1 Njé gə́ Kɔrḭtə 16:22 - Maktub gə́ To gə Kəmee

²² Nana ɓa gə́ ndigi Mbaidɔmbaije gə meekɔr jol-jol el ndá maji kar ndɔl nai dəa’g ya. Mbaidɔmbaije si ree!

1 Njé gə́ Kɔrḭtə 16:22 ပူးပေါင်းရင်းမြစ်များ

Pa gə́ ur dɔ paje 1:7

Ǝi, i gə́ m’ndigii dɔɓəŋgərəm’g, Ulam loo gə́ i ar badje ləi D’aw d’o̰ mu keneŋ ləm, Gə loo gə́ i aw ar dee d’wa rɔ dee keneŋ Loo gə́ kàr aar daŋdɔ lé ləm tɔ. See gelee ban ɓa m’ila ne mbir-mbir Mbɔr koso-nékulje’g lə marije bèe wa.

Pa gə́ ur dɔ paje 5:16

Tea kul yururu ləm, Dareaje lai taa kəm rəgm ləm tɔ. Yeḛ gə́ m’undá dan kəm’g lé to togə́bè, Njemɔr ləm lé to togə́bè ya, Seḭ ŋgama̰dje gə́ Jerusalem lé.

Esai 5:1

M’a kɔs pa kar yeḛ gə́ m’undá dan kəm’g, Pa lə yeḛ gə́ m’undá dan kəm’g lé wɔji dɔ ndɔ-nduú ləa. Yeḛ gə́ m’undá dan kəm’g lé Ndɔ-nduú ləa to dɔdərloo gə́ maji-nduú’g.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Tagə́maji gə́ Ja̰ ndang 14:15

Ɓó lé seḭ ṵdamje dan kəm sí’g ndá aaje dɔ godndum kər-kər ɓa.

Tagə́maji gə́ Ja̰ ndang 14:21

Yeḛ gə́ si gə godndumje ɓa aa dɔ dee kər-kər lé ndá yeḛ to gə́ njekṵdam dan kəmee’g ya, yeḛ gə́ to gə́ njekṵdam dan kəmee’g lé Bɔm a kundá dan kəmee’g ya ləm, ma kara m’a kundá dan kəm’g ya ləm tɔ ndá m’a riba səa dɔ rɔm təsərə ya.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tagə́maji gə́ Ja̰ ndang 15:24

Kula ramje gə́ dəw kára kara askəm ra el gə́ m’ra lé ɓó lé m’ra mbuna dee’g el ndá d’a koo loo kaiya lə dee gə́ deḛ ra lé el, nɛ deḛ d’wam gə meḛ dee ləm, Bɔm kara d’wá gə meḛ dee togə́bè ləm tɔ.

Tagə́maji gə́ Ja̰ ndang 16:14

Yeḛ a kula rɔnduba dɔm’g mbata né kama lé ɓa yeḛ a kun taree pa kar sí ya.

Tagə́maji gə́ Ja̰ ndang 8:42

Jeju tel ila dee’g pana: Ɓó lé Ala to gə́ Bɔ síje ndá seḭ a kṵdamje dan kəm sí’g tɔ, mbata ma m’to Ŋgon mee Ala gə́ m’ḭ rəa’g ɓa m’ree. Ma lé m’ḭ m’ree gə dɔrɔm el, nɛ yeḛ nja ɓa ulam ya.

Néra Njékaḭkulaje 23:14

Ndá deḛ d’aw rɔ mbai dɔ njékinjanéməsje’g gə ŋgatɔgje’g d’ula dee pana: Jeḛ manrɔ sí bər-bər gə mba sɔ né el saar j’a tɔl Pool ya ɓa.

Njé gə́ Rɔmə 9:3

Ma m’ndigi kar dɔm udu ləm, ma m’ndigi kar Kristi ya̰’m gə no̰ ləm tɔ gə mba ŋgakɔmje gə njénojije ləm gə́ gin darɔ’g,

1 Njé gə́ Kɔrḭtə 12:3

Gelee gə́ nee ɓa, ma m’ula sí təsərə ya, dəw gə́ rara gə́ Ndil Ala a karee pata lé a pa pana: Maji kar dɔ Jeju udu guduru lé a pa bèe godo. Dəw gə́ rara gə́ pana: Jeju to Mbaidɔmbaije lé ɓó lé Ndil Ala ula njea lé el ndá yeḛ askəm pa bèe el tɔ.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Epesə 6:24

Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!

Njé gə́ Pilibə 4:5

Maji kar dəwje lai gər sí loo kaw yururu’g lə sí gao ya. Mbaidɔmbaije si aw gə́ nee dəb ŋga.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

1 Piɛrə 2:7

Seḭ gə́ ɔmje meḛ sí dəa’g lé ndá rɔ sí lel sí mbata yeḛ to gə́ né gə́ to gə́ ŋgonkəm sí ya. Nɛ deḛ gə́ d’ɔm meḛ dee dəa’g el ndá Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd ləm, Gə nétuga gɔl dee ləma, Gə né gə́ a kar dee d’oso ne nja ləm tɔ.

1 Ja̰ 4:19

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.

1 Ja̰ 5:1

Nana ɓa gə́ ɔm mée dɔ Jeju’g ée ne gə́ Kristi ndá debee neelé Ala nja ojee. Tɔɓəi nana ɓa gə́ unda ŋgon neelé dan kəmee’g ndá yeḛ unda njekoji ŋgon lé dan kəmee’g tɔ.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.