1 Njé gə́ Kɔrḭtə 8:4 - Maktub gə́ To gə Kəmee

⁴ Togə́bè ɓa, ta sɔ da nékulje gə́ d’inja gə́ məs d’ar magəje lé jeḛ n’gər gao magəje gə́ dɔ naŋg neelé to gə́ né el. Ala lé yeḛ nja kára ba kiao ɓa si gən.

1 Njé gə́ Kɔrḭtə 8:4 ပူးပေါင်းရင်းမြစ်များ

Pakɔsje 86:10

Mbata i lé boo yaa̰ ləm, I ra néje gə́ dumkoo ləma, I nja ɓa to Ala kára ba kiao lé ləm tɔ.

Esai 37:16

Njesigənea̰ gə́ njeboo-néje, Ala lə Israɛlje, i gə́ si dɔ kuraje gə́ dara’d gə́ ɓar dee Nékundaje gə́ dara! I nja kára ba to Ala mbata lə ɓeeko̰je lai gə́ dɔ naŋg nee ləm, i ɓa gə́ njekunda dara gə naŋg nee ləm tɔ.

Esai 37:20

Ɓasinè, Njesigənea̰, Ala lə sí, ɔr sí ji Sa̰kɛrib’g gə mba kar ɓeeko̰je gə́ dɔ naŋg nee lai d’oo to gə́ i nja kára ba to Njesigənea̰!

Esai 41:24

Aa ooje, seḭ toje gə́ né el, Kula ra sí to gə́ né gə́ kari ba, Kɔm meḛ sí dɔ sí-seḭ’g lé To né gə́ mina̰ ya.

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 44:6

Aa ooje, ta gə́ Njesigənea̰, Mbai lə Israɛlje gə njekoga dɔ dee ləm, Yeḛ gə́ to Njesigənea̰ gə́ njeboo-néje ləm tɔ Pa togə́bè pana: Ma m’to yeḛ gə́ doŋgɔr ləm, Gə yeḛ gə́ rudu ləm tɔ. Ɓó lé ma m’godo ndá Ala kara godo tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 45:5

Ma m’to Njesigənea̰ ɓó yeḛ gə́ raŋg godo, Ɓó lé m’godo ndá Ala kara godo tɔ. Kédé gə́ i gərm el ɓəi lé ya Ma m’tɔ mina-mbai reŋgi’g,

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 10:14

Dəw gə́ rara kara Négər ləa aree tel mbə ləm, Njelḛ̀ né gə́ rara kara rəa kul Mbata lə né gə́ yeḛ ndaji ləm tɔ, Mbata magəje ləa to néŋgɔmje ləm, Kəmə godo meḛ dee’g ləm tɔ.

Mark 12:29

Jeju ilá keneŋ pana: Aa oo, godndu gə́ doŋgɔr ɓa to nee: Seḭ Israɛlje urje mbi sí ooje ta nee: Mbaidɔmbaije, Ala lə sí lé to gə́ Mbaidɔmbaije gə́ kára ba kiao.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 15:20

Nɛ maji ndaŋg maktub kar dee mba kar dee d’ɔg rɔ dee dɔ nésɔ gə́ mina̰ gə́ to nékar magəje ləm, gə dɔ mɔdkaiya’g ləm, gə dɔ nékulje gə́ mbiri gwɔs dee ləma, gə dɔ məs’g ləm tɔ.

Néra Njékaḭkulaje 19:26

Seḭ ooje gao to gə́ Pool lé ula ta meḛ dəwje gə́ Epesə gə kar dee el nɛ nai lam ba karee tel meḛ boo-dəwje gə́ d’isi ɓeeko̰ gə́ Asi gə loo-loo kara togə́bè ya tɔ. Yeḛ ula dee pana: Magəje gə́ dəwje ra gə ji dee lé to gə́ kankəm né el.

1 Njé gə́ Kɔrḭtə 8:1

Ta lə nékulje gə́ deḛ d’inja gə́ məs d’ar magəje ɓa d’ya̰ dakasee lé kəm síjeḛ lai inja dɔ’g ar sí n’gər gosee gao. Gosɔnégər lé ar dəwje ti ne rɔ dee ya nɛ meenoji ɓa dəw a rɔd ne maree.

1 Njé gə́ Kɔrḭtə 8:10

Mbata ɓó lé i gə́ to gə́ njenégər lé ɓa dəw ooi to gə́ i si ta ka nésɔ’g mee kəi-magə’d ndá see dəw neelé gə́ meekun ləa tɔg el ɓəi lé see nérai a kɔree karee sɔ da nékulje gə́ d’inja gə́ məs d’ar magəje lé el wa.

1 Njé gə́ Kɔrḭtə 8:11

Togə́bè ɓa négər ləi lé a tel tuji ne ŋgokɔḭ gə́ meekun ləa tɔg el ɓəi gə́ Kristi wəi mbata ləa lé.

Njé gə́ Galati 4:8

Ləw lé loo gə́ seḭ gərje Ala el ɓəi ndá seḭ toje ɓərje lə magəje gə́ to gə́ kankəm néje el.

Njé gə́ Epesə 4:6

Ala kára ba kiao nja to gə́ Bɔ-dəwje lai. Yeḛ to dəw dɔ dəwje gə néje lai ləm, yeḛ taa loo mbuna dəwje gə néje lai ləma, yeḛ taa meḛ deḛ lai ləm tɔ.

Tel tura Godndu 3:24

Mbaidɔmbaije gə́ Njesigənea̰, i un kudu tɔji kura ləi boo ləi gə ji siŋgamoŋ ləi gə́ ɓar mèr-mèr, mbata see magə gə́ ra ɓa dara əsé dɔ naŋg gə́ a kaskəm ndaji kula raije gə néraije gə́ dum dɔ loo lé wa.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.

Tel tura Godndu 4:35

Seḭ nja toje njékɔrgoo néje neelé gə mba kar sí gərje gao to gə́ Njesigənea̰ ya kára ba to Ala ɓó garee gə́ raŋg godo.

Tel tura Godndu 4:39

Ɓogənè maji kar sí gərje gao ləm, maji kar sí ŋgəmje taree meḛ sí’g ləm tɔ, to gə́ Njesigənea̰ Ala ya kára ba si mee dara’g tar ləm, gə dɔ naŋg nee ləm tɔ ɓó garee gə́ raŋg godo.

Tel tura Godndu 6:4

Yen Israɛl, ur mbii oo ne ta nee: Njesigənea̰, Ala ləi lé to Njesigənea̰ ya kára ba kiao.

1 Timote 1:17

Yeḛ gə́ to Mbaidɔmbaije gə́ ləw-ləw ləm, gə njesi gə ləbee-ləbee gə nea̰ ləma, gə yeḛ gə́ dumkoo ləm tɔ, yeḛ ɓa to Ala kára ba kiao lé, maji kila riɓar dəa’g ləm, gə kula rɔnduba dəa’g ləm tɔ gə ləbee-ləbee saar gə no̰. Amen!

1 Timote 2:5

Tɔgərɔ ya, Ala lé kára ba kiao ləm, gə njekaar dana kára ba kiao ləm tɔ, yeḛ nja ɓa aar ŋgaw dan Ala lé gə dəwje lé,

Jude 1:25

yeḛ nja ɓa gə́ Ala kára ba kiao, gə́ j’aji ne gin Jeju Kristi Mbaidɔmbaije lə sí lé maji kula rɔnduba dəa’g ləm, gə maji karee ur dɔ dəwje’g lai ləm, maji karee dum dɔ loo gə siŋgamoŋ ləa kédé par-par gə ɓasinè ləma, gə saar-saar gə no̰ ləm tɔ. Amen!