1 Njé gə́ Kɔrḭtə 16:7 - Maktub gə́ To gə Kəmee

⁷ Ndəa neelé ma m’ndigi koo sí gə́ koo ɓa dəs kaw ɓəi lé el. Nɛ ɓó lé Mbaidɔmbaije ndigi ndá m’unda məəm yel gə mba si sə sí waga nja ɓəi ya.

1 Njé gə́ Kɔrḭtə 16:7 ပူးပေါင်းရင်းမြစ်များ

Gosota-Kəmkàrje 19:21

Mee dəw lé wɔji-kwɔji ra néje bula, Nɛ né gə́ Njesigənea̰ wɔji ɓa aw lée’g béréré.

Jeremi 10:23

Ǝi Njesigənea̰, ma m’gər gao, Rəw-kaw dəw lé to gə goo siŋgamoŋ ləa el ləm, Yeḛ askəm kwɔji rəw-kabee gə dɔrea el ləm tɔ.

Matiyo 3:15

Jeju tel ilá keneŋ pana: Ya̰ am m’ra togə́bè ya mba kar sí n’tɔl ne ta né gə́ to gə dɔ najee lé bém. Yen ŋga Ja̰ yá̰ aree rəa togə́bè ya.

Néra Njékaḭkulaje 18:21

Nɛ yeḛ ndigi sə dee el. Yeḛ ra dee lapia pana: Lé riri kara m’a kaw ra naḭ gə́ gogo mee ɓee gə́ Jerusalem ya. Ɓó lé mee Ala ndigi ndá m’a tel kiŋga sí ɓəi. Yeḛ ḭ Epesə uru mee bato’g ɔd aw.

Njé gə́ Rɔmə 1:10

m’ndəjee ta-ta gə mba karee ɔr rəw am m’aw ɓee lə sí to gə́ mée-yeḛ nja wɔji ləm tɔ.

1 Njé gə́ Kɔrḭtə 4:19

Ɓó lé mee Mbaidɔmbaije ndigi ndá mbɔr ɓa m’a kila gɔlm ɓee lə sí. Bèe ɓa m’a gər ne siŋga lə njéti rɔ deeje koo ɓó m’a gər tapa dee goo kára ba el.

2 Njé gə́ Kɔrḭtə 1:15

Meem gə́ to yel gə́ dɔ sí’g lé yee ɓa ma m’ndiŋga ne rɔm mba kaw rɔ sí’g kar sí iŋgaje ne nénoji gə́ a kɔs dɔ maree’g.

Maktub gə́ Jak ula ne ar ngan-Allaje 4:15

Ta gə́ kəm kar sí paje lé ɓa nee: Ɓó lé mee Ala ndigi ndá j’a si kəmba ləm, j’a ra né gə́ yo əsé né gə́ nee ləm tɔ.