1 Njé gə́ Kɔrḭtə 4:5 - Maktub gə́ To gə Kəmee

⁵ Togə́bè ɓa maji kar sí gaŋgje ta dɔ mar síje’g kédé el. Ŋginaje saar ndɔ ree lə Mbaidɔmbaije, yeḛ gə́ a riba dɔ néje lai gə́ loondul dəb dɔ’g bigim lé ləm, a kila takə̰ji lə dəwje kɔd-kɔd gə́ raga ləm tɔ. Ndəa neelé nana kara a kiŋga pidi gə́ goso dəa gə́ a kḭ rɔ Ala’g ya.

1 Njé gə́ Kɔrḭtə 4:5 ပူးပေါင်းရင်းမြစ်များ

Maktub gə́ wɔji dɔ Jɔb 12:22

Né gə́ iya rəa loondul’g lé yeḛ riba dəa pərəg gə́ raga ləm, Yeḛ ar ndil yoo gə́ dəb rigim lé to raga ndəgəsə ləm tɔ.

Gosota-Kəmkàrje 12:8

Dəw lé iŋga pidi gə goo gosonégər ləa, Nɛ dəw gə́ mée aw kori-kori lé tel to nékunda kḭdi.

Njekillamber 11:9

I basa lé maji kari al rɔi loo nai basa’g ləi ləm, ya̰ məəi ar rɔlel mee ndɔje lai gə́ i to ne gə́ basa lé ləm, njaa gə goo rəwje gə́ məəi wɔji ləma, gə goo loo gə́ kəmi oo lé ləm tɔ. Nɛ maji kari gər gao to gə́ néje lai neelé Ala a gə kar dee ree dɔi’g loo-gaŋg-rəwta’g ya ɓəi.

Njekillamber 12:14

Mbata Ala a ree gə kula ra síje lai loo-gaŋg-rəwta’g kwɔji ne dɔ néje lai gə́ to loo-ŋgəḭ’g lé, lé to né gə́ maji əsé né gə́ majel ya kara ləm tɔ.

Jeremi 16:17

Mbata kəm wəi siḭ dɔ rəw-kaw deeje’g lai ɓó deḛ d’iya rɔ dee kəm’g el ləm, néra kori-korije lə dee kara d’iya rɔ dee kəm’g el ləm tɔ.

Jeremi 23:25

Neḛ n’oo ta gə́ njéteggintaje pa teg ne ginta gə taŋgɔm gə ri neḛ pana: Ma m’ni, ma m’ni.

Ojee 8:13

Néje gə́ deḛ d’inja dee gə́ məs d’arm ma lé Deḛ nja d’usɔ dakas dee ya. Néje neelé taa kəm Njesigənea̰ el, Ɓasinè Njesigənea̰ ar mée olé dɔ néra kori-korije’g lə dee Ndá yeḛ a kar bo̰ néra dee ɔs ta dee’g bɔsɔrɔ: Deḛ d’a tel kaw Ejiptə ya gogo.

Malasi 3:18

Ndá seḭ a tel kooje loo to ɓəd lə njemeekarabasur gə njemeeyèr ləm, gə loo to ɓəd lə dəw gə́ njera né kar Ala gə yeḛ gə́ ra né aree el ləm tɔ.

Matiyo 10:26

Bèe ndá arje dɔ sí to̰ keneŋ kəw el, mbata né gə́ to loo-kiya’g gə́ a lal kila rəa gə́ raga lé godo ləm, ta gə́ to loo-ŋgəḭ’g gə́ d’a tegginee gə́ raga el lé kara godo ləm tɔ.

Matiyo 24:30

Yen ŋga, nékwɔji loo ree lə Ŋgon-dəw lé a teḛ dara ndá ginkoji dəwje gə raŋg gə́ dɔ naŋg nee d’a kunda kaar dee no̰ gə kii gèr-gèr ləm, d’a kaa loo koo Ŋgon-dəw gə́ a kḭ dara si ree dan loo-kil’g lə ndi gə siŋgamoŋ gə boo-ronduba ləm tɔ.

Matiyo 24:46

Kura neelé gə́ mbai ləa teḛ dəa’g iŋgá dɔ néra gə́ togə́bè’g ndá a si dan rɔlel’g ya.

Matiyo 25:21

Mbai ləa tel ulá pana: Maji ya, i to kura gə́ gəd gə́ majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Matiyo 25:23

Mbai ləa tel ulá pana, Maji ya, i to kura gə́ gəd gə́ to majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Lugu 6:37

Gaŋje ta dɔ mar síje’g el ndá Ala kara a gaŋgta dɔ sí’g el tɔ, ilaje ta dɔ mar síje’g el ndá Ala a kila ta dɔ sí’g el tɔ, ɔrje ta dɔ mar síje’g ndá Ala a kɔr ta dɔ sí’g tɔ.

Tagə́maji gə́ Ja̰ ndang 21:22

Jeju ilá keneŋ pana: Ɓó lé ma m’ndigi karee si bèe saar mba karm m’tel m’iŋgá kara see ta ɗi ləi ɓa to keneŋ wa. I nja ɔd gə́ goom’g nee.

Tagə́maji gə́ Ja̰ ndang 21:23

Yen ŋga taree oso gə loo mbidi-mbidi mbuna ŋgako̰ deeje’g ar dee pana: Njekwakila Jeju neelé a kwəi pai godo. Nɛ ta kwəi gə́ yeḛ a kwəi pai godo lé ɓa Jeju pa bèe el, nɛ ta gə́ yeḛ ula Piɛrə lé ɓa nee: Ɓó lé neḛ ndigi karee si bèe saar mba kar neḛ n’tel n’ree n’iŋgá lé see ta ɗi ləa ɓa to keneŋ wa.

Tagə́maji gə́ Ja̰ ndang 5:44

Seḭ gə́ saŋgje rɔnduba gə́ ḭ rɔ na̰’g ɓó saŋgje rɔnduba gə́ ḭ rɔ Ala’g ɓa el lé see seḭ a kɔmje meḛ sí dɔm’g to gə́ banwa.

Njé gə́ Rɔmə 14:4

See i to na̰ ɓa gə mba gaŋg rəwta dɔ kura’g lə mari wa. Lé yeḛ Aar tar əsé yeḛ oso kara to ta lə ɓéeje ba. Nɛ yeḛ a kaar tar jigiri ya mbata siŋgamoŋ lə Mbaidɔmbaije ɓa a kar ŋgirá ŋgəŋ tɔ.

Njé gə́ Rɔmə 2:1

I dəw gə́ ban-ban kara gə́ wa rɔi gə́ njegaŋ-rəwta dɔ marije’g lé loo kari taa ne dɔi godo. Mbata loo gə́ i gaŋg rəwta dɔ dee’g lé i nja kara ila ne ta dɔ rɔi’g ya to mbata i gə́ njegaŋ-rəwta dɔ dee’g lé i nja kara to gə́ njera néje neelé to gə́ deḛ bèe tɔ.

Njé gə́ Rɔmə 2:16

Yee ɓa a to raga pai-pai loo gə́ Ala nja a kar Jeju Kristi gaŋg rəwta dɔ dəwje dɔ néra goo ŋgəḭ’g lə dee mee ndəa gə́ yeḛ wɔji gə goo Tagə́maji gə́ m’ula sí lé.

Njé gə́ Rɔmə 2:29

Jib gə́ kojikəi ɓa gə́ Jib gə́ gəd ya. Kinja tamɔd gə́ kojikəi ɓa gə́ kinja tamɔd gə́ gəd ya tɔ. To né gə́ wɔji dɔ meḛ dəw ɓó wɔji dɔ darəa gə́ raga puduru el. Riɓar lə Jib neelé ḭ rɔ Ala’g ɓó ḭ rɔ dəwje’g el.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

1 Njé gə́ Kɔrḭtə 1:7

Togə́bè ɓa, loo gə́ seḭ sije pèrèrè ŋginaje ndɔ rɔnduba lə Mbaidɔmbaije lə sí Jeju Kristi lé ndá nénoji gə́ wɔji dɔ sí kára kara lal sí el.

1 Njé gə́ Kɔrḭtə 11:16

Nɛ ɓó lé nana ɓa maḭ dɔ ta’g neelé ndá jeḛ lé jeḛ n’ra togə́bè el ləm, Eglisə lə Ala kara ra togə́bè el ləm tɔ.

1 Njé gə́ Kɔrḭtə 11:26

Tɔgərɔ ya, loo gə́ rara gə́ seḭ o̰ muru neelé ləm, gə aije ne mee ŋgo-kai-né’g neelé ləm tɔ ndá seḭ ilaje ne mber kwəi lə Mbaidɔmbaije saar areeje ree ne ya.

1 Njé gə́ Kɔrḭtə 15:23

Kristi to gə́ doŋgɔr lə dee, nɛ deḛ gə́ to ka̰ Kristi mee ndəa gə́ yeḛ a gə ree lé d’a teḛ korè goo na̰ goo na̰ tɔ.

1 Njé gə́ Kɔrḭtə 3:13

Mbata ndəa neelé gin kula ra dee a kinja gə́ raga wagəsa dan pər’g mbata pər a naa kula ra nana kara mba koo see to kula gə́ ban wa.

1 Njé gə́ Kɔrḭtə 3:14

Ɓó lé kula ra dəw kára gə́ yeḛ rɔd dɔ kəi gə́ tum ginee lé to njaŋg ndá a kiŋga dɔ jia ya.

1 Njé gə́ Kɔrḭtə 3:8

Yeḛ gə́ njedubu né əsé yeḛ gə́ njesaa mán dɔ’g kara d’asəna joo bɔr, nana kara a kiŋga dɔ jia gə́ wɔji dɔ kula rəa-rəa.

2 Njé gə́ Kɔrḭtə 10:18

Mbata yeḛ gə́ ɔs gaji kula rəa gə dɔrea lé d’a kée gə́ majikoji lé el, nɛ yeḛ gə́ Mbaidɔmbaije ɓa ɔs gaji kula rəa ɓa d’a kée gə́ majikoji ya.

2 Njé gə́ Kɔrḭtə 10:9

Ma m’ndigi kar sí ə̰jije to gə́ maktub gə́ m’unda m’ar sí lé ma m’ra mba kar sí ndəbje ne pəd-pəd el.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

1 Njé gə́ Tesalonikə 5:2

Mbata seḭ lé seḭ gərje gao, ndɔ lə Mbaidɔmbaije lé a kuba sí naŋg bus asəna gə njeɓogo gə́ ree loondul’g bèe.

Ǝbrəje 4:13

Nékunda ləa gə́ rara kara a kiya rəa nea̰’g el, nɛ néje lai to raga ndəgəsə kəm yeḛ gə́ j’a kaar nea̰’g mba tura goo néra sí karee.

Maktub gə́ Jak ula ne ar ngan-Allaje 4:11

Ŋgakɔmje, paje gə na̰ ta gə́ majel el. Yeḛ gə́ pata gə́ majel ila dɔ ŋgokea̰’g əsé un dəa dɔ nérea’g ndá yeḛ pata gə́ majel ila dɔ godndu’g lé ləm, yeḛ to njegaŋ-rəwta dəa’g ləm tɔ. Ɓó lé i gaŋg rəwta dɔ godndu’g ndá i to njera née el nɛ i to njegaŋ-rəwta dəa’g.

Maktub gə́ Jak ula ne ar ngan-Allaje 5:7

Ŋgakɔmje, ilaje meḛ sí dɔ maree’g saar ndɔ ree lə Mbaidɔmbaije. Aa ooje, njendɔ ndɔ lé ila mée po̰ ŋgina ne ndi gə́ doŋgɔr ləm, gə ŋgaŋ ndi gə́ gogo ləm tɔ ɓa mba kiŋga ne dɔ kó gə́ maji gə́ a teḛ mbi ɓəi.

Maktub gə́ Jak ula ne ar ngan-Allaje 5:9

Ŋgakɔmje, imje na̰ el mba kar dəw gaŋgta dɔ sí-seḭ’g el tɔ. Aa ooje, njegaŋ-rəwta aar takəi’g pèrèrè mba̰.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

2 Piɛrə 3:12

Maji kar sí ŋginaje ndɔ ka̰ Ala lé ndiŋgaje ne rɔ sí karee teḛ kalaŋ ya. Ndəa neelé pər a roo ne néje gə́ pən dara’g dula-dula kar dee ndiri njigi-njigi léḛ lé.

2 Piɛrə 3:4

pana: Ndia gə́ yeḛ un gə́ pana: N’a ree ne lé see to banwa, kwəi gə́ ka síje d’wəi ləw ba saar lé néje lai to gə loo tée gə́ tum ne gin naŋg nee ləw ba saar ɓasinè.

Jude 1:14

Enɔk, yeḛ gə́ to ŋgokadɔg Adam gə́ njekɔm’g siri lé yeḛ tegginta gə́ wɔji dɔ dəwje neelé pana: Aa ooje, Mbaidɔmbaije a ree gə njémeendaje ləa gə́ dum tura gə́ dɔ dee a kwa mèŋgèŋgḛ̀

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.