1 Njé gə́ Kɔrḭtə 7:22 - Maktub gə́ To gə Kəmee

²² Mbata ɓər gə́ Mbaidɔmbaije ɓaree lé yeḛ tel to ŋgonkoji lə Mbaidɔmbaije, nɛ ŋgonkoji gə́ yeḛ ɓaree lé tel to ɓər lə Kristi tɔ ŋga.

1 Njé gə́ Kɔrḭtə 7:22 ပူးပေါင်းရင်းမြစ်များ

Pakɔsje 116:16

Ǝi Njesigənea̰, oo ndum ya kari Mbata ma lé m’to kura ləi ya, M’to kura ləi gə́ to ŋgolə kura ləi gə́ dené lé ya. Kula gə́ tɔm ne lé i nja tudu rɔm’g mba̰.

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

1 Njé gə́ Kɔrḭtə 7:21

See i to ɓər ɓa Ala ɓari lé wa. Bèe ndá jɔg rɔi el, ɓó lé d’ɔri d’ilai tar ndá ɔd aw loo ləi.

1 Njé gə́ Kɔrḭtə 9:19

Mbata ɓó lə dəw dɔm kára kara godo kara ma nja m’wa rɔm gə́ ɓər lə dəwje lai ɓó gə mba kiŋga ne dəwje unda nje gə́ kédé.

1 Njé gə́ Kɔrḭtə 9:21

Mbuna deḛ gə́ lal godndu lé m’tel rɔm asəna gə dəw gə́ lal godndu tɔ, ɓó gə mba kiŋga ne deḛ gə́ lal godndu lé tɔ, nɛ ma lé m’lal godndu gə́ ka̰ Ala el mbata ma m’isi gin godndu gə́ ka̰ Kristi’g.

Njé gə́ Galati 1:10

Ɓasinè lé see dəwje ɓa ma m’saŋg loo mba kar dee d’ɔr ta ləm maji əsé Ala wa. See ma m’saŋg loo mba taa kəm dəwje wa. Ɓó lé m’ra né mba taa ne kəm dəwje ɓəi ndá m’a to kura lə Kristi el.

Njé gə́ Galati 5:1

Kristi ɔr sí dan ɓər’g mba kar sí j’isi gə́ ŋgankojije ya. Bèe ndá sije keneŋ njaŋg ɓó ar deeje tel d’ila sí pəgərə gin ɓər’g lé el ŋga.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.

Njé gə́ Kolosə 4:12

Epapras, ŋgoko̰ sí gə́ kojikəi lé ra sí lapia tɔ. Yeḛ to kura lə Jeju Kristi gə́ rɔ gə tamaji-ra ləa ta-ta mbata lə sí ɓó əw rəa el mba kar sí telje ne dəwje gə́ maji ɔrje njoroŋ ləm, gə mba kar sí aarje dɔ gɔl sí’g njaŋg mba ra ne torndu Ala karee ɔr rɔd ləm tɔ.

Piləmɔ̰ 1:16

Ndá i a kée gə́ ɓər el ŋga nɛ i a kée gə́ ŋgokɔḭ gə́ i ndigee gə meekɔr jol-jol ɓəi. Ma lé m’undá dan kəm’g ya nɛ i lé a kundá dan kəmi’g unda kama ɓəi mbata to gə́ yeḛ to kura ləi ləm, mbata kɔm gə́ yeḛ ɔm səi na̰’d gin Mbaidɔmbaije’g lé ləm tɔ.

1 Piɛrə 2:16

Seḭ gə́ toje ŋgankojije lé arje ŋgonkoji lə sí to kubu kon dɔ némeeyèr el nɛ arje néra sí wa bua kuraje lə Ala ya.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.