1 Njé gə́ Kɔrḭtə 14:32 - Maktub gə́ To gə Kəmee

³² Kankəm njéteggintaje lé d’ula dɔ dee no̰ njétegginta mar deeje’g.

1 Njé gə́ Kɔrḭtə 14:32 ပူးပေါင်းရင်းမြစ်များ

2 Mbaije 2:3

Ges njéteggintaje gə́ d’isi Betel lé teḛ d’aw rɔ Elije’g d’ulá pana: See i gər to gə́ ɓogənè Njesigənea̰ a gə kun ɓéije kaw səa el wa. Yeḛ tel ila dee keneŋ pana: M’gər ya, nɛ arje ta sí to mundu.

2 Mbaije 2:5

Ges njéteggintaje gə́ d’isi Jeriko lé teḛ d’aw rɔ Elije’g d’ulá pana: See i gər to gə́ ɓogənè Njesigənea̰ a gə kun ɓéije kaw səa el wa. Yeḛ ilá dee keneŋ pana: M’gər ya nɛ arje ta sí to mundu.

Jeremi 20:9

Ɓó lé m’pa məəm’g pana: M’a pata ləa el ŋga ləm, M’a pata ləa gə ria el ŋga ləm tɔ ndá Ta ləa o̰ məəm to gə́ pər bèe Mbuna siŋgarɔmje’g. Ma m’wa rɔm kɔgərɔ Gə mba kudee məəm’g nɛ lé godo.

Néra Njékaḭkulaje 13:1

Mee Eglisə gə́ Antiɔs lé njéteggintaje gə njéndoo né dəwje d’isi keneŋ, ri dee ɓa nee: Barnabas, gə Simeo̰ gə́ deḛ ɓaree Niger ləm, gə Lusius, dəw gə́ Sirèn’g ləm, gə Manahen gə́ d’odee gə Herɔdə gə́ to njeguburuɓee lé na̰’d ləma, gə Sool ləm tɔ.

1 Njé gə́ Kɔrḭtə 14:31

Mbata seḭ lai seḭ asjekəm kɔr ginta korèje ne goo na̰ goo na̰ gə mba kar dəwje lai d’a ndoo ne né ləm, d’a ndəji dee ne ləm tɔ.

1 Njé gə́ Kɔrḭtə 14:33

Tɔgərɔ ya, Ala lé to njekar néje d’aw na̰’d béréré-béréré ɓó to njekula ne na̰’d wɔr-wɔr el. To gə́ m’pa mee Eglisəje lai lé

2 Njé gə́ Tesalonikə 2:2

mba kar sí arje meḛ sí pélé wəs-wəs dɔ’g el ləm, arje kaar sí ndəb dɔ ta gə́ deḛ tar gə́ tar lé el ləm, əsé dɔ tapa’g, əsé maktub gə́ deḛ pana: Ḭ rɔ síjeḛ’g ɓa j’wɔji ne dɔ ndɔ ree lə Mbaidɔmbaije gə́ kàree teḛ mba̰ lé el ləm tɔ.

1 Ja̰ 4:1

Seḭ gə́ m’unda sí dan kəm’g lé ɔmje meḛ sí dɔ ndilje’g lai el, nɛ aḭje meḛ ndilje gə mba koo see d’ḭ rɔ Ala’g ya wa. Mbata njéteggintaje gə́ ŋgɔm bula d’unda loo teḛ mbuna dəwje’g dɔ naŋg nee.

Loo gə́ killa rea kəm Ja̰’g 22:6

Yeḛ ulam pana: Ta neelé to kankəmta gə́ a to njaŋg gə no̰. Mbaidɔmbaije Ala gə́ njekula ta meḛ njéteggintaje’g lé yeḛ nja ɓa ula kura ləa gə́ dara gə mba kar kuraje ləa gə́ dɔ naŋg nee d’oo néje gə́ nai lam ba d’a gə teḛ ɓəi lé