1 Njé gə́ Kɔrḭtə 7:40 - Maktub gə́ To gə Kəmee

⁴⁰ Gə́ məəm-ma’g lé m’pana: Ɓó lé yee si gə́ njekəisiŋga lé to rɔlel unda taa ngao gə́ ra̰g. Ma lé m’oo to gə́ m’pa gə goo ka̰ Ndil Ala ya.

1 Njé gə́ Kɔrḭtə 7:40 ပူးပေါင်းရင်းမြစ်များ

1 Njé gə́ Kɔrḭtə 7:1

Ta gə́ seḭ dəjimje mee maktub’g lə sí lé m’a tel kila sí keneŋ ŋga. M’la̰ji məəm’g m’pana: Maji kar diŋgam ɔrɔ rɔ dené el.

1 Njé gə́ Kɔrḭtə 7:35

Ma m’ula sí ta neelé gə mba kaa ne dɔ sí ɓó mba kiya sí ne gum el. Ma m’ndigi kɔr sí kɔm sí dan né gə́ maji’g gə mba kar sí tia̰je rɔ Mbaidɔmbaije’g ɗigi-ɗigi ɓó kar né jɔg sí keneŋ el.

1 Njé gə́ Kɔrḭtə 7:6

Kwɔji ɓa m’wɔji sí gə́ kwɔji ɓó to ndukun ɓa m’un m’ar sí el.

1 Njé gə́ Kɔrḭtə 7:8

Ma m’ula deḛ gə́ to gə́ ŋgaw-buaje gə njékəisiŋgaje m’pana: Maji kar dee d’isi boa to gə́ ma bèe tɔ.

2 Njé gə́ Kɔrḭtə 12:11

Ma m’pa tapa dəw gə́ ndilee igee. Nɛ to seḭ nja gə́ ɔsmje ɓɔḭ-ɓɔḭ mba karm m’ra togə́bè. To ta lə sí gə mba pidim ya mbata ɓó lé ma m’to gə́ né el kara deḛ njékaḭkulaje gə́ to dəwje gə́ boo lé deḛ dum ma gə né kára kara el.

2 Njé gə́ Kɔrḭtə 13:3

Mbata ta lə Kristi gə́ yeḛ ula tam’g am m’pa ne sə sí lé yee ɓa seḭ ndigije kooje gəd, mbata Kristi lé yeḛ nai mbuna sí’g gə siŋgamoŋ ləa ɓó yeḛ kul dɔ sí’g kwɔji-kwɔji el.

2 Njé gə́ Kɔrḭtə 8:10

Togə́bè ɓa, ma m’pa m’wɔji sí ne gə́ kwɔji ya. To kula gə́ kəm kar sí raje ya mbata mee ləb gə́ dəs lé seḭ nja ḭje gə meḛ sí gə mba ra kula noji neelé ndá maji kar sí raje kəm sí gə́ kédé ya.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.