1 Njé gə́ Kɔrḭtə 6:13 - Maktub gə́ To gə Kəmee

¹³ Nésɔje gə́ gə ria-ria kara to mbata lə mee dəw ləm, mee dəw kara to mbata lə nésɔje ləm tɔ. Ndá Ala a gə tuji yee gə́ nee gə yee gə́ nḛ, joo bɔr. Darɔ dəw lé to mba mɔdkaiya el, nɛ to mba ra kula lə Mbaidɔmbaije ɓa Mbaidɔmbaije kara to dəw dɔ darɔ tɔ.

1 Njé gə́ Kɔrḭtə 6:13 ပူးပေါင်းရင်းမြစ်များ

Matiyo 15:17

Né gə́ ḭ ta dəw’g aw mée’g lé tel né gə́ majel aree ɓugu loo-ŋgəḭ’g walá. See ooje njai el wa.

Matiyo 15:20

Néje lai neelé ɓa gə́ néje gə́ ar dəw mina̰ ne jɔmri-jɔmri ɓó sɔ né lal togo ji ɓa gə́ né gə́ ar dəw mina̰ ne el.

Mark 7:19

Mbata né neelé oso kəi-ɓə̰gəree’g el, nɛ oso jəbəlee’g ɓa aw saar oso looje gə́ to loo-kiya’g, loo gə́ won nésɔje ɔr keneŋ ndɔs-ndɔs lé ɓəi.

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

Tagə́maji gə́ Ja̰ ndang 6:49

Ka síje d’o̰ muru gə́ ḭ dara dɔdilaloo’g nɛ deḛ lé d’wəi mba̰.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Njé gə́ Rɔmə 14:17

Mbata ɓeeko̰ lə Ala lé wɔji dɔ nésɔ əsé nékai ba el, nɛ wɔji dɔ meekarabasur gə meelɔm gə rɔlel gə́ Ndilmeenda ar sí.

Njé gə́ Rɔmə 6:12

Maji kar kaiya uba dɔ sí si tar el ləm, telje rɔ sí goo malee gə́ ra sí’g el ləm tɔ.

Njé gə́ Rɔmə 7:4

Togə́bè, ŋgakɔmje, kwəi gə́ seḭ wəije gə Kristi na̰’d lé ta godndu ɔr dɔ sí’g mba kar sí sije ne kəmba mbata lə dəw gə́ raŋg, yeḛ gə́ teḛ dan njé gə́ d’wəi’g, ɓó gə mba kar sí j’andə ne gə kandə sí gə́ maji mbata lə Ala ya.

1 Njé gə́ Kɔrḭtə 3:16

Seḭ toje kəi-Ala, Ndil Ala si meḛ sí’g tɔ. See seḭ gərje bèe el wa.

1 Njé gə́ Kɔrḭtə 6:15

See seḭ gərje to gə́ darɔ sí lé to barkəm Kristi el wa. Bèe ŋga see m’a kwa dəb rɔ Kristi kára lé telee gə́ barkəm rɔ kaiya-dené ɓəi wa. Maji kar Ala ɔgm lée ya!

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

2 Njé gə́ Kɔrḭtə 5:15

Yeḛ wəi mbata lə deḛ lai mba kar deḛ gə́ d’isi kəmba lé d’isi kəmba mbata ləa-yeḛ gə́ wəi mbata lə dee ləm, unda loo teḛ dan njé gə́ d’wəi’g mbata lə dee ləm tɔ ɓó mbata lə dee-deḛ el.

Njé gə́ Galati 5:24

Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya.

Njé gə́ Epesə 5:23

mbata ŋgaw dené to dəw dɔ dené ləa to gə́ Kristi kara to ne dəw dɔ Eglisə gə́ to darəa-yeḛ ləm, yeḛ nja gə́ njekajee ləm tɔ.