1 Njé gə́ Kɔrḭtə 8:13 - Maktub gə́ To gə Kəmee

¹³ Gelee gə́ nee ɓa, ɓó lé nésɔ gə́ togə́bè a gə kila ŋgokɔm kag ndá m’a sɔ da gə́ rara kara el ŋga, nà m’a kila ŋgokɔm kag.

1 Njé gə́ Kɔrḭtə 8:13 ပူးပေါင်းရင်းမြစ်များ

Matiyo 17:27

Nɛ gə mba kila dee kag el ndá ɔd aw ta baa-boo’g ila ki ɓa ka̰ji gə́ un ki dɔtar ya ndá wá ndɔree ilá ɗaga, njia̰ təa ndá a kiŋga lar gə́ nda keneŋ kára ndá un ar dee mbata ləm-ma ləm, gə mbata ləi ləm tɔ joo bɔr ya.

Néra Njékaḭkulaje 15:20

Nɛ maji ndaŋg maktub kar dee mba kar dee d’ɔg rɔ dee dɔ nésɔ gə́ mina̰ gə́ to nékar magəje ləm, gə dɔ mɔdkaiya’g ləm, gə dɔ nékulje gə́ mbiri gwɔs dee ləma, gə dɔ məs’g ləm tɔ.

Njé gə́ Rɔmə 14:13

Togə́bè ɓa maji kar síjeḛ n’gaŋgta dɔ na̰’d el. Nɛ maji kar sí wɔjije meḛ sí’g gə mba ra né kára kara gə́ a kila mar síje kag el ləm, əsé gə́ a kar dee tuga gɔl dee koso ne el ləm tɔ.

Njé gə́ Rɔmə 14:21

Né gə́ maji kəm ra lé, kɔg rɔi dɔ sɔ da’g ləm, gə dɔ kai mán-nduú’g ləma, gə dɔ né gə́ rara gə́ a kila mari kag karee oso lé ləm tɔ.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

1 Njé gə́ Kɔrḭtə 10:33

raje to gə́ ma kara m’ula rɔm ndubu gə mba ra dɔ néje’g lai gə mba taa ne kəm dəwje lai ɓó m’saŋg né gə́ wɔji dɔ maji ləm-ma gə karm el. M’saŋg né gə́ wɔji dɔ maji lə koso-dəwje bura mba kar dee d’aji ne.

1 Njé gə́ Kɔrḭtə 13:5

Meenoji lé ra né gə́ bɔsɔsɔ el ləm, né gə́ wɔji dəa kara yee ḭ bigim kuru keneŋ gə mḭdé ra el ləm, mée ḭ pu el ləma, yee tar maree gə́ tar el ləm tɔ.

1 Njé gə́ Kɔrḭtə 6:12

Néje lai lé d’ɔgm loo rəa el nɛ néje gə́ na̰je to kəm ra el tɔ. Néje lai lé d’ɔgm loo rəa el nɛ ma lé m’a kar né kára kara wam ɓər el tɔ.

1 Njé gə́ Kɔrḭtə 9:12

Ɓó lé njé gə́ raŋg d’isi gə torndu gə mba kiŋga ne ji sí’g bèe lé nɛ ɓəd ɓa see jeḛ lé j’a kunda dee gə lèlé ba el wa. Nɛ torndu gə́ togə́bè lé j’isi ne el, jeḛ j’ula rɔ sí ndubu dɔ néje’g lai ɓó gə mba kar né kára kara ɔg rəw tagə́maji lə Kristi el.

2 Njé gə́ Kɔrḭtə 11:29

See na̰ ɓa to gə́ yɔ-dəw lé ɓa a kulm gə́ mán wa. See na̰ ɓa oso gə́ koso ɓa məəm a ko̰m gə mbəa el wa.

2 Njé gə́ Kɔrḭtə 6:3

Jeḛ n’ra né kára kara gə́ mba kila ne dəw kag el gə mba kar ta wa ne dɔ kula ra sí el.