1 Njé gə́ Kɔrḭtə 15:28 - Maktub gə́ To gə Kəmee

²⁸ Tɔɓəi loo gə́ yeḛ ɔm néje lai gin gɔlee’g ndá yen ŋga Ŋgon lé kara a koso kul no̰ yeḛ gə́ njekɔm néje lai gin gɔlee’g lé ɓó gə mba kar Ala a to ne dəw dɔ dee lai-lai ya.

1 Njé gə́ Kɔrḭtə 15:28 ပူးပေါင်းရင်းမြစ်များ

Pakɔsje 18:39

Ma m’iri dee njigi-njigi ɓó d’askəm kuba naŋg kḭ tar el ŋga, Deḛ toso ne gin gɔlm’g naŋg ya tɔ.

Pakɔsje 18:47

Maji kar dɔ ri Njesigənea̰ ai səgərə ləm, Maji kar dɔ kɔr mbal ləm ai səgərə ləm tɔ. Maji kula rɔnduba dɔ Ala’g lé ləm gə́ to njegin kajim lé.

Tagə́maji gə́ Ja̰ ndang 14:28

Ta gə́ m’ula sí lé seḭ ooje to gə́ ma m’pana: M’isi m’aw, nɛ m’a tel ree rɔ sí’g ɓəi. Ɓó lé seḭ ṵdamje dan kəm sí’g ndá seḭ a kalje rɔ sí mbata m’isi m’aw gə́ rɔ Bɔm’g, mbata Bɔm lé yeḛ ur dɔm’g ya.

1 Njé gə́ Kɔrḭtə 11:3

Nɛ lé bèe kara ma m’ndigi kar sí gərje gao to gə́ Kristi lé to dəw dɔ diŋgam gə́ rara kara ləm, ar diŋgam kara to dəw dɔ dené ləma, ar Ala to dəw dɔ Kristi ləm tɔ.

1 Njé gə́ Kɔrḭtə 12:6

Gosɔkulaje to gə kəmee-kəmee, nɛ Ala nja kára ba kiao ɓa to njegin gosɔkulaje gə́ ɓəd-ɓəd neelé lai tɔ.

1 Njé gə́ Kɔrḭtə 15:29

Ɓó lé to togə́bè el ndá see deḛ gə́ ra dee batɛm gə mba mar deeje gə́ d’wəi lé see gel né gə́ deḛ ra lé to to gə́ banwa. Ɓó lé njé gə́ d’wəi lé d’a kunda loo teḛ el ndá see ban ɓəi ɓa deḛ ra dee batɛm gə mbata lə dee ɓəi wa.

1 Njé gə́ Kɔrḭtə 3:23

Néje lai to gə́ ka̰ sí ləm, seḭ toje ka̰ Kristi ləma, Kristi kara to gə́ ka̰ Ala ləm tɔ.

Njé gə́ Epesə 1:23

Eglisə gə́ to darəa-yeḛ nja lé un kubururɔ yeḛ gə́ njekun loo lad-lad lé lad ya.

Njé gə́ Pilibə 3:21

Rɔ sí gə́ wa kor kor-kor lé yeḛ nja ɓa a telee karee nduba raŋg-raŋg asəna gə kea̰-yeḛ gə goo siŋgamoŋ ləa gə́ yeḛ dum ne dɔ néje lai lé ya.

Njé gə́ Kolosə 3:11

Grek əsé Jib godo nee ləm, njekḭja tamɔd əsé yeḛ gə́ lal kinja godo ləm, dəw-dɔ-ɓee əsé dəw walá godo ləma, ɓər əsé ŋgonkoji godo ləm tɔ, nɛ Kristi ɓa gə́ dəw kára ba dan dee’g lai.