1 Njé gə́ Kɔrḭtə 5:13 - Maktub gə́ To gə Kəmee

¹³ Deḛ gə́ d’isi gir loo gə́ raga lé Ala ɓa a gaŋg rəwta dɔ dee’g ya. Ram-dəw gə́ si mbuna sí’g lé oreeje wɔgədɔ gə́ raga ɓa.

1 Njé gə́ Kɔrḭtə 5:13 ပူးပေါင်းရင်းမြစ်များ

Pakɔsje 50:6

Dara a kila mber meekarabasur ləa, Mbata Ala to njegaŋ-rəwta.

Njekillamber 9:18

Kəmkàr lé maji unda nérɔje. Nɛ njekaiya gə́ kára ba lé tuji némajije bula.

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Njé gə́ Rɔmə 2:16

Yee ɓa a to raga pai-pai loo gə́ Ala nja a kar Jeju Kristi gaŋg rəwta dɔ dəwje dɔ néra goo ŋgəḭ’g lə dee mee ndəa gə́ yeḛ wɔji gə goo Tagə́maji gə́ m’ula sí lé.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

1 Njé gə́ Kɔrḭtə 5:2

Tɔɓəi seḭ lé seḭ beelé tije ne rɔ sí mugugu-mugugu, ɓó seḭ no̰je ne gə meeko̰yoo ɔsje ne debee neelé mbuna sí’g ŋgərəŋ el.

1 Njé gə́ Kɔrḭtə 5:5

ndá seḭ a kɔrje diŋgam neelé gə ri Mbaidɔmbaije Jeju kiláje ji Njekurai’g mba kar darəa tuji ne ɓó gə kar kankəmrea gə́ ka̰ ndil lé aji ne ndɔ ree lə Mbaidɔmbaije ɓəi tɔ.

1 Njé gə́ Kɔrḭtə 5:7

Né gə́ ar nduji ti gə́ ləw lé unje mbélje kɔ ɓó gə mba kar sí tel toje ne muru gə́ sigi mbata né gə́ ar nduji ti lé godo rɔ sí’g ŋga, mbata Kristi lé to asəna gə ŋgonbad ra Pag lə sí lé deḛ tɔlee mba̰.

Tel tura Godndu 13:5

Seḭ a kawje goo Njesigənea̰ Ala’g lə sí ləm, seḭ a ɓəleeje ləm tɔ, seḭ a kaaje dɔ godndiaje ləm, a kilaje koji dɔ ndia’g ləm, a kwáje meḛ sí’g ləma, a rḛ́je rəa’g rḛ́-rḛ́ ləm tɔ.

Tel tura Godndu 17:12

Dəw gə́ beelé ɔsee aree oo ta ta njekinjanéməs gə́ d’undá lée’g nee gə mba karee ra né ar Ala lə sí gə́ Njesigənea̰ el lé, əsé oo ta ta njegaŋ-rəwta’g el ləm tɔ ndá debee neelé d’a tɔlee gə́ tɔl ya. Togə́bè ɓa seḭ a kɔrje ne né gə́ majel mbuna Israɛlje’g,

Tel tura Godndu 17:7

Njékɔrgootaje lé ya d’a kun né kilá ne dɔtar mba tɔlee ne ɓa koso-dəwje lai d’a kula ji dee keneŋ ɓəi. Togə́bè ɓa seḭ a kɔrje ne né gə́ majel mbuna sí’g.

Tel tura Godndu 21:21

Bèe ɓa koso-dəwje lai gə́ mee ɓee-boo’g ləa lé d’a tilá gə kɔri-ər tɔlee. Seḭ a raje togə́bè mba kɔrje ne né gə́ majel mbuna sí’g gə mba kar Israɛlje lai d’oo ndá d’a ɓəl ne tɔ.

Tel tura Godndu 22:24

seḭ a teḛje sə dee joo bɔr tarəwkɔg’d lə ɓee-boo ndá seḭ a tila deeje gə kɔri-ər tɔl deeje, ŋgoma̰də lé mbata yeḛ ur kii dəa’g mee ɓee-boo’g el ləm, diŋgam ndá mbata lə rɔkul gə́ yeḛ ila dɔ dené’g lə maree lé ləm tɔ. Togə́bè ɓa seḭ a kɔrje ne né gə́ majel mbuna sí’g ya.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

Njéga̰g-Rəwtaje 20:13

Arje njéra nékɔbje neelé teḛ mee ɓee gə́ Gibea gə́ raga mba kar sí n’tɔl deeje mba kɔr ne né gə́ majel mbuna Israɛlje’g. Nɛ Bḛjamije ndigi koo ta lə ŋgako̰ deeje gə́ to Israɛlje lé el.