1 Njé gə́ Kɔrḭtə 15:6 - Maktub gə́ To gə Kəmee

⁶ Ndɔ gə́ raŋg yeḛ teḛ kəm njétaamee-Kristije gə́ d’as tɔl-mi gə́ d’wa dɔ na̰ loo kára tɔ, deḛ gə́ d’ée neelé kudu dee gə́ kára ɓa d’wəi nɛ ndər dee nai gə kəmə lə dee bura ɓəi.

1 Njé gə́ Kɔrḭtə 15:6 ပူးပေါင်းရင်းမြစ်များ

Matiyo 28:10

Togə́bè Jeju ula dee pana: Ɓəlje el, aw ulaje ŋgakɔmje ar deeje d’aw Galile ɓa d’a kila kəm dee dɔm’g keneŋ ɓəi.

Mark 16:7

Nɛ ɔd aw ulaje njékwakiláje ləm, gə Piɛrə ləm tɔ to gə́ Jeju lé ɔd no̰ sí’g sí aw gə́ Galile mba̰, lé neelé ɓa seḭ a kéeje keneŋ nu to gə́ yeḛ ula sí lé ya tɔ.

Néra Njékaḭkulaje 13:36

Dabid lé loo gə́ si gə kəmee ɓa un rudu kula ləa to gə́ mee Ala wɔji ɓəi ndá yeḛ wəi ar dee dubee dɔɓar keaje-je’g, ar darəa unda naŋg ndəs keneŋ ya.

Néra Njékaḭkulaje 7:60

Tɔɓəi yeḛ ɔs kəjee naŋg pata gə ndia gə́ boi wəl pana: Mbaidɔmbaije, maji kari ila ta kaiya neelé dɔ dee’g el. Loo gə́ yeḛ pata togə́bè mba̰ ndá yeḛ təd sərəg ya.

1 Njé gə́ Kɔrḭtə 15:18

Tɔɓəi deḛ gə́ d’wəi gin Kristi’g lé kara deḛ d’udu guduru mba̰ tɔ.

1 Njé gə́ Kɔrḭtə 15:20

Nɛ ɓasinè lé Kristi teḛ mbuna njé gə́ d’wəi’g ya, yeḛ to ne dəw gə́ doŋgɔr lə deḛ gə́ d’wəi.

1 Njé gə́ Tesalonikə 4:13

Ŋgako̰ síje, ta gə́ wɔji dɔ dəwje gə́ toɓi lé jeḛ ndigi kar sí sije keneŋ dɔ mbə’g el, nà seḭ a kulaje ne rɔ sí ndòo gə dəwje gə́ raŋg na̰’d gə́ nékunda-mee-yel dɔ’g lə dee godo.

1 Njé gə́ Tesalonikə 4:15

Tɔgərɔ ya, aa ooje, ta lə Mbaidɔmbaije gə́ j’ula sí təsərə ɓa nee: jeḛ gə́ j’a si kəmba saar ndɔ tel lə Mbaidɔmbaije lé deḛ gə́ d’wəi mba̰ lé j’a kun gɔl sí kila no̰ dee’g gə dɔrɔ sí el.

2 Piɛrə 3:4

pana: Ndia gə́ yeḛ un gə́ pana: N’a ree ne lé see to banwa, kwəi gə́ ka síje d’wəi ləw ba saar lé néje lai to gə loo tée gə́ tum ne gin naŋg nee ləw ba saar ɓasinè.