:15

Nɛ Mbaidɔmbaije ilá keneŋ pana: Maji kari ɔd aw ya mbata ma nja m’ɔree kəm’g gə mba karee un rim as ne loo no̰ ginkoji dəwje gə raŋg’g ləm, gə no̰ mbaije’g ləma, gə no̰ Israɛlje’g ləm tɔ.

Néra Njékaḭkulaje 9:17

Ananias unda loo teḛ aw. Loo gə́ yeḛ andə mee kəi’g neelé ndá yeḛ ila jia dɔ Sool’g ulá pana: Ŋgokɔm Sool, Mbaidɔmbaije Jeju gə́ teḛ dɔi’g rəbee loo gə́ i si aw ne gə́ nee lé yeḛ nja ulam gə mba kar kəmi inja ari oo ne loo ləm, gə mba kar Ndilmeenda taa məəi yal-yal ləm tɔ.

Néra Njékaḭkulaje 9:3

Loo gə́ yeḛ nai rəbə gə́ unda dɔ Damas dəb ya ɓəi ndá léegəneeya loo ḭ dara ndogó gugu dəa sub.

Néra Njékaḭkulaje 9:5

Yeḛ tel ilá keneŋ pana: Mbaidɔmbaije, see i to gə́ na̰ wa. Mbaidɔmbaije tel ilá keneŋ pana: Ma m’to gə́ Jeju gə́ i ula kəm ndòo lé ya. Nékad gə́ d’ɔs ne kudi ɓèsèsè-ɓèsèsè lé ɓó gad kudi gə́ gogo ndá a koso rɔi’g pal ya.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 11:13

Seḭ njépole-magəje lé ma m’ula sí ta nee ya, ma gə́ m’to gə́ njekaḭkula gə́ rɔ njépole-magəje’g lé ma m’ti rɔm dɔ kula’g ləm ya.

1 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji lé jeḛ gə ŋgoko̰ sí Sostɛnə lé

1 Njé gə́ Kɔrḭtə 10:29

Ma m’pata nee gə mba meḛ sí-seḭ el nɛ ma m’pa gə mba mee yeḛ gə́ raŋg. See ban ɓa né gə́ ma m’oo gə́ né gə́ m’askəm ra lé m’a kar meekaar lə marm ɔgm dɔ’g wa.

1 Njé gə́ Kɔrḭtə 10:30

Ɓó lé m’usɔ né ɓa m’ra Ala oiyo dɔ’g ŋga see ndɔlee a kwa dɔm gə mba ri ɓəi wa.

1 Njé gə́ Kɔrḭtə 11:16

Nɛ ɓó lé nana ɓa maḭ dɔ ta’g neelé ndá jeḛ lé jeḛ n’ra togə́bè el ləm, Eglisə lə Ala kara ra togə́bè el ləm tɔ.

1 Njé gə́ Kɔrḭtə 3:6

Ma ɓa gə́ njedubu né ndá Apolɔs to gə́ njesaa mán dɔ’g tɔ, né Ala ɓa gə́ njekaree teḛ mbi gə teḛ boo.

1 Njé gə́ Kɔrḭtə 9:19

Mbata ɓó lə dəw dɔm kára kara godo kara ma nja m’wa rɔm gə́ ɓər lə dəwje lai ɓó gə mba kiŋga ne dəwje unda nje gə́ kédé.

2 Njé gə́ Kɔrḭtə 10:7

Gir né gə́ raga gə́ seḭ ooje puduru ba lé see to né mba̰ wa. Ɓó lé dəw kára ə̰ji ta mée’g pana: Neḛ n’to ka̰ Kristi ndá maji karee oo gao to gə́ jeḛ kara jeḛ n’to ka̰ Kristi tɔ.

2 Njé gə́ Kɔrḭtə 11:5

Njékaḭkulaje neelé gə́ to dəwje gə́ boo lé ma m’oo to gə́ deḛ dum-ma gə né kára kara el.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Galati 1:1

Ma Pool, njekaḭkula gə́ ḭ rɔ dəwje’g el ləm, dəw kára kara ɔrm undam el ləm tɔ nɛ Jeju Kristi ləm, gə Ala, Bɔ-dəwje gə́ njekaree unda loo teḛ dan njé gə́ d’wəi’g ləm tɔ lé deḛ nja ɓa d’ɔrm d’undam gə́ njekaḭkula ya.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

1 Njé gə́ Tesalonikə 2:6

Jeḛ lé n’saŋg rɔnduba gə́ ḭ rɔ dəwje’g el ləm, əsé gə rɔ sí-seḭ’g el ləma, əsé gə rɔ dəwje gə́ raŋg’g el ləm tɔ. Jeḛ gə́ n’to njékaḭkulaje lə Kristi lé j’askəm ko̰ dɔ sí ya nɛ jeḛ j’o̰ el.

1 Timote 2:7

d’ɔrm d’undam gə́ njekilamber taree ləm, gə njekaḭkula ləma, gə njendoo njépole-magəje ta gə́ wɔji dɔ meekun gə kankəmta lé ləm tɔ. Kankəmta ɓa ma m’pa, ɓó m’pa taŋgɔm el.

2 Timote 1:11

Tagə́maji neelé ɓa d’undam ne gə́ njeriba sə dee dəa ləm, gə njekaḭkula ləma, gə njendoo njépole-magəje ginee ləm tɔ.