1 Njé gə́ Kɔrḭtə 15:14 - Maktub gə́ To gə Kəmee

¹⁴ Ɓó lé Kristi teḛ dɔkumbwa’g el ndá mber kila lə sí lé to né gə́ gə mḭdé ba ləm, meekun lə sí kara to ne né gə́ gə mḭdé ba ləm tɔ.

1 Njé gə́ Kɔrḭtə 15:14 ပူးပေါင်းရင်းမြစ်များ

Gḭ-Néje 8:8

Tɔɓəi Noe wa dərnda ilá tar tɔ, aree unda loo teḛ raga mba koo see mán lé yi dɔ naŋg nee ŋga wa.

Pakɔsje 73:13

Togə́bè ɓa né gə́ m’ra mba kar məəm àr ne ŋgad-ŋgad lé M’ra kari ba ya ləm, Jimje gə́ m’togo m’riba ne dɔ ta gə́ wa dɔm el lé kara Tel to ne né gə́ gə mḭdé ba ya ləm tɔ.

Esai 49:4

Ndá ma m’pana: Ma lé m’ra kula kari ba ləm, M’sané siŋgam pi Asəna gə dəw gə́ aiŋgwɔd goo lel’g bèe ləm tɔ. Tɔgərɔ ya, né gə́ wɔji dɔm lé To rɔ Njesigənea̰’g ləm, Nékoga-dɔ-jim kara To rɔ Ala’g lé ləm ləm tɔ.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

1 Njé gə́ Kɔrḭtə 15:13

Ɓó lé dəwje gə́ d’wəi lé d’a teḛ dɔkumbwa’g el ndá Kristi kara teḛ dɔkumbwa’g el tɔ.

1 Njé gə́ Kɔrḭtə 15:17

Ɓó lé Kristi teḛ el ndá meekun lə sí to gə́ mḭdé ba ləm, seḭje naije dan kaiya’g lə sí ɓəi ləm tɔ.

1 Njé gə́ Kɔrḭtə 15:2

Ɓó lé seḭ undaje meḛ sí dɔ taree’g bururu to gə́ ma m’ndoo sí lé ndá mbɔl dəa ɓa seḭ a kajije ne ya. Ɓó lé bèe el ndá meekun lə sí a to né gə́ gə mḭdé ba ya.

Njé gə́ Galati 2:2

Ta gə́ kəm inja dɔ’g lé ɓa ma m’aw ne gə mbəa ya. Ma m’ɔr gin Tagə́maji gə́ ma m’ila mberee mbuna njépole-magəje’g m’ar dee d’oo ya nɛ m’ɔr ginee m’ar deḛ gə́ to gə́ njékɔrno̰ deeje loo gə́ d’isi gə kar dee ba gə mba kar ŋgwɔdkaḭ ləm gə́ m’aḭ lé a tel to né gə́ gə mḭdé ba el.

1 Njé gə́ Tesalonikə 4:14

Mbata ɓó lé j’ɔm meḛ sí dɔ kwəi gə́ Jeju wəi’g ləm, gə dɔ teḛ gə́ yeḛ unda loo teḛ dan njé gə́ d’wəi’g ləm tɔ ndá maji kar sí j’ɔm meḛ sí dɔ tel gə́ Ala a kar deḛ gə́ d’wəi gin Kristi’g lé d’a tel ree gə Jeju na̰’d tɔ.

Maktub gə́ Jak ula ne ar ngan-Allaje 1:26

Ɓó lé dəw gə́ rara ɓa, ə̰ji mée’g pana: Neḛ n’to dəw gə́ tədkag Ala, nɛ yeḛ ar təa to kwɔji el ndá yeḛ ər kəm rəa, kag Ala gə́ yeḛ pana: Neḛ təd lé to né gə́ sḭ ɓəi tɔ.

Maktub gə́ Jak ula ne ar ngan-Allaje 2:20

Ǝi, i dəw gə́ gə mḭdé ba lé see kəmi inja dɔ’g bərəŋ el ɓəi wa. Meekun gə́ lal ra née ndá to gə mḭdé ba tɔ.