1 Njé gə́ Kɔrḭtə 15:10 - Maktub gə́ To gə Kəmee

¹⁰ Nɛ noji lə Ala ɓa m’to ne dəw gə́ togə́bè, noji gə́ yeḛ wa səm lé tel to né gə́ gə mḭdé rɔm’g el. Ta gə́ kɔl ɓa nee: Ma m’ra kula m’unda deḛ lai ya, nɛ noji lə Ala gə́ to məəm’g ɓó to ma ɓa gə dɔrɔm el.

1 Njé gə́ Kɔrḭtə 15:10 ပူးပေါင်းရင်းမြစ်များ

Matiyo 10:20

Ta gə́ seḭ a gə kɔrje lé Ndil Bɔ síje ɓa a kar taree kinja na̰ meḛ sí’g budu-budu ya.

Matiyo 25:16

Léegəneeya kura ləa gə́ taa ŋgan larlɔr mi lé ɔd aw tel kəmee iŋga ne ŋgan larlɔr gə́ raŋg mi dɔ’g tɔ.

Njé gə́ Rɔmə 11:1

Bèe ndá ma m’pana: See Ala unda dəwje ləa ɓad wa. Wah! bèe el! Mbata ma nja kara m’to gə́ Israɛl ləm, m’to gə́ ŋgoka Abrakam ləma, m’to gə́ ginkoji lə Bḛjami ləm tɔ.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

1 Njé gə́ Kɔrḭtə 15:11

Bèe ndá lé ma əsé deḛ kara taree ɓa jeḛ j’ila ne mberee ləm, taree lé seḭ nja kara seḭ ɔmje ne meḛ sí dɔ’g ya ləm tɔ.

1 Njé gə́ Kɔrḭtə 15:2

Ɓó lé seḭ undaje meḛ sí dɔ taree’g bururu to gə́ ma m’ndoo sí lé ndá mbɔl dəa ɓa seḭ a kajije ne ya. Ɓó lé bèe el ndá meekun lə sí a to né gə́ gə mḭdé ba ya.

1 Njé gə́ Kɔrḭtə 3:10

Mbɔl dɔ noji gə́ Ala wa səm ɓa ma m’tum ne gin kəi asəna gə gɔŋgé-tum-gin-kəi ɓa dəw gə́ raŋg rɔd maree dɔ’g ɓəi. Nɛ maji kar nana kara tɔs kəmee dɔ kəi gə́ rɔd dɔ maree’g tar.

1 Njé gə́ Kɔrḭtə 3:6

Ma ɓa gə́ njedubu né ndá Apolɔs to gə́ njesaa mán dɔ’g tɔ, né Ala ɓa gə́ njekaree teḛ mbi gə teḛ boo.

1 Njé gə́ Kɔrḭtə 4:7

See na̰ ɓa ooi ɓəd wa. See to né gə́ aḭ ḭgai naŋg gə́ kiŋga el wa. Ɓó lé to né gə́ aḭ ḭgai naŋg gə́ kiŋga ndá see ban ɓa i ti ne rɔi unda ne ɗəŋgərə wa.

2 Njé gə́ Kɔrḭtə 12:11

Ma m’pa tapa dəw gə́ ndilee igee. Nɛ to seḭ nja gə́ ɔsmje ɓɔḭ-ɓɔḭ mba karm m’ra togə́bè. To ta lə sí gə mba pidim ya mbata ɓó lé ma m’to gə́ né el kara deḛ njékaḭkulaje gə́ to dəwje gə́ boo lé deḛ dum ma gə né kára kara el.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

2 Njé gə́ Kɔrḭtə 6:1

To gə́ jeḛ n’ra kula na̰’d gə Ala lé jeḛ ndəji sí mba kar noji lə Ala gə́ seḭ iŋgaje lé a teleeje gə́ né gə́ gə mḭdé ba el.

Njé gə́ Galati 2:8

mbata yeḛ gə́ ɔr Piɛrə undá gə́ njekaḭkula lə njékḭja tamɔd deeje lé yeḛ nja ɓa ɔrm-ma undam gə́ njekaḭkula lə njépole-magəje tɔ.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

Njé gə́ Pilibə 4:13

Mbɔl dɔ yeḛ gə́ orəm més lé lé riri kara m’askəm ra ya.

1 Njé gə́ Tesalonikə 5:12

Ŋgako̰ síje, jeḛ n’ra ndòo rɔ sí’g mba kar sí ilaje ŋgonkoji dɔ deḛ gə́ ra kula mbuna sí’g d’ɔr ne no̰ sí gin Mbaidɔmbaije’g, deḛ gə́ ndəji sí bər-bər lé.

1 Timote 4:10

Jeḛ j’oma̰ gə kula gə́ jeḛ n’raje lé mbata jeḛ j’unda meḛ sí yel gə́ dɔ Ala gə́ njesikəmba gə́ to njekaji dəwje lai nɛ to ka̰ deḛ gə́ d’ɔm meḛ dee dəa’g goo kára ba sur lé tɔ.