1 Njé gə́ Kɔrḭtə 5:5 - Maktub gə́ To gə Kəmee

⁵ ndá seḭ a kɔrje diŋgam neelé gə ri Mbaidɔmbaije Jeju kiláje ji Njekurai’g mba kar darəa tuji ne ɓó gə kar kankəmrea gə́ ka̰ ndil lé aji ne ndɔ ree lə Mbaidɔmbaije ɓəi tɔ.

1 Njé gə́ Kɔrḭtə 5:5 ပူးပေါင်းရင်းမြစ်များ

Maktub gə́ wɔji dɔ Jɔb 2:6

Njesigənea̰ ula Njekurai pana: Aa oo, ma m’ilá jii’g nɛ né kára ba lé i a kyá̰ kəmba!

Pakɔsje 109:6

Maji kari ar njemeeyèr ɓa to dəw dəa ləm, Maji kar njekilatar dɔ loo’g lé Aar tar dɔ jikɔlee’g ləm tɔ.

Gosota-Kəmkàrje 23:14

Loo gə́ i undá gə ndəi lé ndá I ɔree ne mee ɓee’g lə njé gə́ d’wəi teḛ səa.

Ləbije 13:21

Ɓó lé njekinjanéməs lé oo to gə́ né gə́ ila ɓal lé ar bḭyee tel ndá el ləm, uru dəs ndar rəa el ləma, rəa tel ɔr ndá ləm tɔ ndá yeḛ a kudu debee neelé kəi as ndɔ siri.

Matiyo 4:10

Yen ŋga Jeju ulá pana: Njekurai, ɔd tam’g gə gogo mbata deḛ ndaŋg mee maktub’g pana: Mbaidɔmbaije Ala ləi lé yeḛ ya kára ba ɓa i a kunda barmba nea̰’g ləm, yeḛ nja kára ba kiao ɓa i a ra né karee ləm tɔ.

Lugu 22:31

Mbaidɔmbaije pana: Simo̰, Simo̰, Njekurai dəji loo gə mba ɗigi sí to gə́ ɗigi ne kó bèe.

Néra Njékaḭkulaje 26:18

mba kari ar kəm dee inja, kar dee d’ḭ ne dan loondul’g teḛ ne dan kàrá ləm, mba kar dee d’unda rɔ dee ji siŋgamoŋ’g lə Njekurai ti d’ɔm ne ji Ala’g lé ləma, mba kar dee d’ɔm meḛ dee dɔm’g mba kar məəm ti mbidi dɔ kaiya’g lə dee ɓó gə kar dee d’isi gə deḛ gə́ to gə kəmee lé d’iŋga sə dee nénoji lé tɔ.

1 Njé gə́ Kɔrḭtə 1:8

Yeḛ nja a gɔl sí kar sí ŋgəŋje ne, saar ndɔ gə́ rudee a kun ɗiao, mba kar ndɔ ree lə Mbaidɔmbaije lə sí Jeju Kristi lé ta kára kara a kwa dɔ sí nda̰ el.

1 Njé gə́ Kɔrḭtə 11:32

Loo gə́ Mbaidɔmbaije gaŋgta dɔ sí’g ndá yeḛ ra gə mba kula sí ne kəmkàr ɓó mba kar tuji gə́ wa dɔ naŋg neelé wa dɔ sí el.

1 Njé gə́ Kɔrḭtə 5:13

Deḛ gə́ d’isi gir loo gə́ raga lé Ala ɓa a gaŋg rəwta dɔ dee’g ya. Ram-dəw gə́ si mbuna sí’g lé oreeje wɔgədɔ gə́ raga ɓa.

2 Njé gə́ Kɔrḭtə 10:6

Jeḛ j’aar dɔ gɔl sí’g kəgəgə mba kar bo̰ kalta lə sí gə́ rara kara ɔs ta sí’g bɔsɔrɔ loo gə́ dɔ ŋgonkoji lə sí ɔr ne njal lé.

2 Njé gə́ Kɔrḭtə 12:7

Tɔɓəi gə mba kam m’beelé m’ti ne rɔm mbata lə néje gə́ dumkoo gə́ to loo-kiya’g gə́ deḛ riba dɔ dee’g d’am m’oo lé el ndá d’ar kun ɔs ne dakasrɔm, yee ɓa to njekula lə Njekurai gə a gə kɔsm ta-ta mba kɔgm ne loo ti ne rɔm mugugu-mugugu ya.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

Njé gə́ Pilibə 1:6

Ma m’gər gao yeḛ gə́ un kudu ra kula gə́ maji neelé meḛ sí’g lé a ra saar kar dəa ɔr njal ndəa gə́ ka̰ Jeju Kristi ya.

1 Timote 1:20

Imene gə Aleja̰drə gə́ to mbuna dee’g lé ma m’ɔm dee ji Njekurai’g gə mba kar dee ndoo ne loo kila ndɔl el ŋga.

2 Timote 1:18

Maji kar Mbaidɔmbaije nja ar mée oso lemsé dəa’g mee ndɔ gə́ boo’g lé. Néje lai gə́ yeḛ ra am Epesə lé i gər maji unda dəwje gə́ raŋg lai.

2 Piɛrə 3:12

Maji kar sí ŋginaje ndɔ ka̰ Ala lé ndiŋgaje ne rɔ sí karee teḛ kalaŋ ya. Ndəa neelé pər a roo ne néje gə́ pən dara’g dula-dula kar dee ndiri njigi-njigi léḛ lé.

1 Ja̰ 5:16

Ɓó lé dəw kára oo ŋgokea̰ ra kaiya gə́ a gə kɔdee loo-yoo’g el ɓəi ndá maji karee ra tamaji ɓa Ala a kar ŋgokea̰ kəmə lé ya. Deḛ gə́ ra kaiya gə́ ɔd dee loo-yoo’g el ɓəi lé Ala a kar dee kəmə lé ya. Kaiya gə́ ɔd debee gə́ njerea loo-yoo’g lé to keneŋ ya, nɛ ma m’ula sí mba kar sí raje tamaji mbata kaiyaje gə́ togə́bè lé el.