1 Njé gə́ Kɔrḭtə 14:34 - Maktub gə́ To gə Kəmee

³⁴ maji kar denéje d’isi gə ta dee mundu loo-kwa-dɔ-na̰’g lé mbata loo pata lə dee godo keneŋ. Maji kar dee d’oso kul to gə́ godndu lé pa tɔ.

1 Njé gə́ Kɔrḭtə 14:34 ပူးပေါင်းရင်းမြစ်များ

Gḭ-Néje 3:16

Yeḛ ula dené lé pana: M’a kila meeko̰ dɔ maree’g k’ari loo gə́ i a kaw gə kèm. M’a kar kèm ulai ndubu unda nje gə́ kédé ləm, Ndɔ koji ŋgon ləi kara ndóo a tooi yaa̰ ləm tɔ. Néndiŋga ləi a kḭ rɔ ŋgabije’g Nɛ yeḛ a to dəw dɔi ya tɔ.

1 Njé gə́ Kɔrḭtə 11:13

Maji kar sí ə̰jije meḛ sí’g ooje ɓa, see dené gə́ aar ra tamaji no̰ Ala’g lal kon dəa gə né lé see to né gə́ kəm ra wa.

1 Njé gə́ Kɔrḭtə 11:3

Nɛ lé bèe kara ma m’ndigi kar sí gərje gao to gə́ Kristi lé to dəw dɔ diŋgam gə́ rara kara ləm, ar diŋgam kara to dəw dɔ dené ləma, ar Ala to dəw dɔ Kristi ləm tɔ.

1 Njé gə́ Kɔrḭtə 11:5

Dené gə́ rara gə́ ra tamaji əsé ɔr goo ta lə Ala lal ko̰ dəa gə né ndá yeḛ ila ndɔl dɔ dəw dəa’g ləm, dəa lé kara to asəna kára ba gə ndisa gə́ yeḛ ndisa ŋgori-ŋgori ləm tɔ.

1 Njé gə́ Kɔrḭtə 14:21

To gə́ deḛ ndaŋg mee maktub godndu’g lé pana: Takɔji dəwje gə́ raŋg ləm, gə tapa njékwagirlooje ləm tɔ, Yee ɓa m’a pa ne ta kar dəwje neelé ya Nɛ lé riri kara d’a taa el. Mbaidɔmbaije ɓa pa bèe.

1 Njé gə́ Kɔrḭtə 14:35

Ɓó lé denéje ndigi koo ginta gə́ dəw kára pa gə́ d’oo ginee sur el lé ndá maji kar dee dəji ŋgaw deeje mee kəi’g, mbata kar dené pata togə́bè dan Eglisə’g ɓa to gə goo rəbee el.

Njé gə́ Epesə 5:33

Togə́bè ɓa, maji kar nana kara mbuna sí’g unda dené ləa dan kəmee’g to gə́ yeḛ ra ne gə darəa-yeḛ nja bèe ləm, dené kara maji karee tədkag ŋgabeeje tɔ.

Njé gə́ Kolosə 3:18

Denéje, osoje kul rɔ ŋgaw síje’g, yee ɓa gə́ nékəmra gin Mbaidɔmbaije’g ya.

Titə 2:5

mba kar dee məəm rɔ dee ləm, mba kar dee lɔm rɔ dee ləm, mba kar dee ra kəi lə dee bur-bur ləm, mba kar dee to gə́ njémeemajije ləma, gə mba kar dee d’oso kul rɔ ŋgaw deeje’g ləm tɔ. Togə́bè ɓa dəw kára kara a koo loo ɓar ne ta lə Ala el.