1 Njé gə́ Kɔrḭtə 6:7 - Maktub gə́ To gə Kəmee

⁷ Tɔgərɔ ya kaw gə ta lə sí loo-gaŋg-rəwta’g lé to néra gə́ to lée’g el, yee ɓa loo maḭyee godo ya. See ban ɓa seḭ ilaje meḛ sí po̰ dɔ ta gə́ deḛ gaŋg dɔ sí’g gə goo rəbee el lé wa. See ban ɓa seḭ ya̰ deeje ar deeje d’uba sí néje lə sí taa sí mbad el wa.

1 Njé gə́ Kɔrḭtə 6:7 ပူးပေါင်းရင်းမြစ်များ

Gosota-Kəmkàrje 2:5

Yen ɓa i a gər loo ɓəl Njesigənea̰ ləm, Kəmi a kinja dɔ gər ndaa Ala’g lé ləm tɔ.

Gosota-Kəmkàrje 20:22

Maji kari pana: M’a ra səa majel godə maree’g bèe el, Unda məəi yel dɔ Njesigənea̰’g ndá Yeḛ nja a kilai tar ɓəi.

Ojee 10:2

Meḛ dee tɔ joo ndá d’a koo kea̰ ya. Njesigənea̰ a gə tɔs loo-pole-magje lə dee tila ləm, A gə tuji néndajije lə dee gə́ to kɔr mbalje lé ləm tɔ.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Lugu 6:29

Ɓó lé dəw unda mbɔri gə́ kel kára ndá tel nje gə́ kel kára ila aree unda tɔ. Ɓó lé dəw a kɔr kubu ləi gə́ boi yul rɔi’g ndá tel aree kubu-kaar ləi gə́ raŋg dɔ’g ɓəi tɔ.

1 Njé gə́ Tesalonikə 5:15

Undaje kəmkàr dɔ rɔ sí’g mba kar dəw kára kara tel ra majel gə maree godə maree’g el nɛ saŋgje rəw né gə́ maji mba ra ta-ta mbuna sí-seḭ’g ləm, gə dəwje gə́ raŋg lai ləm tɔ.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.