1 Njé gə́ Kɔrḭtə 2:7 - Maktub gə́ To gə Kəmee

⁷ Kəmkàr lə Ala gə́ to loo-kiya’g kɔrɔg ɓa jeḛ ndoo sí. Kəmkàr neelé Ala nja wɔji kédé par-par ɓad ɓa d’un kudu tura ləb dee ɓəi gə mba kula ne rɔnduba dɔ sí’g ya.

1 Njé gə́ Kɔrḭtə 2:7 ပူးပေါင်းရင်းမြစ်များ

Pakɔsje 78:2

M’teḛ tam m’pa ne gosotaje ləm, M’ila mber ta kəmkàr gə́ mee ndəaje gə́ ləw lé ləm tɔ.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 13:35

gə mba tɔl ne ta gə́ njéteggintaje pa kédé lé pana: M’a teḛ tam mba pa ne gosotaje ləm, M’a kila mber ta néje gə́ to loo-kiya’g Ndɔ tum gin naŋg nee saar ɓasinè tɔ.

Njé gə́ Rɔmə 11:25

Tɔgərɔ ya, ŋgakɔmje, ta gə́ to loo-kiya’g lé ma m’ndigi kar sí sije keneŋ dɔ mbə’g el nà banelə seḭ a beeléje dɔ kəmkàr’g lə sí. Ta neelé wɔji dɔ dəb Israɛlje gə́ na̰je gə́ tel to gə́ njédɔkədərəje saar mba kar koso-dəwje gə́ njépole-magəje bura d’uru sə dee keneŋ tɔ.

Njé gə́ Rɔmə 8:29

Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

1 Njé gə́ Kɔrḭtə 2:1

Ŋgakɔmje, loo gə́ m’aw ɓee lə sí lé ma m’aw m’ila mber ginta lə Ala lé gə ta gɔŋgé-négər gə kəmkàr ɓa el.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 11:3

Meekun lé ɓa jeḛ j’oo to gə́ tapa Ala ɓa yeḛ unda ne naŋg nee ar néje gə́ jeḛ j’oo gə kəm sí el lé Ala mbo̰ dee unda ne néje gə́ jeḛ j’oo gə kəm sí.

1 Piɛrə 1:11

Deḛ d’ula rɔ dee ndubu gə goo Ndil Kristi gə́ to meḛ dee’g mba gər ne ndɔ gə́ Ndil lé pa taree kédé wɔji ne dɔ néurti gə́ a gə ra Kristi gə rɔnduba gə́ a gə korè gée lé ləm, gə mba gər rəbee ləm tɔ.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

2 Piɛrə 1:3

Loo gə́ j’a gəree maji ndá mbɔl dɔ siŋgamoŋ ləa gə́ ka̰ Ala lé nja j’a kiŋga ne néje lai gə́ j’aw ndòo dee gə mba kisi ne gə kəmə ləm, gə meḛ sí gə́ nda londoŋ ləm tɔ. Yee ɓa yeḛ ɔr sí ɔm sí ne gée’g gə mba kar rɔnduba ləa gə meemaji ləa ɔm dɔ sí’g.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.