1 Njé gə́ Kɔrḭtə 5:1 - Maktub gə́ To gə Kəmee

¹ Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

1 Njé gə́ Kɔrḭtə 5:1 ပူးပေါင်းရင်းမြစ်များ

Gḭ-Néje 35:22

Loo gə́ Israɛl si dɔ naŋg ɓee’g neelé ndá Rubḛ aw to gə Bila gə́ to gamla-dené lə bɔbeeje lé. Ndá Israɛl oo taree. Ŋgalə Jakob lai lé d’aḭ dɔg-gir-dee-joo.

Gḭ-Néje 37:2

Aa oo, ta gə́ wɔji dɔ ŋgaka Jakob ɓa to nee: Jisəb lé ra ləb dɔg-giree-siri ndá yeḛ ul koso-nékulje gə ŋgakea̰je na̰’d. Basa neelé nai rɔ ŋgalə Bila’g gə Jilpa’g, deḛ gə́ to gə́ denéje lə bɔbeeje lé. Jisəb lé un tapa gə́ majel lə dee aw ndaji ar bɔbeeje oo.

Gḭ-Néje 49:4

I lé ləŋg ta təji-təji to gə́ mán bèe Ndá i a teḛkɔr dɔ marije’g el! Mbata i uba dɔ tira-to bɔbije, I ula sul dɔ tira-to bɔbije’g loo gə́ i uba dəa lé.

2 Samel 16:22

Deḛ la kəi-kubu mbata lə Absalɔm dɔ kəi’g tar ndá Absalɔm aw to gə gamla-denéje lə bɔbeeje lé kəm Israɛlje’g lai ya.

2 Samel 20:3

Dabid aw mee kəi’g ləa gə́ Jerusalem. Ndá mbai ɔr gamla-denéje gə́ dɔg gə́ yeḛ ya̰ dee mba kar dee ŋgəm kəi lé ndá yeḛ udu dee mee kəi-ŋgəm dee’g, yeḛ ar dee néje gə́ d’aw ndée ya nɛ yeḛ aw rɔ dee’g el ŋga. Togə́bè ɓa deḛ d’isi ne asəna gə njékəisiŋgaje bèe mee kəi-ŋgəm dee’g saar ndɔ kwəi’g lə dee tɔ.

1 Sôrta Gḭka-Israɛlje 5:1

Ŋgalə Rubḛ, yeḛ gə́ to ŋgondər Israɛl lé. Mbata yeḛ to ŋgondəree ya, nɛ loo gə́ yeḛ ula sul dɔ tira-to bɔbeeje’g lé ndá né ləa gə́ wɔji dɔ ŋgondər lé d’ar ŋgalə Jisəb gə́ to ŋgolə Israɛl lé ɓa, bèe ɓa deḛ ndaŋg ria loo ndaŋg ri ginkojije’g asəna gə ŋgondər el.

Jeremi 2:33

Seḭ lé seḭ gərje loo ra goso yaa̰ Mba ndolè yeḛ gə́ seḭ ndigeeje lé Ndá seḭ raje goso yaa̰ Gə mba ra ne némajelje togə́bè ya tɔ.

Ejekel 16:47

Rəw-kaw dee-deḛ ba ɓa i njaa keneŋ el ləm, néra deeje gə́ mina̰ ba ɓa i ra el ləm tɔ mbata to gə́ lam ba ɓəi, nɛ i lé ar néraije to né gə́ ndum oso lud rəw-kabije’g lai ya.

Ejekel 22:10

Mee ɓee-boo’g ləi lé njé gə́ na̰je to gə denéje lə bɔ deeje ləm, mee ɓee-boo’g neelé deḛ buguru dené ndɔ kwɔməs’g ləa ləm tɔ.

Ləbije 18:8

Seḭ a toje gə dené lə bɔ síje gə́ raŋg el. To rɔkul gə́ seḭ ilaje dɔ bɔ síje’g ya.

Ləbije 20:11

Ɓó lé diŋgam to gə dené lə bɔbeeje ila ne rɔkul dɔ bɔbeeje’g bèe ndá diŋgam gə dené neelé kəm tɔl dee gə́ tɔl ya, ta məs dee a kwa dɔ dee-deḛ ya.

Amɔs 2:7

Deḛ ndiŋga rɔ dee mba njaa dɔ njéndooje’g asəna gə babur bèe ləm, Njénékəmndooje lé kara d’ɔg dee né gə́ kəm kar dee d’iŋga ləm tɔ. Ŋgon gə́ diŋgam deḛ gə bɔbeeje d’orè na̰ dɔ ŋgoma̰də gə́ kára ba ya D’ula ne sul dɔ ri neḛ-neḛ gə́ to gə kəmee doi lé.

Néra Njékaḭkulaje 15:20

Nɛ maji ndaŋg maktub kar dee mba kar dee d’ɔg rɔ dee dɔ nésɔ gə́ mina̰ gə́ to nékar magəje ləm, gə dɔ mɔdkaiya’g ləm, gə dɔ nékulje gə́ mbiri gwɔs dee ləma, gə dɔ məs’g ləm tɔ.

Néra Njékaḭkulaje 15:29

Né gə́ kəm ra gə́ j’ula sí lé ɓa nee: Ɔgje rɔ sí dɔ da gə́ deḛ pole ne magəje ləm, gə dɔ məs’g ləm, gə dɔ nékulje gə́ mbiri gwɔs dee’g ləma, gə dɔ mɔdkaiya’g ləm tɔ. Néje neelé ɓa maji kar sí ɔgje rɔ sí dɔ’g ya. J’ɔm sí ji Ala’g.

1 Njé gə́ Kɔrḭtə 1:11

Tɔgərɔ, ŋgakɔmje, deḛ gə́ d’isi kəi lə Kloe lé d’ulam pana: Ta tḭ-na̰ oso mbuna sí’g.

1 Njé gə́ Kɔrḭtə 5:11

Ɓasinè ɓa m’ndaŋg ta neelé mee maktub’g m’ar sí m’pana: Dəw gə́ wa rəa gə́ ŋgoko̰ sí nɛ yeḛ to kaiya-dəw əsé njekəmnda əsé njepolemagje əsé njetajikil əsé njera ɓər lə kido əsé gɔŋgé-ɓogo lé dəw gə́ togə́bè ɓa m’ula sí m’pana: Ɔrje səa kura el ləm, ji sí kara a kulaje mee ka nésɔ’g ləa el ləm tɔ.

1 Njé gə́ Kɔrḭtə 6:13

Nésɔje gə́ gə ria-ria kara to mbata lə mee dəw ləm, mee dəw kara to mbata lə nésɔje ləm tɔ. Ndá Ala a gə tuji yee gə́ nee gə yee gə́ nḛ, joo bɔr. Darɔ dəw lé to mba mɔdkaiya el, nɛ to mba ra kula lə Mbaidɔmbaije ɓa Mbaidɔmbaije kara to dəw dɔ darɔ tɔ.

1 Njé gə́ Kɔrḭtə 6:18

Undaje rɔ sí ɓad dɔ mɔdkaiya’g. Kaiya gə́ rara gə́ dəw ra lé to gə́ rəa’g raga ɓəi. Nɛ yeḛ gə́ ya̰ rəa yag dɔ mɔdkaiya’g ndá yeḛ nja ula sul dɔ rəa-yeḛ’g.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

2 Njé gə́ Kɔrḭtə 12:21

Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.

2 Njé gə́ Kɔrḭtə 2:5

Ɓó lé dəw kára mbuna sí’g ula kəm mareeje ndòo ndá yeḛ ula kəm-ma ya ndòo gə karm el, nɛ seḭje kara yeḛ ula kəm sí-seḭ ndòo ya tɔ. M’pa bèe m’wɔji ne dɔ njé gə́ na̰je ba, ɓó lé m’wɔji ne dɔ sí lai ndá a to kəsta.

2 Njé gə́ Kɔrḭtə 7:12

Bèe ndá ɓó lé ma m’ndaŋg ta mee maktub’g m’ar sí ndá ma m’ra mbata lə yeḛ gə́ njetɔsta el ləm, əsé mbata lə yeḛ gə́ yeḛ tɔs səa ta el ləm tɔ. Ma m’ra mba kar kag sí gə́ seḭ tədje lé to raga pai-pai mbuna sí’g no̰ Ala’g ya.

Njé gə́ Galati 5:19

Néraje gə́ ka̰ darɔ lé to raga pai-pai ya, deḛje ɓa to nee ya: Mɔdkaiya ləm, gə kəmnda ləm, gə kaw kori-kori ləm,

Njé gə́ Epesə 5:3

Mɔdkaiya ləm, gə kəmnda gə́ rara kara ləma, gə kwəi-yoo-lar ləm tɔ lé maji kar ri dee ɓar sə sí el. Yee ɓa gə́ né gə́ kəm ra lə deḛ gə́ to gə kəmee lé.

Tel tura Godndu 27:20

Meeko̰ a koso dɔ dəw gə́ to gə dené lə bɔbeeje mbata yeḛ oo loo rɔkul lə bɔbeeje. Ndá koso-dəwje lai d’a kila dee keneŋ pana: A to togə́bè ya!

Njé gə́ Kolosə 3:5

Bèe ndá arje mal néje gə́ ra sí gə́ wɔji dɔ naŋg neelé wəi mburug rɔ sí’g, yee ɓa to mɔdkaiya ləm, gə kəmnda ləm, gə mal néje gə́ ula pər meḛ sí’g ləma, gə mwəiyoolar gə́ to gə́ magəpole lə dəwje lé ləm tɔ.

1 Njé gə́ Tesalonikə 4:7

Mbata Ala ɓar sí mba kar sí j’isi gə kəmee ɓó gə mba kar sí toje gə́ njémeemina̰je el.

Loo gə́ killa rea kəm Ja̰’g 2:21

M’ila məəm dəa’g mba karee wa ndòo rəa dɔ kaiya’g ləa nɛ yeḛ ndigi kya̰ goo mɔdkaiya ləa el.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

1 Samel 2:24

Wah! ŋganəmje, ta néje gə́ m’oo lé to majel. Seḭ arje dəwje lə Njesigənea̰ ra kaiya ya.