1 Njé gə́ Kɔrḭtə 15:58 - Maktub gə́ To gə Kəmee

⁵⁸ Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

1 Njé gə́ Kɔrḭtə 15:58 ပူးပေါင်းရင်းမြစ်များ

2 Sôrta Gḭka Israɛlje 15:7

Nɛ seḭ lé ɓasinè maji kar sí waje diŋgam meḛ sí’g ləm, arje ji sí unda ndolè el ləm tɔ mbata kula ra sí lé seḭ a kiŋgaje nédɔji sí keneŋ ya.

Nehemi 6:4

Deḛ d’ula kula rɔm’g togə́bè ya as gɔl sɔ nɛ ma m’ila dee keneŋ to gə́ kédé lé ya tɔ.

Pakɔsje 112:6

Mbata yeḛ lé unda ndolè nda̰ el. Riɓar lə njemeekarabasur lé to saar gə no̰.

Pakɔsje 19:11

To né gə́ to ŋgonkəm ur dɔ larlɔr ləm, ur dɔ larlɔr gə́ àr ŋgad-ŋgad ləm tɔ. To né gə́ rii gə́ ur dɔ ka̰ ubu tə̰ji gə́ ruba mee mbanee’g.

Pakɔsje 55:22

Tapea kul yururu ur dɔ ubu mbà maŋg’g. Nɛ mée gə́ kəi lé ta rɔ ɓa nai keneŋ bura ya ɓəi, Tapeaje lé kul yururu ur dɔ ubu’g ya ɓəi, Nɛ deḛ to kiambasje gə́ lal kula sɔl dee’g.

Pakɔsje 73:13

Togə́bè ɓa né gə́ m’ra mba kar məəm àr ne ŋgad-ŋgad lé M’ra kari ba ya ləm, Jimje gə́ m’togo m’riba ne dɔ ta gə́ wa dɔm el lé kara Tel to ne né gə́ gə mḭdé ba ya ləm tɔ.

Pakɔsje 78:37

Deḛ d’wa meḛ dee kɔgərɔ reḛ́ ne rəa’g rḛ́-rḛ́ el ləm, D’ila koji dɔ ndu manrɔ’g ləa lé el ləm tɔ.

Pakɔsje 78:8

Ɓó gə mba kar dee ra ne né to gə́ bɔ deeje-je bèe el, Mbata deḛ lé to gə́ mbim-oo-ta-elje gə njékɔsta-rəwje ləm, D’wa meḛ dee kɔgərɔ el ləma, Deḛ to majikojije lə Ala el ləm tɔ.

Gosota-Kəmkàrje 21:21

Yeḛ gə́ ndolè goo néra gə́ gə dɔ najee ləm gə meemaji ləm tɔ lé Yeḛ iŋga kəmə ləm gə néra gə́ gə dɔ najee ləma gə rɔnduba ləm tɔ.

Mark 3:3

Jeju ula dəw gə́ jia wəi wɔ neelé pana: Uba naŋg ḭta aar tar dan sí’g nee.

Lugu 19:19

Mbai ila keneŋ pana: I kara m’ari ɔn dɔ ɓee-booje’g mi ya tɔ.

1 Njé gə́ Kɔrḭtə 16:10

Ɓó lé Timote aw teḛ rɔ sí’g gə mba koo sí ndá wáje mbá bur-bur mba karee si sə sí gə kaar gəd el, mbata yeḛ nja kara ra kula lə Mbaidɔmbaije to gə́ ma bèe ya tɔ.

1 Njé gə́ Kɔrḭtə 3:8

Yeḛ gə́ njedubu né əsé yeḛ gə́ njesaa mán dɔ’g kara d’asəna joo bɔr, nana kara a kiŋga dɔ jia gə́ wɔji dɔ kula rəa-rəa.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Galati 4:11

Ma m’ɓəl nà banelə kula gə́ m’ra mbata lə sí lé ma m’bəg rɔm keneŋ gə mḭdé ba.

Njé gə́ Galati 6:9

Ar sí j’arje rɔ sí wɔi sí ndiŋ-ndiŋ dɔ néra gə́ maji’g lé el mbata ɓó lé meḛ sí a kila kas dɔ’g el ndá naḭyee ndá j’a kiŋga née ya.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Pilibə 1:9

Aa ooje, né gə́ ma m’kwɔi Ala loo ra tamaji’g ləm ɓa to nee: Maji kar meenoji lə sí ḭ dɔ maree’g gə́ kédé-kédé gə goo négər ləm, gə goo gosonégər ləm tɔ

Njé gə́ Pilibə 2:16

ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.

Njé gə́ Pilibə 2:30

Mbata kula lə Kristi ɓa ta yée nai ne tebdé bèe gə mbəa, yeḛ ya̰ rəa ar yoo mba nai ne gə́ darɔ sí-seḭ rɔm’g, tɔl ne ta kula lə sí gə́ seḭ ooje loo rəa el lé tɔ.

Njé gə́ Pilibə 4:17

To nénoji ɓa ma m’saŋg rɔ sí’g el, nɛ kó noji lə sí ɓa ma m’saŋg mba karee tel taa rɔ sí pəl-pəl.

Njé gə́ Kolosə 1:23

Nɛ kar sí-seḭ naije dan meekun’g lə sí njaŋg, lal yəje rɔ sí keneŋ ləm, meekundayel gə́ wɔji dɔ Tagə́maji gə́ seḭ ooje mba̰ lé seḭ a tɔje pum kubaje kya̰je el ləm tɔ lé yee ɓa gə́ kuma̰. Tagə́maji neelé d’ila mberee d’ar nékundaje lə Ala lai gə́ d’isi gin dara’g d’oo ya ləm, ma Pool kara d’undam gə́ njekɔrgoo gée ya ləm tɔ.

Njé gə́ Kolosə 2:5

Mbata ɓó lé darɔm godo rɔ sí’g kara ndiləm nai sə sí ya, am m’oo néje lai gə́ seḭ raje mbuna na̰’d to gə goo rəbee ləm, seḭ aarje njaŋg dan meekun’g lə sí gin Kristi’g lé ləm tɔ ɓa m’ra ne rɔlel ya.

Njé gə́ Kolosə 2:7

Ulaje ŋgira sí naŋg rəa’g kiŋ-kiŋ, ɓa meekun lə sí a ɓəbərə ne dɔ’g kaw-kaw ɓəi gə goo ta gə́ deḛ ndoo sí ləm, arje ta ra Ala oiyo oji ne na̰ ta sí’g dḛ̀gé-dḛ̀gé ləm tɔ.

1 Njé gə́ Tesalonikə 1:3

Tɔgərɔ ya, meḛ sí olé dɔ sí’g ta-ta no̰ Ala Bɔ síje’g loo gə́ j’ə̰ji dɔ meekun lə sí gə́ ra née ləm, gə nojimeenda gə́ seḭ waje gə mar síje ləma, gə kaar gə́ seḭ aarje njaŋg undaje ne meḛ sí yel gə́ dɔ Mbaidɔmbaije’g lə sí Jeju Kristi lé ləm tɔ.

1 Njé gə́ Tesalonikə 3:12

Maji kar Mbaidɔmbaije ar noji gə́ seḭ waje gə na̰ ləm, gə seḭ waje gə dəwje lai ləm tɔ lé ḭ dɔ maree’g gə́ kédé-kédé aree to asəna gə ka̰ síjeḛ mbata lə sí-seḭ bèe tɔ.

1 Njé gə́ Tesalonikə 3:3

mba kar nékəmndoo gə́ seḭ sije keneŋ ɓasinè lé a kar dəw kára kara yə ne el ləm tɔ. Mbata seḭ gərje gao, to né gə́ goso dɔ sí ya.

1 Njé gə́ Tesalonikə 3:5

Togə́bè ɓa, loo gə́ m’oo loo mba kila məəm po̰ el ŋga ndá m’ula kula goo sí’g mba koo see meekun lə sí to ban wa. Ma m’ɓəl nà banelə njesula dəwje lé a sula sí ɓa a kar kula ra sí lé tel to né gə́ gə mḭdé ba.

1 Njé gə́ Tesalonikə 4:1

Ŋgakɔmje, ta gə́ raŋg ya to ŋga. Né gə́ kəm ra karee taa kəm Ala lé seḭ ooje rɔ sí’g mba̰ ləm, seḭ raje née ləm tɔ ndá jeḛ n’tɔg sí j’wa ta sí gə ri Mbaidɔmbaije Jeju Kristi mba kar sí awje ne kəm sí gə́ kédé-kédé ya.

2 Njé gə́ Tesalonikə 1:3

Ŋgako̰ síje, jeḛ j’oo loo gə mba ra Ala oiyo ta-ta mbata lə sí, yee ɓa to lée’g ya, mbata meekun lə sí teḛ boo, ḭ ne dɔ maree’g gə́ kédé-kédé ya ləm, seḭje kára kara lai seḭ undaje na̰ dan kəm na̰’d waje ne noji gə́ kédé-kédé ləm tɔ.

Titə 2:14

Yeḛ neelé ya̰ rəa ar yoo mbata lə sí mba kuga ne néra sí gə́ yèr gə́ rara kara ləm, gə mba togo ne won sí kɔr ɓə̰dərə-ɓə̰dərə ləma, mba kunda sí ne gə́ koso-dəwje ləa-yeḛ nja doŋgɔ doi gə mba kar sí j’ɔs ne rɔ sí ɓad-ɓad dɔ néraje gə́ maji’g ləm tɔ.

Ǝbrəje 13:21

maji karee gɔl sí gə mba kar sí asjekəm ra né gə́ maji gə́ gə ria-ria mba tɔl ne ta torndia bém ləm, maji karee ra kula meḛ sí’g to gə́ mée ndigi gin Jeju Kristi ləm tɔ ndá maji kula rɔnduba dəa’g gə ləbee-ləbee saar gə no̰. Amen!

Ǝbrəje 3:14

Tɔgərɔ ya ɓó lé j’aar njaŋg dɔ meekun’g lə sí gə́ j’un kédé lé saar ndɔ rudu ndá jeḛ j’ɔm na̰’d gə Kristi ya.

Ǝbrəje 6:10

Mbata Ala lé to njera né gə́ lal najee el, mée a kwəi dɔ kula ra sí gə́ seḭ raje areeje lé el ləm, gə dɔ ɓar gə́ seḭ arje ria ɓar ne wəl-wəl el ləma, gə dɔ nojimeenda gə́ seḭ waje gə deḛ gə́ to gə kəmee bur-bur kédé lé saar ɓasinè el ləm tɔ.

2 Piɛrə 3:14

Gelee gə́ nee ɓa, seḭ gə́ m’unda sí dan kəm’g lé to gə́ seḭ ŋginaje néje neelé ndá oreeje meḛ sí més-més mba karee iŋga sí dan meelɔm’g loo gə́ meḛ sí a kila ɓal el ləm, ta a kwa dɔ sí el ləm tɔ.

Rudu 1:18

Naomi lé loo gə́ oo to gə́ Rudu lé ar dɔ tapea’g njaŋg ya mba kaw səa ndá yeḛ əw rəa kɔsee gə́ kédé-kédé ŋga.