1 Njé gə́ Kɔrḭtə 5:4 - Maktub gə́ To gə Kəmee

⁴ Loo gə́ seḭ waje dɔ na̰ ar ndiləm nai sə sí na̰’d ləm, ar siŋgamoŋ lə Mbaidɔmbaije lə sí Jeju nai sə sí na̰’d ləm tɔ

1 Njé gə́ Kɔrḭtə 5:4 ပူးပေါင်းရင်းမြစ်များ

Matiyo 16:19

M’a kari nékɔr tarəw ɓeeko̰ gə́ dara. Néje lai gə́ i a kɔg dee dɔ’g dɔ naŋg nee ndá a to né gə́ d’ɔg dee dɔ’g dara ya tɔ. Néje lai gə́ i a kun ndui kar dee ra dɔ naŋg nee ndá a to né gə́ d’a kun ndu dee kar dee ra dara tɔ.

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Tagə́maji gə́ Ja̰ ndang 20:23

Njé gə́ rara ɓa gə́ seḭ a kɔrje kaiya dɔ dee’g dɔ naŋg nee ndá ta kaiya lə dee a kwa dɔ dee nda̰ el. Njé gə́ rara ɓa gə́ seḭ a kya̰je ta kaiya lə dee dɔ dee’g ndá kara kaiya lə dee a nai dɔ dee’g tɔ.

Néra Njékaḭkulaje 16:18

Yeḛ ra togə́bè as ndɔ bula ndá mee Pool ea̰ yaa̰ aree pa gə ndil lé pana: M’un ndum m’ari gə ri Jeju Kristi mba kari unda loo mée’g teḛ. Léegəneeya yeḛ unda loo mée’g teḛ tɔ.

Néra Njékaḭkulaje 3:6

Yen ŋga Piɛrə ulá pana: Ma lé larnda əsé larlɔr godo jim’g nɛ né gə́ to jim’g lé to né gə́ m’a gə kari ya. Ma m’ulai gə ri Jeju Kristi gə́ Najaret, uba naŋg ḭta njaa!

Néra Njékaḭkulaje 4:30

ula jii ndiŋ ar dee gə mba kar dee d’ɔr ne rɔko̰je ləm, gə ra ne némɔrije ləma, gə ra ne néje gə́ dumkoo ləm tɔ gə ri Jeju, kura ləi gə́ i undá gə kəmee lé ya.

2 Njé gə́ Kɔrḭtə 13:10

Gelee gə́ nee ɓa, ma gə́ m’godo mbuna sí’g ɓasinè lé ma m’ndaŋg maktub nee m’ar sí mba kar loo gə́ m’a teḛ mbuna sí’g ndá m’a koo loo mba ra sə sí kədərə el, ndukun gə́ Mbaidɔmbaije un am lé to gə mba rɔd sí ne ɓó gə mba tuji sí ne el.

2 Njé gə́ Kɔrḭtə 13:3

Mbata ta lə Kristi gə́ yeḛ ula tam’g am m’pa ne sə sí lé yee ɓa seḭ ndigije kooje gəd, mbata Kristi lé yeḛ nai mbuna sí’g gə siŋgamoŋ ləa ɓó yeḛ kul dɔ sí’g kwɔji-kwɔji el.

2 Njé gə́ Kɔrḭtə 2:6

Boo-ta gə́ seḭje bula ɔmje ne dəa’g lé yee ɓa as ŋga.

Njé gə́ Epesə 5:20

Nénojije lai gə́ seḭ iŋgaje lé raje ne oiyo gə mbəa arje Ala Bɔ síje gə ri Jeju Kristi Mbaidɔmbaije lə sí lé.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

2 Njé gə́ Tesalonikə 3:6

Ŋgako̰ síje, jeḛ ndəji sí gə ri Mbaidɔmbaije lə sí Jeju Kristi mba kar sí saaje rɔ sí rɔ ŋgoko̰ sí gə́ rara kara gə́ gər kwa dɔ gɔl rəa el lé ləm, əsé gə njaa goo ta gə́ jeḛ ndoo sí lé el ləm tɔ.

Jujé 22:15

Deḛ d’aw rɔ Rubḛje’g, gə Gadje’g, gə́ ges ginkoji Manasə’g mee ɓee gə́ Galaad ndá d’un ta d’ula dee pana: