1 Njé gə́ Kɔrḭtə 3:10 - Maktub gə́ To gə Kəmee

¹⁰ Mbɔl dɔ noji gə́ Ala wa səm ɓa ma m’tum ne gin kəi asəna gə gɔŋgé-tum-gin-kəi ɓa dəw gə́ raŋg rɔd maree dɔ’g ɓəi. Nɛ maji kar nana kara tɔs kəmee dɔ kəi gə́ rɔd dɔ maree’g tar.

1 Njé gə́ Kɔrḭtə 3:10 ပူးပေါင်းရင်းမြစ်များ

2 Sôrta Gḭka Israɛlje 2:12

Togə́bè ɓa m’ula ne dəw kára gə́ njegər-gosokula gə njenégər rɔi’g ya.

Teḛ-Raga 36:4

Togə́bè ɓa diŋgamje lai gə́ to njégosokulaje gə́ ra kulaje ɓəd-ɓəd gə́ wɔji dɔ kəi-kubu-si-Ala d’ya̰ kulaje ɓəd-ɓəd gə́ d’isi ra lé

Gosota-Kəmkàrje 12:8

Dəw lé iŋga pidi gə goo gosonégər ləa, Nɛ dəw gə́ mée aw kori-kori lé tel to nékunda kḭdi.

Gosota-Kəmkàrje 9:1

Kəmkàr lé ra kəi ləa, Yee tɔl gaji-ŋgɔ-kagje ləa siri.

Njekillamber 12:9

Njekilamber lé to gə́ njekəmkàr ɓa goo kára ba el nɛ yeḛ ndoo koso-dəwje loo gər-gin-né ləm, yeḛ tən gosotaje bula ləm, yeḛ ə̰də gel dee ləma, yeḛ unda dee gə nduree-nduree ləm tɔ.

Loo gə́ killa rea kəm Daniel’g 12:3

Deḛ gə́ to njégosonégərje lé d’a ndɔḭ wər-wər asəna gə rɔndɔḭ lə dara ləm, deḛ gə́ ndoo koso-dəwje ta meekarabasur lé d’a ndogó wər-wər asəna gə kéréméje bèe gə́ kédé-kédé saar gə no̰ ləm tɔ.

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.

Matiyo 24:45

See na̰ ɓa gə́ kura gə́ majikoji gə́ inja paw gə́ mbai ləa aree si dɔ kuramareeje’g gə mba kai dee nésɔ dee gə lée-lée lé wa.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Lugu 11:35

Bèe ndá məəi dɔ rɔi’g nà banelə lookàr gə́ àr məəi’g lé a tel to bigim ɓəi.

Lugu 21:8

Jeju un ta ula dee pana: Meḛ sí dɔ rɔ sí’g mba kar dəw kára kara su kəm sí el. Njé gə́ na̰je d’a kun rim ree ne d’a pana: To ma nja ndá ndəa nai dəb ya. Nɛ ndolèje goo dee el.

Néra Njékaḭkulaje 18:27

To gə́ yeḛ wɔji-kwɔji kaw gə́ Akai ndá ŋgako̰ na̰je d’ula diŋgam mée’g tɔɓəi deḛ ndaŋg maktub d’aree gə mba karee aw ne ar njékwakiláje ɓó gə kar dee d’wá ne gə́ rɔ dee’g. Loo gə́ yeḛ teḛ keneŋ ndá yeḛ la sə dee-deḛ gə́ mbɔl dɔ noji gə́ Ala wa sə dee lé d’un ne meḛ dee.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

Njé gə́ Rɔmə 15:15

Ɓó lé m’ndaŋg maktub m’ar sí ɓa m’pata keneŋ nuŋga so ndá ma m’ra mba kolé ne meḛ sí dɔ noji gə́ Ala wa səm

Njé gə́ Rɔmə 15:20

Loo gə́ ri Kristi ɓar keneŋ el ɓəi lé yee ɓa ma m’wɔji məəm’g mba kaw kila mber tagə́maji keneŋ ɓó gə mba rɔd ne kəi dɔ gin kəi gə́ dəw gə́ raŋg tum lé el, to gə goo ta gə́ ndaŋg mee maktub’g pana:

1 Njé gə́ Kɔrḭtə 3:11

Mbata gin kəi gə́ gəd gə́ deḛ tum lé to Jeju Kristi ɓó dəw kára kara askəm tum gin kəi gə́ raŋg el.

1 Njé gə́ Kɔrḭtə 9:2

Ɓó lé ma m’to gə́ njekaḭkula kəm njé gə́ raŋg el kara kəm sí-seḭ’g lé ma m’to gə́ njea ya. Mbata seḭ nja toje gə́ njékɔrgin kula ramje gə́ m’to ne njekaḭkula gin Mbaidɔmbaije’g lé ya.

2 Njé gə́ Kɔrḭtə 10:15

Né gə́ jeḛ n’ti ne rɔ sí dɔ’g lé to né gə́ al dɔ loo el ləm, to ti rɔ dɔ kula’g lə dəw gə́ raŋg el ləm tɔ. Nɛ meḛ sí yel tɔ mba kar ɓó lé meekun lə sí a kḭ ne dɔ maree’g gə́ kédé-kédé ndá j’a kar kula ra sí mbuna sí’g ila ne gadee gə́ kédé gə goo kəm rəw nimee gə́ yeḛ wɔji ar sí lé ləm,

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

Njé gə́ Kolosə 1:29

Yee ɓa, m’ra ne kula m’təd ne loo, gə goo siŋgamoŋ ləa gə́ yeḛ ula məəm’g ɔsm ne ɓɔḭ-ɓɔḭ.

Njé gə́ Kolosə 4:17

Tɔɓəi ulaje Arsipə mba karee unda kəmkàr dɔ rəa’g dɔ kula gə́ d’ɔm jia’g gə ri Mbaidɔmbaije lé mba ra karee ɔr rɔd ya.

1 Njé gə́ Tesalonikə 3:2

ndá jeḛ j’ula Timote rɔ sí’g. Yeḛ lé to ŋgoko̰ sí gə́ to kura lə Ala loo kɔr goo Tagə́maji lə Kristi ndá jeḛ j’ulá mba karee ndəji sí kar sí ŋgəŋje ne dan meekun’g lə sí ləm,

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

2 Timote 2:15

Un rɔi ɓidi mba kar Ala ooi gə́ njekula gə́ maji péd-péd gə́ ra kəmkul el ləm, gə́ ɔr goo kankəmta gə goo rəbee sur ləm tɔ.

Maktub gə́ Jak ula ne ar ngan-Allaje 3:1

Ŋgakɔmje, maji kar dəwje bula d’ḭ mbuna sí’g gə dɔrɔ dee tel to njendoo mar deeje né el mbata seḭ gərje gao, jeḛ gə́ n’to njendoo mar síje neelé ta gə́ d’a gaŋg dɔ sí’g a kal dɔ ka̰ dee-deḛ bəŋ-bəŋ.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.

2 Piɛrə 3:15

Maji kar sí gərje gao, boo-meekila lə Mbaidɔmbaije lé tel to kaji lə sí ya, to gə́ ŋgoko̰ sí gə́ Pool gə́ jeḛ j’undá dan kəm sí’g lé yeḛ kara ndaŋg taree ar sí gə goo kəmkàr gə́ Ala aree lé tɔ.

Loo gə́ killa rea kəm Ja̰’g 21:14

Ndògo gə́ gugu dɔ ɓee-boo lé deḛ tum gelee dɔg-giree-joo ya ndá deḛ ndaŋg ri njékaḭkulaje lə Ŋgonbad gə́ dɔg-gir-dee-joo lé keneŋ.

Loo gə́ killa rea kəm Ja̰’g 21:19

Gel ndògo gə́ wɔji dɔ ɓee-boo lé deḛ tila jərje gə́ gad dee to yaa̰ gə́ gə ria-ria keneŋ: gel ndògo gə́ dɔtar lé deḛ tila jərje gə́ ri dee lə jaspə keneŋ ləm, njekɔm’g joo to sapir ləm, njekɔm’g munda to Kalsedoin ləm, njekɔm’g sɔ to emerodə ləm,