1 Njé gə́ Kɔrḭtə 3:18 - Maktub gə́ To gə Kəmee

¹⁸ Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.

1 Njé gə́ Kɔrḭtə 3:18 ပူးပေါင်းရင်းမြစ်များ

Gosota-Kəmkàrje 26:12

Ɓó lé i oo dəw gə́ oo rəa gə́ njekəmkàr ndá Né gə́ i askəm kunda məəi yel dɔ’g gə mba kiŋga rɔ mbə-dəw’g lé Ur dɔ kea̰-yeḛ’g.

Gosota-Kəmkàrje 3:5

Ɔm məəi jəb-jəb dɔ Njesigənea̰’g Ɓó nduna rɔi dɔ négər’g ləi-i el.

Gosota-Kəmkàrje 3:7

Maji kari oo rɔi gə́ njekəmkàr el, Ɓəl Njesigənea̰ ndá Unda rɔi ɓad dɔ néra gə́ majel’g.

Gosota-Kəmkàrje 5:7

Ɓasinè lé ŋganəmje, ooje ta ləm, Tɔɓəi ɔsje taje gə́ teḛ tam’g lé rəw el tɔ.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 5:21

Meeko̰ a koso dɔ deḛ gə́ D’oo rɔ dee-deḛ gə́ njékəmkàrje ləm, D’oo rɔ dee-deḛ gə́ njégosonégərje ləm tɔ.

Jeremi 37:9

Njesigənea̰ pa togə́bè pana: Maji kar meḛ sí ər sí ar sí pajena: Kaldeje d’a sa rɔ dee rɔ sí’g kaw əw bèe lé a paje bèe el. Mbata deḛ d’a kaw el!

Jeremi 8:8

See to gə́ ban ɓa seḭ asjekəm paje pana: Seḭ toje njékəmkàrje ləm, Godndu Njesigənea̰ nai sə sí ləm tɔ lé wa. Njéndaji-maktubje ndaji godndu lé d’ila gel Gə kag-ndaŋg-maktub gə́ ŋgɔm.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Matiyo 18:4

Togə́bè ɓa nana ɓa gə́ a kula dəa asəna gə ŋgon gə́ gɔ neelé ndá yeḛ neelé a to njekur dɔ maree’g mee ɓeeko̰ gə́ dara ya.

Mark 10:15

Ma m’ula sí təsərə, nana ɓa gə́ mée taa ɓeeko̰ lə Ala asəna gə mee ŋgon gə́ gɔ bèe el ndá yeḛ a kula dəa keneŋ wɔr nda̰ bèe el.

Lugu 18:17

Ma m’ula sí təsərə, nana ɓa gə́ taa ɓeeko̰ lə Ala lé gə mée asəna gə ŋgon gə́ gɔ lé el ndá yeḛ a kula dəa keneŋ pai godo.

Lugu 21:8

Jeju un ta ula dee pana: Meḛ sí dɔ rɔ sí’g mba kar dəw kára kara su kəm sí el. Njé gə́ na̰je d’a kun rim ree ne d’a pana: To ma nja ndá ndəa nai dəb ya. Nɛ ndolèje goo dee el.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 12:16

Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

1 Njé gə́ Kɔrḭtə 15:33

Ǝrje rɔ sí el: kɔr kura gə dəwje gə́ majel lé ɓa néra sí gə́ maji a tuji ne ya.

1 Njé gə́ Kɔrḭtə 3:17

Ɓó lé dəw tuji kəi-Ala ndá Ala kara a tujee nja tɔ, mbata kəi-Ala lé to kəi gə́ d’unda gə kəmee ləm, seḭje kara seḭ toje kəi-Ala ya ləm tɔ.

1 Njé gə́ Kɔrḭtə 4:10

Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

Njé gə́ Galati 6:3

Ɓó lé dəw ə̰ji ta mée’g pana: Neḛ n’to gə́ dəw, nɛ yeḛ to gə́ dəw gə́ əḭ el ndá yeḛ nja kogo rəa ya.

Njé gə́ Galati 6:7

Suje kəm rɔ sí el, dəw kára kara a kən gə Ala el. Né gə́ dəw dubu lé a kiŋga née ya.

Njé gə́ Epesə 5:6

Arje dəwje su kəm sí gə sutaje el, mbata néje gə́ togə́bè ɓa to kaiya gə́ ɔs oŋg lə Ala ɔm dɔ njékaltaje’g.

2 Timote 3:13

Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

Maktub gə́ Jak ula ne ar ngan-Allaje 1:22

Kankəmta gə́ seḭ ooje lé raje née ɓó taaje gə́ sin kari el ləm, ərje kəm rɔ sí gə takə̰ji gə́ gə goo rəbee el ləm tɔ.

Maktub gə́ Jak ula ne ar ngan-Allaje 1:26

Ɓó lé dəw gə́ rara ɓa, ə̰ji mée’g pana: Neḛ n’to dəw gə́ tədkag Ala, nɛ yeḛ ar təa to kwɔji el ndá yeḛ ər kəm rəa, kag Ala gə́ yeḛ pana: Neḛ təd lé to né gə́ sḭ ɓəi tɔ.

1 Ja̰ 1:8

Ɓó lé jeḛ m’pana: Kaiya kára kara godo meḛ sí’g ndá jeḛ j’ər kəm rɔ sí, ar kankəmta kára kara uba meḛ sí ndag bèe el.