1 Njé gə́ Kɔrḭtə 15:26 - Maktub gə́ To gə Kəmee

²⁶ Njeba̰ gə́ yeḛ a tuji gə́ rudu dee lé ɓa to yoo.

1 Njé gə́ Kɔrḭtə 15:26 ပူးပေါင်းရင်းမြစ်များ

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Lugu 20:36

Yoo a ɓar ri dee el ŋga mbata d’a to kasəna gə kuraje gə́ dara ləm, d’a to ŋgan-Alaje mbata to gə́ deḛ to ne ŋgan njéteḛ loo-yoo’gje ləm tɔ.

1 Njé gə́ Kɔrḭtə 15:55

Wah! yoo, see loo kun baŋga ləi to ra wa. Wah! yoo, see nékadje ləi to ra wa.

2 Timote 1:10

Nɛ yeḛ riba dɔ noji neelé ɓasinè ar sí loo gə́ yeḛ ar Jeju Kristi Mbaikaji lə sí ree ləm, aree ila ne tuji dɔ yoo’g ləma, ar kəm dəwje inja dɔ kəmə’g gə dɔ kankəmrɔ dee gə́ a to gə no̰ gə goo Tagə́maji ləm tɔ.

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

Loo gə́ killa rea kəm Ja̰’g 20:13

Baa-boo-kad un deḛ gə́ d’wəi keneŋ lad-lad ree sə dee ləm, yoo gə ɓee lə yoo lé d’un deḛ gə́ d’wəi keneŋ lad-lad ree sə dee ləm tɔ. Deḛ gaŋgta dɔ dee’g kára-kára lai gə goo néra dee.

Loo gə́ killa rea kəm Ja̰’g 20:14

Deḛ d’ɔm yoo gə loo lə njé gə́ d’wəi lé dan pər gə́ tad rəg-rəg. Pər gə́ tad rəg-rəg lé yee ɓa to yoo gə́ njekɔm’g joo lé.

Loo gə́ killa rea kəm Ja̰’g 21:4

Yeḛ a bɔr mán-no̰ kəm dee’g ləm, yoo a ɓar ri dee gogo el ləm, kəmndooyoo kara a godo ləm, no̰ yoo a godo ləma, meeko̰ kara a godo ləm tɔ mbata néje gə́ dɔtar lé sané pá mba̰.