1 Njé gə́ Kɔrḭtə 16:14 - Maktub gə́ To gə Kəmee

¹⁴ Né gə́ rara ɓa gə́ seḭ raje kara raje gə meenoji ya.

1 Njé gə́ Kɔrḭtə 16:14 ပူးပေါင်းရင်းမြစ်များ

Tagə́maji gə́ Ja̰ ndang 15:17

Torndum gə́ ma m’un m’ar sí lé ɓa nee: Undaje na̰ dan kəm na̰’d ya.

Njé gə́ Rɔmə 14:15

Nɛ ɓó lé nésɔi gə́ i usɔ lé i ar mee ŋgokɔḭ ea̰ ndá meenoji godo məəi’g. Mari gə́ Kristi wəi gə mbata ləa lé maji kar nésɔi tel to nétujee el.

1 Njé gə́ Kɔrḭtə 12:31

Narje rɔ sí gə mba kunje ne nénojije gə́ maji dum mareeje gə́ Ala ar sí. Nɛ ɓasinè lé m’a gə tɔji sí né kára gə́ maji dum lé.

1 Njé gə́ Kɔrḭtə 14:1

Maji kar sí ndolèje goo meenoji. Narje rɔ sí gə mba kiŋga nénoji gə́ wɔji dɔ ndil sí tɔ nɛ ka̰ tegginta ɓa areeje ur dɔ dee’g lai.

1 Njé gə́ Kɔrḭtə 16:15

Ŋgakɔmje, ma m’ndigi ndəji sí bər-bər dɔ ta gə́ raŋg’d ya tɔɓəi. Seḭ gərje gao kojikəije lə Stepanas lé deḛ nja to kó njétaamee-Kristije gə́ Akai gə́ d’ula goŋ dee kula’g mbata lə deḛ gə́ to gə kəmee lé.

1 Njé gə́ Kɔrḭtə 8:1

Ta lə nékulje gə́ deḛ d’inja gə́ məs d’ar magəje ɓa d’ya̰ dakasee lé kəm síjeḛ lai inja dɔ’g ar sí n’gər gosee gao. Gosɔnégər lé ar dəwje ti ne rɔ dee ya nɛ meenoji ɓa dəw a rɔd ne maree.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

1 Njé gə́ Tesalonikə 3:12

Maji kar Mbaidɔmbaije ar noji gə́ seḭ waje gə na̰ ləm, gə seḭ waje gə dəwje lai ləm tɔ lé ḭ dɔ maree’g gə́ kédé-kédé aree to asəna gə ka̰ síjeḛ mbata lə sí-seḭ bèe tɔ.

1 Njé gə́ Tesalonikə 3:6

Nɛ ɓasinè Timote ḭ rɔ sí’g tel ree iŋga sí ndá yeḛ ula sí ta gə́ maji gə́ wɔji dɔ meekun lə sí ləm, gə meenoji lə sí ləm tɔ. Yeḛ ula sí pana: Kaw gə́ j’aw rɔ sí’g kédé lé seḭ la̰jije toree meḛ sí’g ta-ta gə meendakaḭ ar mal koo síjeḛ ra sí-seḭ ŋgwɔd-ŋgwɔd to gə́ jeḛ kara mal koo sí-seḭ ra síjeḛ ŋgwɔd-ŋgwɔd togə́bè ya tɔ.

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

1 Timote 1:5

Gin ndukun ləm lé to mba kar nojimeenda ḭ dɔ maree’g gə goo takə̰ji gə́ maji gə́ ḭ meḛ dee’g ləm, gə goo meekun gə́ gəd ləm tɔ.

Ǝbrəje 13:4

Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

1 Piɛrə 4:8

Ta gə́ ur dɔ taje lai lé: Undaje na̰ dan kəm na̰’d gə meenda londoŋ mbata meenoji lé ɔn dɔ kaiyaje bula.

2 Piɛrə 1:7

mba kar kunda na̰ dan kəm na̰’d orè goo néra gə́ aw gə goo ka̰ Ala ləma, mba kar meenoji orè goo kunda na̰ dan kəm na̰’d ləm tɔ.