1 Njé gə́ Kɔrḭtə 4:12 - Maktub gə́ To gə Kəmee

¹² Jeḛ n’ra kula gə ji sí n’dao ne dao-dao, deḛ taji sí nɛ jeḛ tɔr ndu sí dɔ dee’g ləm, deḛ d’ula kəm sí ndòo nɛ j’isi ne lɔm ləma,

1 Njé gə́ Kɔrḭtə 4:12 ပူးပေါင်းရင်းမြစ်များ

Matiyo 5:11

Seḭje kara loo gə́ d’a ra sə sí néurti ləm, d’a kula kəm sí ndòo ləma, d’a gaŋgtaje gə́ gə ria-ria kɔm ta sí’g ləm tɔ gə mbam-ma lé ndá arje rɔ sí lel sí ya.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Lugu 6:28

tɔrje ndu sí dɔ deḛ gə́ d’ɔr sə sí ləma, raje tamaji ta Ala’g mbata lə deḛ gə́ d’ula kəm sí ndòo ləm tɔ.

Tagə́maji gə́ Ja̰ ndang 15:20

Arje meḛ sí olé dɔ ta gə́ ma m’ula sí’g lé: Kura lé a kur dɔ ɓéeje’g el. Ɓó lé deḛ d’ula kəm-ma ndòo ndá d’a kula kəm sí-seḭ ndòo tɔ, ɓó lé d’aa dɔ ta ləm kər-kər ndá d’a kaa dɔ ta lə sí-seḭ kər-kər tɔ.

Néra Njékaḭkulaje 18:3

ndá to gə́ kula ləa wa bua ka̰ dee-deḛ ndá yeḛ si kəi lə dee ra sə dee kula na̰’d keneŋ mbata deḛ to gə́ njéra kəi-kubuje.

Néra Njékaḭkulaje 20:34

Seḭje lé seḭ gərje gao jim-ma ya ɓa m’ra ne kula m’iŋga ne né gə́ lalm ləm, gə lal deḛ gə́ d’isi səm lé ləm tɔ.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

Njé gə́ Rɔmə 12:14

Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el.

Njé gə́ Rɔmə 12:20

Taree pa ya tɔɓəi pana: Ɓó lé ɓoo tɔl njeba̰ ləi ndá aree nésɔ sɔ ləm, Lé kunda tɔlee kara aree mán ai ləm tɔ, Mbata loo gə́ i ra togə́bè lé to asəna gə kɔr pər gə́ i uba ɔm dəa’g tɔ.

Njé gə́ Rɔmə 8:35

Meenoji lə Kristi gə́ kúla kum sí səa na̰’d lé see na̰ ɓa gə́ njega̰gee wa. See némeeko̰, əsé néurti, əsé nékəmndoo, əsé ɓoo, əsé kaw kudu dum, əsé néyooje gə́ d’aḭ dɔ sí sub, əsé kiambas, see néje gə́ togə́bè ɓa d’askəm gaŋg kúla meenoji lé wa.

1 Njé gə́ Kɔrḭtə 9:6

Esé see jeḛ gə Barnabas gə kar sí ba ɓa j’askəm lal ra kula el wa.

2 Njé gə́ Kɔrḭtə 11:8

Kula gə́ m’ra mbuna sí’g lé Eglisəje gə́ raŋg ɓa busu néje lə dee d’uga ne dɔ jim. Loo gə́ ma m’isi mbuna sí’g ɓa ndòo né ram ndá m’aw kabee ji dəw kára kara el tɔ,

Njé gə́ Epesə 4:28

Yeḛ gə́ to gə́ njeɓogo kédé lé maji karee to gə́ njeɓogo el ŋga, nɛ maji karee uru kula gə́ maji’g mbidi ra gə jia ya ndá yeḛ a koo loo gə mba la gə maree gə́ raŋg gə́ aw ndòo né lé tɔ.

1 Njé gə́ Tesalonikə 2:9

Ŋgako̰ síje, kula ra sí gə́ jeḛ j’ula ne rɔ sí ndubu dṵda’d gə dan kàrá mba kar sí j’wɔi ne dəw kára kara mbuna sí’g el lé meḛ sí a kolé dɔ’g ya, togə́bè ɓa, j’ɔr ne gin Tagə́maji lə Ala lé j’ar sí.

2 Njé gə́ Tesalonikə 3:8

Jeḛ j’usɔ né lə dəw kára kara kari ba el, nɛ jeḛ n’ra kula dan kàrá gə loondul’g, j’ula ne rɔ sí ndubu keneŋ n’dao ne mba kar dəw kára kara oo ne ndòo mbata lə sí el.

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.

1 Piɛrə 2:23

Deḛ tajee nɛ yeḛ tel taji dee gogo el ləm, deḛ rəa meeyèr nɛ yeḛ tel gə́ ta gə́ yèr ila dee keneŋ el ləm tɔ. Nɛ yeḛ ya̰ rəa ar yeḛ gə́ njekɔrkəmta gə goo rəbee lé.

1 Piɛrə 3:14

Loo gə́ seḭ sije dan némeeko̰’g mbata seḭ raje né gə goo rəbee kara rɔ sí a lel sí ne. Ɓəlje né gə́ dəwje ɓa ɓəl bèe el ləm, arje meḛ sí pélé wəs-wəs el ləm tɔ.

1 Piɛrə 3:9

Ɓó lé mar síje ra sə sí majel ndá tel raje sə dee majel godə maree’g el ləm, ɓó lé deḛ taji sí kara taji deeje godə maree’g el ləm tɔ. Néra gə́ kɔl ɓa nee: Tɔrje ndu sí dɔ deḛ gə́ ra sə sí majel mbata yee gə́ bèe ɓa, Ala ɓar sí ne gə mbəa mba kar sí iŋgaje ndu tɔr gə́ yeḛ a tɔr ne ndia dɔ sí’g kar dɔ sí ai ne səgərə.

1 Piɛrə 4:19

Bèe ndá deḛ gə́ d’isi dan némeeko̰’g gə goo rəw gə́ Ala wɔji lé ndá maji kar dee ra né gə́ maji, ɓó gə d’ɔm ne rɔ dee ji njekunda dee’g gə́ Njemeenda londoŋ lé.

Jude 1:9

Nɛ Misel, mbai dɔ kuraje lə Ala gə́ dara lé loo gə́ yeḛ oma̰ gə njekurai maḭ ne səa ta dɔ darɔ Moyis’g lé yeḛ oo loo kila ta tajikil dəa’g el, nɛ ɓai ta gə́ pa ɓa nee: Maji kar Mbaidɔmbaije ila ta dɔi’g ya.