1 Njé gə́ Kɔrḭtə 3:17 - Maktub gə́ To gə Kəmee

¹⁷ Ɓó lé dəw tuji kəi-Ala ndá Ala kara a tujee nja tɔ, mbata kəi-Ala lé to kəi gə́ d’unda gə kəmee ləm, seḭje kara seḭ toje kəi-Ala ya ləm tɔ.

1 Njé gə́ Kɔrḭtə 3:17 ပူးပေါင်းရင်းမြစ်များ

Gḭ-Néje 28:17

Yeḛ ɓəl ndá yeḛ pana: Loo gə́ nee to loo gə́ to ɓəl yaa̰! Loo neelé to kəi lə Ala ləm, loo neelé to tarəw gə́ dara ləm tɔ!

1 Sôrta Gḭka-Israɛlje 29:3

Né gə́ raŋg ya ɓəi, larlɔr gə larnda gə́ to kama ya doŋgɔ kara ma m’ar gə mbata kəi Ala ləm lé, m’ar gə meenoji mbata kəi Ala ləm lé lelm yaa̰. Néje gə́ m’ar m’aree orè dɔ né gə́ m’wa dɔ gɔlee mbata kəi gə́ to gə kəmee doi lé ɓa nee:

Pakɔsje 74:3

Maji kari aw saar teḛ par gə́ mbuna looje neelé gə́ tuji gə́ kédé-kédé Mbata njeba̰ lé tuji néje lai mee kəi gə́ to gə kəmee’g.

Pakɔsje 79:1

Pakɔs lə Asap. Ǝi Ala, Ginkoji dəwje gə raŋg lé aa loo pəl-pəl dɔ nédɔji’g ləi ləm, Kəi ləi gə́ to gə kəmee doi lé d’ila ndɔl dɔ’g ləma, Jerusalem kara d’aree tel to gə́ kɔr mbalje Gə́ d’wa kugu dɔ na̰’d bèe ləm tɔ.

Pakɔsje 93:5

Ndukunje ləi lé to kankəmta ya Ɓó loo maḭyee godo, Ǝi Njesigənea̰, némeenda kɔr jol-jol to gə́ mee kəi’g ləi lé ya Gə ləbee-ləbee saar-saar gə no̰ ya.

Pakɔsje 99:9

Ulaje rɔnduba dɔ Njesigənea̰’d Gə́ to Ala lə sí lé Undaje barmba dəbje kəm sí naŋg dɔ mbal’g ləa Gə́ to gə kəmee doi, Mbata Njesigənea̰, Ala lə sí lé to Njerɔkunda.

Teḛ-Raga 3:5

Ala pana: Tibi mbɔr loo gə́ nee lé el, tɔr négɔl ləi gɔli’g, mbata loo gə́ i aar keneŋ neelé to loo gə́ to gə kəmee.

Esai 64:11

Gə goo néje neelé əi Njesigənea̰, See i a kɔg rɔi ra né wa. See i a si bèe-bèe ya gə mba kula kəm sí ndòo Karee al dɔ sí sula wa.

Ejekel 43:12

Yee ɓa gə́ godndu gə́ wɔji dɔ kəi ya. Dɔ sém mbal’g lé gadloo lai gə́ gugu kəi neelé a to loo gə́ to gə kəmee doi. Yee ɓa gə́ godndu gə́ wɔji dɔ kəi lé ya.

Ejekel 5:11

Gelee gə́ nee ɓa Mbaidɔmbaije gə́ Njesigənea̰ un ne ndia njaŋg pana: Neḛ lé n’to Njesikəmba! To gə́ seḭ arje magəje lə sí lai gə néje lə sí lai gə́ mina̰ d’ar loo lə neḛ gə́ to gə kəmee lé mina̰ ndá neḛ kara n’a kun kəm neḛ dɔ sí’g ləm, kəm neḛ a kas ŋgɔgərɔ dɔ sí’g ləm tɔ ɓó n’a koo kəmtondoo lə sí nda̰ el.

Ejekel 7:22

N’a kun kəm neḛ dɔ dee’g ndá D’a kar loo lə neḛ gə́ to gə kəmee lé mina̰ ləm, Gayim-dəwje d’a kandə keneŋ Kila ne ndɔl dɔ’g ləm tɔ.

Ləbije 15:31

Bèe ɓa seḭ a karje Israɛlje saa ne rɔ dee rəw dɔ néje gə́ ar dee mina̰ ne, nà ɓó lé d’ar kəi ləm gə́ to gə kəmee, gə́ to mbuna dee’g lé tel to né gə́ mina̰ ndá d’a kwəi dan némina̰je’g lə dee ya.

Ləbije 20:3

Tɔɓəi ma lé m’a kun kəm rəw dɔ dəw’g neelé mba kɔree ne mbuna koso-dəwje’g ləa mbata yeḛ wa ŋgon mee kára ar magə-Molok ləm, yeḛ ila ndɔl dɔ kəi’g ləm gə́ to gə kəmee ləma, yeḛ ar rim-ma gə́ to gə kəmee lé kara tel to né gə́ gə mḭdé ləm tɔ.

Soponi 3:4

Njéteggintaje ləa to njéhulaije gə njésukəmlooje ləm, Njékinjanéməsje ləa kara d’ula sul dɔ néje gə́ to gə kəmee’g D’al ne dɔ godndu ləm tɔ.

Bula lə Israɛlje 19:20

Dəw gə́ rəa a mina̰ ɓa ɔr won rəa el ndá d’a kɔree mbuna koso-dəwje’g mbata yeḛ ar kəi-kubu-si-Ala gə́ Njesigənea̰ lé mina̰, mbata mán togo won rɔ oso dəa’g teŋ el ndá yeḛ mina̰ ya.

1 Njé gə́ Kɔrḭtə 3:16

Seḭ toje kəi-Ala, Ndil Ala si meḛ sí’g tɔ. See seḭ gərje bèe el wa.

1 Njé gə́ Kɔrḭtə 3:18

Maji kar nana kara əsta dɔ rəa’g el. Ɓó lé dəw kára ə̰ji ta mée’g pana: Neḛ n’to gə́ njekəmkàr gə goo kəmkàr lə dəwje gə́ dɔ naŋg nee ɓasinè ndá maji kar njea tel mbə ɓa gə mba tel njekəmkàr gə́ gəd ɓəi.