1 Njé gə́ Kɔrḭtə 3:16 - Maktub gə́ To gə Kəmee

¹⁶ Seḭ toje kəi-Ala, Ndil Ala si meḛ sí’g tɔ. See seḭ gərje bèe el wa.

1 Njé gə́ Kɔrḭtə 3:16 ပူးပေါင်းရင်းမြစ်များ

Ejekel 36:27

N’a kar ndil neḛ to meḛ sí’g ndá n’a kar sí unje goo ndukunje’g lə neḛ ləm, seḭ a kaaje dɔ godnduje lə neḛ kər-kər raje née ləm tɔ.

Tagə́maji gə́ Ja̰ ndang 14:17

Yeḛ nja ɓa to Ndil gə́ gəd gə́ dəwje gə́ dɔ naŋg nee d’askəm kwá meḛ dee’g el mbata deḛ d’ée el ləm, gəree el ləm tɔ. Nɛ seḭ lé seḭ gəreeje mbata yeḛ orè sí més ləm, yeḛ a to meḛ sí’g ləm tɔ.

Njé gə́ Rɔmə 6:16

See seḭ gərje el wa, yeḛ gə́ seḭ ɔmje rɔ sí jia’g mba kila ne ŋgonkoji dəa’g lé ndá seḭ naije gə́ ɓərje ləa nja. Lé kaiya gə́ o̰ sí ɔm sí ta yoo’g əsé ŋgonkoji gə́ o̰ sí ɔm sí dɔ meekarabasur’g, yeḛ gə́ seḭ ɔmje rɔ sí jia’g lé ndá seḭ toje ɓərje ləa ya.

Njé gə́ Rɔmə 6:3

See seḭ gərje el wa, jeḛ lai gə́ deḛ ra sí batɛm gin Jeju Kristi’g lé deḛ ra sí gin yée’g tɔ.

Njé gə́ Rɔmə 8:11

Ɓó lé Ndil yeḛ gə́ njeteḛ gə Jeju Kristi dan njé gə́ d’wəi’g lé to meḛ sí’g ndá yeḛ gə́ njeteḛ gə Jeju Kristi dan njé gə́ d’wəi’g lé a kaji darɔ sí gə́ njekunda naŋg lé gə goo Ndilee gə́ ra ɓee meḛ sí’g ya.

Njé gə́ Rɔmə 8:9

Nɛ seḭ lé ɓó lé Ndil Ala to meḛ sí’g tɔgərɔ ndá seḭ waje goo rɔ sí dɔ Ndil’g ɓó dɔ ka̰ darɔ’g ɓa el. Ɓó lé nana ɓa nai gə Ndil Kristi el ndá njea neelé to ka̰ Kristi el tɔ.

1 Njé gə́ Kɔrḭtə 3:17

Ɓó lé dəw tuji kəi-Ala ndá Ala kara a tujee nja tɔ, mbata kəi-Ala lé to kəi gə́ d’unda gə kəmee ləm, seḭje kara seḭ toje kəi-Ala ya ləm tɔ.

1 Njé gə́ Kɔrḭtə 3:9

Mbata jeḛ lé n’to njéboakulaje lə Ala lé. Seḭ toje ndɔ lə Ala ləm, seḭ toje kəi ra Ala ləm tɔ.

1 Njé gə́ Kɔrḭtə 5:6

Tɔgərɔ ya, ti gə́ seḭ tije ne rɔ sí lé to lée’g el. See seḭ gərje el wa, né gə́ ar nduji ti gə́ lam ba nɛ loo gə́ d’ila nduji’g loḭ ne ndá aree ḭ dor-dor. See seḭ gərje bèe el wa.

1 Njé gə́ Kɔrḭtə 6:16

See seḭ gərje el wa, yeḛ gə́ unda rəa na̰’d mbo̰-mbo̰ gə kaiya-dené ndá yeḛ tel to gə́ darɔ gə́ kára ba səa na̰’d tɔ. See seḭ gərje bèe el wa. Mbata deḛ pa mee maktub’g pana: Deḛ joo bɔr d’a tel to darɔ gə́ kára ba.

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

1 Njé gə́ Kɔrḭtə 9:13

See seḭ gərje el wa, deḛ gə́ ra kula kəi-Ala’g lé d’usɔ né gə́ d’unda gə kəmee d’ar Ala mee kəi’g ləa ləm, deḛ gə́ ra kula loo-nékinjaməs’g lé kara d’iŋga né gə́ dɔ tabul’g gə́ wɔji dɔ dee keneŋ ləm tɔ.

1 Njé gə́ Kɔrḭtə 9:24

See seḭ gərje el wa. Deḛ gə́ ndum na̰ gə ŋgwɔd loo-naḭ’g lé d’aiŋgwɔd lai ya nɛ dəw gə́ dum mareeje ɓa a kiŋga née, see gərje bèe el wa. Bèe ndá maji kar sí aḭjḛgwɔd gə mba kiŋga ne néngwɔd lə sí.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

2 Timote 1:14

Né gə́ maji gə́ d’ɔm jii’g gə mba kari aa dəa lé ndém ji dɔ’g més gə goo siŋgamoŋ lə Ndilmeenda gə́ to meḛ sí’g.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.

1 Ja̰ 4:12

Dəw kára kara oo Ala nda̰ bèe el, ɓó lé jeḛ j’unda na̰ dan kəm na̰’d ndá Ala kara nai meḛ sí’g ləm, meenoji ləa kara ɔr dɔ meḛ sí’g ləm tɔ.