1 Njé gə́ Kɔrḭtə 15:50 - Maktub gə́ To gə Kəmee

⁵⁰ Ŋgakɔmje, ta gə́ m’pa lé ɓa to nee: Dakasrɔ gə məs lé d’askəm kisi ɓeeko̰’g lə Ala el ləm, né gə́ a gə yɔlé gə né gə́ a gə yɔlé el lé d’a korè na̰ el ləm tɔ.

1 Njé gə́ Kɔrḭtə 15:50 ပူးပေါင်းရင်းမြစ်များ

Matiyo 16:17

Jeju ulá pana: Simo̰, ŋgon Junas, dɔi ai səgərə, mbata darɔ dəw əsé məs dəw ɓa ar kəmi inja dɔ né gə́ neelé el nɛ Bɔm gə́ si dara ɓa riba səi dəa bèe.

Matiyo 25:34

Yen ŋga, mbai a ree kula deḛ gə́ d’isi dɔ jikɔlee’g lé pana: Seḭ gə́ Bɔm tɔr ndia dɔ sí’g lé ree taaje ɓee o̰je, to ɓeeko̰ gə́ d’wa dɔ gɔlee d’wɔji ne dɔ sí ndɔ gə́ d’un kudu tum ne gin naŋg neelé ya.

Njé gə́ Rɔmə 2:7

Deḛ gə́ d’ai meḛ dee sam-sam dɔ néra deeje gə́ maji’g saŋg ne riɓar gə rɔnduba gə dɔkaisəgərə lé dee nja yeḛ a kar dee d’isi gə kəmə gə́ gə no̰ ya.

1 Njé gə́ Kɔrḭtə 1:12

Ma nja m’a gə tegginee kar sí, seḭ ulaje na̰ pajena: Neḛ n’to ka̰ Pool ɓòo əsé neḛ n’to ka̰ Apolɔs ɓòo əsé neḛ n’to ka̰ Képas ɓòo əsé neḛ n’to ka̰ Kristi ɓòo.

1 Njé gə́ Kɔrḭtə 15:42

To kára ba asəna gə deḛ gə́ d’a gə teḛ dan njé gə́ d’wəi’g, darɔ dee gə́ dubu lé to né gə́ a gə kunda naŋg ndəs, nɛ teḛ gə́ d’a gə d’a kunda loo teḛ lé d’a teḛ gə rɔ dee gə́ a gə kunda naŋg ndəs el ŋga.

1 Njé gə́ Kɔrḭtə 15:44

Dakasrɔ dəw ɓa deḛ dubu, nɛ yeḛ a kunda loo teḛ gə kankəmrea gə́ ka̰ ndil lé. Ɓó lé dakasrɔ dəw to keneŋ ndá kankəmrɔ dəw gə́ ka̰ ndil to keneŋ gən ya tɔ.

1 Njé gə́ Kɔrḭtə 6:10

əsé njételrɔ dee gə́ denéje əsé ram-dəwje əsé njéɓogoje əsé njékəmndaje əsé njéko̰laolarje əsé njéra ɓər lə kidoje əsé njétajikilje əsé gayim-dəwje lé deḛje neelé d’a kiŋga nédɔji lə dee ɓeeko̰’g lə Ala pai godo.

1 Njé gə́ Kɔrḭtə 6:13

Nésɔje gə́ gə ria-ria kara to mbata lə mee dəw ləm, mee dəw kara to mbata lə nésɔje ləm tɔ. Ndá Ala a gə tuji yee gə́ nee gə yee gə́ nḛ, joo bɔr. Darɔ dəw lé to mba mɔdkaiya el, nɛ to mba ra kula lə Mbaidɔmbaije ɓa Mbaidɔmbaije kara to dəw dɔ darɔ tɔ.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

1 Njé gə́ Kɔrḭtə 7:29

Ŋgakɔmje, aa ooje, ta gə́ ma m’ula sí ɓa nee: Ndəa lé nai dəb ba ŋga. Bèe ndá un kudee ɓasinè lé maji kar deḛ gə́ to gə́ njédenéje lé d’isi d’asəna gə ŋgaw-buaje ləm,

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

2 Njé gə́ Kɔrḭtə 9:6

Ooje maji ɓa, yeḛ gə́ dubu kó gururu bèe ndá a kiŋga lam ba bèe, nɛ yeḛ gə́ dubu kó gə tadee rəg-rəg ndá a kinja kuru ndil-ndil tɔ.

Njé gə́ Galati 3:17

Aa ooje, ta gə́ ma m’pa ɓa nee: Ndukun gə́ Ala un kédé ɓa gée gə́ gogo aree to njaŋg ɓəi lé loo karee udu ɓa godo ŋga. Tɔɓəi godndu gə́ ḭ gogo as ləb tɔl-sɔ-dəa-rɔ-munda lé kara askəm kar ndukun gə́ to njaŋg kédé lé tel to né gə́ mḭdé el tɔ.

Njé gə́ Galati 5:16

Ta gə́ ma m’pa ɓa nee ya: Njaaje gə goo rəw gə́ Ndil ɓa tɔji sí, togə́bè ɓa mal né gə́ wɔji dɔ ka̰ darɔ lé seḭ a raje el tɔ.

Njé gə́ Epesə 4:17

Ooje ta gə́ ma m’ula sí ləm, ta gə́ m’pa njaŋg gə ri Mbaidɔmbaije ləm tɔ lé maji kar sí njaaje asəna gə njépole-magəje el ŋga mbata deḛ nja ndolè goo takə̰ji lə deḛ gə́ gə mḭdé-mḭdé ba.

Njé gə́ Kolosə 2:4

Ma m’pata neelé gə mba kar dəw kára kara lèbè kəm sí gə sutaje el.

2 Timote 4:18

Mbaidɔmbaije ɓa a kɔrm dan néje gə́ majel gə́ gə ria-ria lai ləm, a kajim mba karm m’isi ne mee ɓeeko̰’g ləa gə́ dara ləm tɔ. Yeḛ nja ɓa maji kula rɔnduba dəa’g gə ləbee-ləbee saar-saar gə no̰. Amen!