1 Njé gə́ Kɔrḭtə 3:8 - Maktub gə́ To gə Kəmee

⁸ Yeḛ gə́ njedubu né əsé yeḛ gə́ njesaa mán dɔ’g kara d’asəna joo bɔr, nana kara a kiŋga dɔ jia gə́ wɔji dɔ kula rəa-rəa.

1 Njé gə́ Kɔrḭtə 3:8 ပူးပေါင်းရင်းမြစ်များ

Pakɔsje 62:12

Ala pata gɔl kára ba ya, Yee gə́ gɔl joo ləa lé m’oo oso mbim’g pana: Siŋgamoŋ lé to ka̰ Ala nja kára ba.

Gosota-Kəmkàrje 27:18

Yeḛ gə́ tɔs kəmee bao-bao dɔ kag-kodé’g ndá a sɔ ka̰dee ləm, Yeḛ gə́ aa dɔ ɓéeje kər-kər ndá a kiŋga riɓar ləm tɔ.

Loo gə́ killa rea kəm Daniel’g 12:3

Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Lugu 19:19

Mbai ila keneŋ pana: I kara m’ari ɔn dɔ ɓee-booje’g mi ya tɔ.

Njé gə́ Rɔmə 2:6

Mee ndəa’g neelé Ala a kuga nana kara gə goo kula rəa-rəa ya.

1 Njé gə́ Kɔrḭtə 15:58

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

1 Njé gə́ Kɔrḭtə 3:14

Ɓó lé kula ra dəw kára gə́ yeḛ rɔd dɔ kəi gə́ tum ginee lé to njaŋg ndá a kiŋga dɔ jia ya.

1 Njé gə́ Kɔrḭtə 3:7

Bèe ndá dəw gə́ njedubu né to gə́ njea el ləm, dəw gə́ njesaa mán dɔ’g kara to gə́ njea el ləm tɔ. Nɛ Ala gə́ njekaree teḛ mbi gə teḛ boo lé ɓa to gə́ njeaje.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

1 Njé gə́ Kɔrḭtə 4:15

Mbata ɓó lé ɓée síje-je gin Kristi d’a kaḭ tɔl-dɔg-loo-dɔg ndá bɔ síje-je d’a kaḭ bula el mbata ma nja Tagə́maji ɓa m’oji sí ne gin Jeju Kristi’g.

1 Njé gə́ Kɔrḭtə 9:7

See njerɔ gə́ ra ɓa si aw gə́ rɔ’g ŋga a kun lar ləa-yeḛ nja tɔɓəi gə mba tel kuga né dɔ jia wa. See na̰ ɓa ma̰a nduú ŋga a lal sɔ ka̰dee wa. Esé see na̰ ɓa ul nékulje ŋga a lal kai mbà dee wa.

Njé gə́ Galati 6:4

Maji kar nana kara tən kula rəa-yeḛ nja maji oo ɓa, yeḛ a koo loo mba pidi ne rəa gə karee ba, ɓó a pidi rəa kim ne maree el tɔ.

Njé gə́ Galati 6:5

Mbata nana kara a kun nékodo gə́ wɔi gə́ wɔji dəa-dəa ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

1 Piɛrə 5:4

Loo gə́ mbai gə́ njekulbadje lé a kunda loo teḛ ndá seḭ a kiŋgaje dɔgugu gə́ a go̰dərɔ el gə́ yeḛ a kula ne rɔnduba dɔ sí’g.

2 Ja̰ 1:8

Aaje rɔ sí kər-kər mba kar kó kula lə sí tuji el ɓó gə mba kiŋgaje ne nédɔji lə sí doŋgɔ moŋgoŋgo̰ ya.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

Loo gə́ killa rea kəm Ja̰’g 22:12

Aa ooje, waga ɓa m’a ree ɓəi ndá m’a ree gə né mba kuga ne dɔ ji dəwje kára-kára lai gə goo néra dee ra dee lé.