1 Njé gə́ Kɔrḭtə 3:12 - Maktub gə́ To gə Kəmee

¹² Bèe ndá ɓó lé dəw unda kəi dɔ ginee’g neelé nɛ ra kəi gə larlɔr əsé larnda, əsé mbalje gə́ gad dee dum ndogo, əsé kag əsé ləm mu, əsé mu gə́ ŋgal pɔ-pɔ ndá nana kara kula rəa a nduba rəa gə́ raga.

1 Njé gə́ Kɔrḭtə 3:12 ပူးပေါင်းရင်းမြစ်များ

Pakɔsje 119:72

Godndui gə́ teḛ tai’g lé maji mbata ləm Unda néje tɔl-dɔg (1.000) gə́ ra dee gə larlɔr gə larnda.

Pakɔsje 19:10

Ɓəl Njesigənea̰ lé To né gə́ àr raŋg-raŋg ləm, to né gə́ to gə no̰ ləm tɔ, Rəwta-gaŋg lə Njesigənea̰ lé To tɔgərɔ ləm, to gə dɔ najee ləm tɔ.

Teḛ-Raga 5:12

Dəwje neelé sanéna̰ gə loo-loo mee ɓee gə́ Ejiptə mba kwa ləm muje ŋga ɓa tor mu’g.

Gosota-Kəmkàrje 16:16

Kiŋga kəmkàr lé maji yaa̰ unda larlɔr! Kiŋga gosonégər lé maji unda larnda to!

Gosota-Kəmkàrje 30:6

Taje ləa lé maji kari ila maree dɔ’g el, Nà banelə yeḛ a ndaŋgi ndá d’a kooi gə́ njetaŋgɔm.

Gosota-Kəmkàrje 8:10

Maji kar tandooje ləm wa məəi unda larnda ləm, Ar gosonégər wa məəi unda larlɔr gə́ gadee to yaa̰ ləm tɔ,

Esai 60:17

M’a kar dee ree gə larlɔr Taa ne tor larkas ləm, M’a kar dee ree gə larnda Taa ne tor larndul ləm, M’a kar larkas Taa tor kag ləma, M’a kar larndul Taa tor kɔr mbal ləm tɔ. M’a kar meekulɔm o̰ ɓee dɔi’g ləm, M’a kar néra gə́ gə dɔ najee o̰ ɓee dɔi’g ləm tɔ.

Jeremi 23:28

Njetegginta gə́ ni ndá maji karee ndaji ta ni neelé ləm, ɓó lé yeḛ oo ta lə neḛ ndá maji karee pa gə goo rəbee ləm tɔ. See gelee ban ɓa oreeje kandə kó Gə kandə mu na̰’d wa. Njesigənea̰ ɓa pa bèe.

Néra Njékaḭkulaje 20:30

njé gə́ na̰je mbuna sí-seḭ’g ya d’a kḭ gaŋgta badə-badə ndoo dəwje ɓó gə kɔr ne njékwakiláje kɔm dee ne goo dee’g ləm tɔ.

Njé gə́ Rɔmə 16:17

Ŋgakɔmje, ma m’ndəji sí bər-bər gə mba kar sí tɔsje kəm sí goo njétɔs əm dəwje na̰’d lé gə deḛ gə́ néra dee ila dəwje kag ɓó ta lə dee aw na̰’d gə ta gə́ seḭ iŋgaje mba̰ lé el. Undaje rɔ sí rɔ dee’g ɓad gə́ raŋg.

1 Njé gə́ Kɔrḭtə 3:11

Mbata gin kəi gə́ gəd gə́ deḛ tum lé to Jeju Kristi ɓó dəw kára kara askəm tum gin kəi gə́ raŋg el.

1 Njé gə́ Kɔrḭtə 3:13

Mbata ndəa neelé gin kula ra dee a kinja gə́ raga wagəsa dan pər’g mbata pər a naa kula ra nana kara mba koo see to kula gə́ ban wa.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

Njé gə́ Kolosə 2:8

Undaje kəmkàr dɔ rɔ sí’g mba kar dee busu sí gə sutaje el əsé gə kəsta gə́ gə mḭdé-mḭdé ba el. Taje neelé deḛ dum gin dee dɔ néjiɓee’g lə dəwje ləm, gə dɔ négər gə́ dɔtar gə́ ka̰ naŋg nee gə́ tar néje gə́ tar ɓəi ləm tɔ ɓó tum gin dee dɔ Kristi’g el.

1 Timote 6:3

Ɓó lé nana ɓa ndoo dee ta gə́ to ɓəd ɓó reḛ́ dɔ kankəmta’g lə Jeju Kristi Mbaidɔmbaije lé el ləm, əsé dɔ kwa Ala mée’g gə goo rəbee el ləm tɔ

2 Timote 2:20

Mee kəi gə́ boo lé jo larlɔr ləm, gə jo hand ləm tɔ ɓa to keneŋ goo kára el, nɛ ka̰ kag gə ka̰ a̰ji to keneŋ tɔ, deḛ gə́ kédé lé d’wɔji ne dɔ mbai-kula, deḛ gə́ raŋg lé d’wɔji ne dɔ néje gə́ gə mḭdé-mḭdé ba.

2 Timote 3:13

Nɛ dəwje gə́ njémeeyèrje ləm, gə njékəstaje ləm tɔ lé néra dee gə́ majel a kal dɔ loo gə́ kédé-kédé. D’a sula ne mar deeje kar dee ndəm ne ləm, darɔ dee-deḛ nja kara d’a kigi ne pá ləm tɔ.

2 Timote 3:7

Denéje neelé tuga mbi dee gə mba ndoo ne ta gə́ rara kara nɛ d’askəm kɔr kankəmta danee’g nda̰ el.

2 Timote 4:3

Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

1 Piɛrə 1:7

mba kar né gə́ naa sí waga lé unda ne rɔ meekun lə sí ar dee d’oo. Meekun lə sí gə́ gadee ur dɔ ka̰ larlɔr gə́ naa dan pər’d nɛ a kunda naŋg ɓəi lé ndɔ gə́ Jeju Kristi a kunda loo teḛ ndá a tel to népidi sí ləm, gə né kula rɔnduba dɔ sí’g ləma, gə né kila riɓar dɔ sí’g ləm tɔ.

Loo gə́ killa rea kəm Ja̰’g 2:14

Nɛ né kára gə́ to gə goo rəbee el lé ma m’ndaŋgi dɔ’g, njé gə́ na̰je gə́ ɓee ləi gə́ d’wa gin Balaam lé taa ta ləa gə́ yeḛ sula ne Balak, aree ila ne Israɛlje kag ar dee d’usɔ nékulje gə́ deḛ d’inja dee gə́ məs d’ar magəje ləm, ar dee ndal mɔdkaiya ləm tɔ.

Loo gə́ killa rea kəm Ja̰’g 21:18

Ndògo neelé deḛ d’ila gə biri mbalje gə́ tila kas gə́ ɓar dee jaspə. Mee ɓee gə́ gəd lé to larlɔr gə́ àr ŋgad-ŋgad asəna gə mán gə́ ndusu ɗəḭ-ɗəḭ bèe.

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.