1 Njé gə́ Kɔrḭtə 5:8 - Maktub gə́ To gə Kəmee

⁸ Bèe ndá ar sí n’raje naḭ lə sí gə muru gə́ ka̰ meenda gə kankəmta ɓó n’ra gə né gə́ ar nduji ti gə ka̰ meeyèr gə meekad lé el.

1 Njé gə́ Kɔrḭtə 5:8 ပူးပေါင်းရင်းမြစ်များ

Pakɔsje 32:2

Dəw gə́ Njesigənea̰ tura goo kaiya ləa ɔm dəa’g el ləm, Taŋgɔm kára kara wa mée el ləm tɔ ndá si dan rɔlel’g ya.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Teḛ-Raga 12:15

As ndɔ siri lé, seḭ a ko̰je muru gə́ əm-tiné godo keneŋ. Un kudee mee ndəa gə́ dɔtar lé əm-ti muru a godo mee kəije’g lə sí, mbata nana ɓa gə́ o̰ muru gə́ ti lé mee ndəa gə́ dɔtar saar teḛ ndəa gə́ siri lé ndá d’a kɔree mbuna Israɛlje’g gə́ gogo ya.

Teḛ-Raga 12:19

As ndɔ siri lé əm-ti muru a godo mee kəije’g lə sí, mbata nana ɓa gə́ o̰ muru gə́ ti lé lé to dəw-dɔ-ɓee əsé to kojiɓee kara d’a kɔree mbuna koso-dəwje gə́ Israɛl’g gə́ gogo ya.

Teḛ-Raga 12:8

Mee til’g neelé ya, d’a sɔ dakasee gə́ nuŋga dɔ pər’g lé, d’a sɔ na̰’d gə muru gə́ əm-tiné godo keneŋ ləm, gə kamnaḭje gə́ adə ləm tɔ.

Teḛ-Raga 13:6

As ndɔ sí siri lé seḭ a ko̰je muru gə́ əm-tiné godo keneŋ: ndá ndɔ gə́ njekɔm’g siri lé seḭ a raje naḭ gə mba kilaje ne riɓar dɔ Njesigənea̰’g.

Teḛ-Raga 13:7

As ndɔ sí siri lé seḭ a ko̰je muru gə́ əm-tiné godo keneŋ, muru gə́ əm-tiné to keneŋ lé a godo mee kəije’g lə sí ləm gə dɔ naŋg ɓee’g lə sí ləm tɔ.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 30:29

Seḭ a kɔsje pa to gə́ d’ɔs ne pa loo-ra-naḭ’g loondul’g bèe ləm, seḭ a raje rɔlel gə meḛ sí to gə́ dəw gə́ njaa gə ndu buula gə́ ɓar ləm tɔ gə mba kaw ne dɔ mbal’g lə Njesigənea̰, yeḛ gə́ to biri mbal lə Israɛlje tɔ.

Ləbije 23:6

Ndɔ dɔg-giree-mi lə naḭ gə́ neelé a to ndɔ ra naḭ gə́ ka̰ muru gə́ lal əm-tiné kwɔji ne dɔ Njesigənea̰, as ndɔ sí siri lé, seḭ a ko̰je muru gə́ lal əm-tiné ya.

Matiyo 16:12

Togə́bè ɓa deḛ gər gao ta gə́ yeḛ pa lé wɔji dɔ ta gə́ Parisiḛje gə Saduseḛje ndoo dəwje ɓó wɔji dɔ né gə́ ar nduji ti lé el.

Matiyo 16:6

Jeju ula dee pana: Aaje rɔ sí kər-kər dɔ né gə́ ar nduji ti ka̰ Parisiḛje gə Saduseḛje lé.

Mark 8:15

Jeju ndəji dee bər-bər pana: Aaje rɔ sí kər-kər mba kar né gə́ ar nduji ti gə́ ka̰ Parisiḛje gə ka̰ Herɔdə lé tibi mbɔr sí el.

Lugu 12:1

Mee ndəaje’g neelé koso-dəwje bula digi-digi mbo̰ na̰ rəa’g d’uba na̰ tususu ndá Jeju un kudu kula njékwakiláje pana: Aaje rɔ sí kər-kər dɔ né gə́ ar nduji ti’g gə́ ka̰ Parisiḛje gə́ to gə́ néhulai lé.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

1 Njé gə́ Kɔrḭtə 3:3

Tɔgərɔ ya, kəmkəḭ gə ta tḭ-na̰ to mbuna sí’g lé ndá see néra sí wɔji dɔ darɔ el wa. See panjaa sí to gə́ panjaa dəwje gə́ kari ba ɓəi el wa.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

1 Njé gə́ Kɔrḭtə 5:6

Tɔgərɔ ya, ti gə́ seḭ tije ne rɔ sí lé to lée’g el. See seḭ gərje el wa, né gə́ ar nduji ti gə́ lam ba nɛ loo gə́ d’ila nduji’g loḭ ne ndá aree ḭ dor-dor. See seḭ gərje bèe el wa.

2 Njé gə́ Kɔrḭtə 1:12

Mbata né gə́ jeḛ n’ti ne rɔ sí dɔ’g lé ɓa to nee: Jeḛ lé ta gə́ meḛ sí ula sí ɓa ar sí j’oo gao kaw gə́ jeḛ j’aw dɔ naŋg nee ləm, gə né gə́ jeḛ n’ra gə mbata lə sí ləm tɔ lé jeḛ n’ra gə meenda gə meemaji no̰ Ala’g ya: jeḛ n’ra gə goo noji lə Ala ya ɓó jeḛ n’ra gə goo kəmkàr gə́ ka̰ naŋg nee el.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 8:8

Ma m’pa m’wɔji sí ne gə́ kwɔji ɓó ma m’pa gə ndukun el mba kar rɔkwɔilɔ lə sí mbata lə mar síje lé ɓa ma m’naa ne meenoji lə sí m’oo see to nojimeenda tɔgərɔ ya wa.

Njé gə́ Epesə 6:24

Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!

Tel tura Godndu 16:16

Mee ləbje kára-kára lé diŋgamje lai mbuna sí’g d’a teḛ as gɔl munda kaar no̰ Njesigənea̰ Ala’g lə sí loo gə́ yeḛ a kɔr kunda gə kəmee lé: ndɔ ra naḭ gə́ muru gə́ lal əm-tiné ləm, gə naḭ gə́ wɔji dɔ ndɔje gə́ siri-siri lé ləma, gə naḭ gə́ wɔji dɔ kəi-kubuje lé ləm tɔ. D’a ree kaar no̰ Njesigənea̰’g gə ji dee kari ba el.

Tel tura Godndu 16:3

Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya.

Jujé 24:14

Ɓasinè, maji kar sí ɓəlje Njesigənea̰ ləm, raje né areeje gə meekarabasur gə ŋgonkoji ləm tɔ. Arje magəje gə́ ka síje-je ra né d’ar dee kel tura-baa gə́ nu mee ɓee gə́ Ejiptə lé godo mbuna sí’g ndá raje né arje Njesigənea̰ ɓa.

1 Piɛrə 4:2

gə mba kar loo gə́ yeḛ nai ne gə kəmee ɓəi lé yeḛ a si kəmba mba ra ne né gə́ mee Ala wɔji ɓó gə mba tɔl ne mal néje gə́ ra dəwje gə́ dɔ naŋg nee el.