1 Njé gə́ Kɔrḭtə 15:27 - Maktub gə́ To gə Kəmee

²⁷ Tɔgərɔ ya, Ala ɔm néje lai gin gɔl Kristi’g. Nɛ loo gə́ yeḛ pana: Neḛ n’ɔm néje lai gin gɔlee’g ndá yeḛ gə́ njekɔm néje lai gin gɔlee’g lé ɓa nai, yee ɓa to ta gə́ to raga təsərə ya.

1 Njé gə́ Kɔrḭtə 15:27 ပူးပေါင်းရင်းမြစ်များ

Pakɔsje 8:6

I undá aree nai lam bèe ndá a kas səi-i Ala ləm, I ula dɔgugu rɔnduba gə riɓar dəa’g ləm tɔ.

Loo gə́ killa rea kəm Daniel’g 7:14

Deḛ d’aree dum dɔ loo ləm, d’aree o̰ ɓee ləma, d’ula rɔnduba dəa’g ləm tɔ. Koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee gə ria-ria ləm tɔ lé ra kula d’aree. Dum dɔ loo ləa to dum dɔ loo gə́ to gə no̰ gə́ rudee a kun ɗiao el ləm, ko̰ɓee ləa kara a tuji nda̰ el ləm tɔ.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Tagə́maji gə́ Ja̰ ndang 13:3

Jeju gər gao to gə́ Bɔ-dəwje mbo̰ néje lai ɔm jia’g ləm, gə kḭ gə́ yeḛ ḭ rɔ Ala’g ləm, gə tel gə́ yeḛ a gə tel gə́ rɔ Ala’g ləm lé yeḛ gər mba̰ ləm tɔ

Tagə́maji gə́ Ja̰ ndang 3:35

Bɔ-dəwje lé unda Ŋgonee dan kəmee’g ɓa mbo̰ ne néje lai ɔm jia’g.

Njé gə́ Epesə 1:20

Kristi lé kila siŋgamoŋ lə Ala neelé gə́ raga loo gə́ Ala aree unda loo teḛ dan njé gə́ d’wəi’g ləm, aree sí dɔ jikɔlee’g dara

Njé gə́ Epesə 1:22

Yeḛ orè néje lai gə gin gɔlee mès ləm, aree to dəw dɔ Eglisə ləm tɔ.

Ǝbrəje 1:13

See kura gə́ dara gə́ ra ɓa yeḛ ulá pana: Si dɔ jikɔlm’g Saar mba karm m’ar njéba̰je ləi tel to nétura-gɔl-kɔm ləi lé wa.

Ǝbrəje 10:12

Kristi lé un nékòga kaiya ar Ala gɔl kára ba kiao gə́ ŋgaŋgee ɓa yeḛ rəm sí dɔ jikɔl Ala’g gə no̰.

Ǝbrəje 2:8

I ɔm néje lai-lai gin gɔlee’g ya. Tɔgərɔ ya, to gə́ Ala aree o̰ ɓee dɔ néje’g lai ndá yeḛ ya̰ né kára kara gə́ lal kɔm gin gɔlee’g el nɛ ɓasinè lé jeḛ j’oo néje lai gin gɔlee’g el ɓəi.

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.