1 Njé gə́ Kɔrḭtə 4:10 - Maktub gə́ To gə Kəmee

¹⁰ Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

1 Njé gə́ Kɔrḭtə 4:10 ပူးပေါင်းရင်းမြစ်များ

2 Mbaije 9:11

Loo gə́ Jehu unda loo teḛ mba gə kaw kiŋga kuraje lə ɓéeje ndá dee dəjee pana: See loo to gə́ majee ɓəi wa. Gelee ban ɓa mbə-dəw neelé ree rɔi’g wa. Jehu ila dee keneŋ pana: Dəw neelé seḭ gəreeje gə tapeaje gao ya.

Gosota-Kəmkàrje 11:12

Yeḛ gə́ ə̰ji njeboatakəi ləa bəḭ-bəḭ lé Kəmkàr na mée tas, Nɛ dəw gə́ to njegosonégər lé Si gə təa gə́ mundu.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Matiyo 24:9

Yen ŋga d’a kwa sí kula kəm sí ndòo ləm, d’a kar sí uduje ne ləma, ginkoji dəwje gə raŋg lai d’a kḛji sí bəḭ-bəḭ gə mba rim-ma lé ləm tɔ.

Matiyo 5:11

Seḭje kara loo gə́ d’a ra sə sí néurti ləm, d’a kula kəm sí ndòo ləma, d’a gaŋgtaje gə́ gə ria-ria kɔm ta sí’g ləm tɔ gə mbam-ma lé ndá arje rɔ sí lel sí ya.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Lugu 18:9

Yeḛ un gosota pa dɔ njé gə́ na̰je gə́ d’wa rɔ dee gə́ njémeekarabasurje nɛ d’oo mar deeje gə́ dəwje gə́ gə mḭdé ba lé tɔ.

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Néra Njékaḭkulaje 17:18

Njégər gintaje gə́ na̰je gə́ to Epikuriḛje gə Stoisiḛje lé d’un kudu kwɔji səa ta. Njé gə́ na̰je mbuna dee’g dəji na̰ pana: See ta ɗi ɓa njetakwɔji neelé wɔji bèe wa. Njé gə́ raŋg d’oo ri Jeju gə́ yeḛ pa ləm, gə ta teḛ dɔkumbwa’g lé ləm tɔ ndá deḛ tar taree pana: To asəna gə yeḛ pata gə́ wɔji ne dɔ magəje gə́ dɔ ɓee gə́ raŋg’d.

Néra Njékaḭkulaje 17:32

Loo gə́ deḛ d’oo ta teḛ gə́ dəwje d’a gə teḛ dɔkumbwa’g lé ndá njé gə́ na̰je kɔgee ləm, njé gə́ raŋg pana: J’a koo səa taree ndɔ gə́ raŋg ɓəi ləm tɔ.

Néra Njékaḭkulaje 26:24

To gə́ yeḛ aar pata bèe-bèe gə mba taa ne rəa lé ndá Pestus pata wəl pana: Pool, kɔr oso dɔi’g! Boo-négərje ləi ɔm kɔr dɔi’g ya.

Néra Njékaḭkulaje 9:16

Tɔɓəi ma nja m’a tɔjee loo némeeko̰ gə́ a kiŋgá gə mbata lə no̰’m gə́ yeḛ a kunda lé karee oo gao ya ɓəi.

1 Njé gə́ Kɔrḭtə 1:21

Mbata to gə́ njé gə́ dɔ naŋg neelé kəmkàr lə dee lé d’askəm gər ne Ala el ləm, əsé gə kəmkàr ləa el ləm tɔ ndá Ala lé nja ə̰ji mée’g gə mba kaji deḛ gə́ d’ɔm meḛ dee dɔ ta kila mber’g lə sí gə́ dee nja d’oo gə́ ta mbə lé.

1 Njé gə́ Kɔrḭtə 1:23

Nɛ jeḛ lé jeḛ j’ila mber ta lə Kristi gə́ deḛ ɗaree kaar kag’d ɓa. Yee ɓa gə́ né gə́ tuga gɔl Jibje ɓigidi-ɓigidi ləm, to gə́ némbə kəm njépole-magəje’g ləm tɔ.

1 Njé gə́ Kɔrḭtə 1:25

Mbata mbə lə Ala lé to kəmkàr gə́ ur dɔ kəmkàr lə dəwje ləm, rəm lə Ala lé kara to siŋgamoŋ gə́ ur dɔ siŋgamoŋ lə dəwje ləm tɔ.

1 Njé gə́ Kɔrḭtə 10:12

Togə́bè ɓa maji kar yeḛ gə́ ə̰ji ta mée’g pana: Neḛ n’aar tar lé tɔs kəmee dɔ rəa’g, nà a kɔd koso.

1 Njé gə́ Kɔrḭtə 2:14

Dəw gə́ ə̰ji néje gə́ ka̰ dakasrɔ mée’g ndá a taa néje gə́ ka̰ Ndil Ala lé el, to némbə kəmee’g. Yeḛ askəm gər el mbata dəw gə́ Ndil Ala to mée’g ɓa askəm gər gelee ɓəi.

1 Njé gə́ Kɔrḭtə 2:3

Ma nja m’aar no̰ sí’g kédé asəna gə yɔ-dəw ləm, gə njeɓel ləma, gə njekunda bala ləm tɔ.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 3:2

Mbà ɓa m’ar sí ɓəi ɓó muru gə́ kədərə gəw-gəw el mbata a kwa sí ɓəi. Saar ɓasinè kara wa sí ya ɓəi mbata néra sí wɔji dɔ darɔ ɓəi.

1 Njé gə́ Kɔrḭtə 4:8

Meḛ sí nda̰ yal mba̰ ləm, seḭ toje baoje yal mba̰ ləm tɔ. Lé jeḛ n’godo kara seḭ undaje rɔ sí gə́ njéko̰ɓeeje tɔ. Maji kar sí o̰je ɓee tɔgərɔ ya mba kar síjeḛ kara j’o̰ sə sí ɓee na̰’d to ŋga.

2 Njé gə́ Kɔrḭtə 10:10

Mbata njé gə́ na̰je pana: Maktubje ləm lé ta gə́ nuŋga so ɓa to keneŋ, nɛ loo gə́ ma m’aar gə darɔm kəm sí’g ndá ma m’aar asəna gə yɔ-dəw ləm, tapam kara kul kwɔji-kwɔji ləm tɔ.

2 Njé gə́ Kɔrḭtə 11:19

Mbata seḭ gə́ toje njékəmkàrje lé seḭ ḭje rad ndigije ta lə mbəje gə́ ndigi par.

2 Njé gə́ Kɔrḭtə 11:29

See na̰ ɓa to gə́ yɔ-dəw lé ɓa a kulm gə́ mán wa. See na̰ ɓa oso gə́ koso ɓa məəm a ko̰m gə mbəa el wa.

2 Njé gə́ Kɔrḭtə 13:9

Loo gə́ kul lə sí gə́ jeḛ n’kul lé siŋga sí-seḭ to ne ndá yee ɓa jeḛ ndá ne meḛ sí kaḭ ya. Né gə́ jeḛ n’kwɔi Ala loo ra tamaji’g lə sí lé to mba kar sí toje dəwje gə́ maji kɔr njoroŋ.

2 Njé gə́ Kɔrḭtə 4:12

Togə́bè ɓa yoo ɓa uru kəi meḛ síjeḛ’g nɛ seḭ lé kəmə lé ɓa uru kəi meḛ sí-seḭ’g.

2 Njé gə́ Kɔrḭtə 6:8

Jeḛ nduba rɔ sí kà əsé jeḛ ndəm rɔ sí səm ləm, deḛ ɓar ri sí gə́ majee əsé majel ləm tɔ. Jeḛ n’to kankəm dəwje ya nɛ deḛ d’oo sí gə́ njéŋgɔmje ləm,

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.