1 Njé gə́ Kɔrḭtə 2:8 - Maktub gə́ To gə Kəmee

⁸ Kəmkàr neelé dəw kára kara mbuna mbaije gə́ dɔ naŋg nee ɓasinè lé kəmee inja dɔ’g bərəŋ el mbata ɓó lé kəm dee inja dɔ’g ndá d’a ɗar Mbaidɔmbaije gə́ njero̰duba togə́bè el.

1 Njé gə́ Kɔrḭtə 2:8 ပူးပေါင်းရင်းမြစ်များ

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 13:22

Kandə kər gə́ oso mee kun’g lé to asəna gə dəw gə́ oo ta neelé ya nɛ tor ta gə́ wɔji dɔ naŋg nee gə takə̰ji gə́ wɔji dɔ nébaoje ɓa yeḛ la̰ji mée’g aree tuji ta neelé ɔgee ne loo teḛkɔr ŋgia̰ ne ŋgɔsɔrɔ.

Lugu 23:34

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Tagə́maji gə́ Ja̰ ndang 16:3

D’a ra togə́bè mbata deḛ gər Bɔ-dəwje lé el ləm, deḛ gərm-ma lé el ləm tɔ.

Tagə́maji gə́ Ja̰ ndang 7:48

See seḭ ooje dəw gə́ ra ɓa mbuna mbaije’g əsé mbuna Parisiḛje’g gə́ ɔm mée dəa’g wa.

Tagə́maji gə́ Ja̰ ndang 8:19

Deḛ dəjee pana: Bɔbije lé see si ra ɓəi wa. Jeju tel ila dee keneŋ pana: Seḭ gərmje ma el ləm, Bɔm lé kara seḭ gəreeje el ləm tɔ. Ɓó lé seḭ gərmje ndá seḭ a gərje Bɔm lé nja tɔ.

Néra Njékaḭkulaje 13:27

Mbata njéɓeeje gə́ Jerusalem gə mbaije lə dee-deḛ lé gər Jeju sur el ndá d’ila ne ta dəa’g d’ar ta gə́ njéteggintaje tura kəm sí’g gə ndɔ-kwa-rɔ kwa-rɔ lé aw ne lée’g béréré.

Néra Njékaḭkulaje 7:2

Etien tel ilá keneŋ pana: Ŋgakɔmje-je gə bɔmje-je, ooje ta ləm maji. Ala gə́ njero̰duba lé teḛ kəm bɔ síjeḛ Abrakam’g təsərə, loo gə́ yeḛ si Mesɔpotami kédé ɓa yeḛ aw si Sara̰ ɓəi, yeḛ ulá pana:

1 Njé gə́ Kɔrḭtə 1:20

See njekəmkàr ɓa ra wa. See njendaji-maktub ɓa ra wa. See gɔŋgé-maḭta gə́ dɔ naŋg nee ɓasinè lé ɓa ra wa. See kəmkàr gə́ dɔ naŋg neelé Ala telee gə́ némbə el ɓəi wa.

1 Njé gə́ Kɔrḭtə 2:6

Ta gə́ jeḛ ndoo dəwje gə́ tɔg gə́ d’as ne loo lé to gə́ ta kəmkàr ya, nɛ to kəmkàr gə́ ka̰ dəwje gə́ dɔ naŋg nee əsé ka̰ mbaije gə́ dɔ naŋg nee ɓasinè el mbata deḛje neelé d’a kudu bo̰.

2 Njé gə́ Kɔrḭtə 3:14

Nɛ kəmkàr lə dee tel loondul kəm dee’g kɔl-kɔl ya. Mbata saar ɓogənè kara loo gə́ deḛ tura maktub Manrɔ gə́ Ləw lé kubu neelé dəb kəm dee’g bigim ɓó ḭ kəm dee’g bəl el ɓəi mbata Kristi ɓa askəm kɔr kubu neelé kila kɔrɔ.

Njé gə́ Epesə 1:17

Ma m’ra tamaji mba kar Ala lə Jeju Kristi, Mbaidɔmbaije lə sí gə́ to Bɔ rɔnduba lé a kar sí ndil gə́ ka̰ kəmkàr ləm, a kar kəm sí inja kar sí gərje ne ndiaa təsərə ləm tɔ.

Njé gə́ Epesə 4:18

Kəmkàr lə dee lé loondul dəb dɔ’g rigim ləm, kəmə gə́ ka̰ Ala lé deḛ gər ndiaa el ləm tɔ mbata d’wa meḛ dee kədərə dɔ mbə gə́ nai meḛ dee’g ɓəi.

1 Timote 1:13

Ma lé kédé m’to gə́ njekila ndɔl dəa’g ləm, gə njekula kəmee ndòo ləma, gə njera né gə́ ga̰gma̰d ləm tɔ. Nɛ yeḛ ar mée oso lemsé dɔm’g mbata né gə́ ma m’ra lé m’ra dɔ mbə’g loo gə́ ma m’nai gə́ njetaree gə́ tar ɓəi.

Maktub gə́ Jak ula ne ar ngan-Allaje 2:1

Ŋgakɔmje, seḭ gə́ unje meḛ sí arje Jeju Kristi Mbaidɔmbaije lə sí gə́ d’ula rɔnduba dəa’g mba̰ lé maji kar sí ɔrje kəm dəw kára kara el.