1 Njé gə́ Kɔrḭtə 14:23 - Maktub gə́ To gə Kəmee

²³ Ɓó lé njé gə́ Eglisə’g lai d’wa dɔ na̰ ar deḛ lai pa takɔji dəwje ɓəd-ɓəd d’ubu pur-pur ɓa dəwje gə́ na̰je gə́ d’un meḛ dee el lé d’andə mbuna dee’g lé ndá see d’a pana: Deḛ to gə́ mbəje, see d’a pa bèe el wa.

1 Njé gə́ Kɔrḭtə 14:23 ပူးပေါင်းရင်းမြစ်များ

Ojee 9:7

Ndɔje gə́ ka̰ kar bo̰ néra dee ɔs ta dee’g lé Teḛ mba̰ ləm, Ndɔje gə́ ka̰ kuga dɔ ji dee lé Teḛ mba̰ ləm tɔ. Israɛlje d’a koo kea̰ gao ya! Néra kori-korije lə sí gə kaltaje lə sí gə́ al dɔ loo sula lé ɓa Ar sí ooje ne njetegginta gə́ mbə-dəw ləm, Dəw gə́ ndil Ala dəb dəa’g lé Seḭ éeje ne gə́ dəw gə́ dəa tel wagəsa ləm tɔ.

Lugu 12:46

ndá mbai lə kura neelé a ree mee ndəa əsé gə kàree gə́ yeḛ si go̰ lé el ndá a kur dəa’g kundá gə ndəi gaŋg rəa təgərə-təgərə ləm, a karee si gə njékaltaje na̰’d ləm tɔ.

Tagə́maji gə́ Ja̰ ndang 10:20

Njé gə́ na̰je mbuna dee’g bula pana: Ndil gə́ yèr to mée’g ləm, kɔr rəa ləm tɔ. See ban ɓa seḭ tugaje mbi sí dɔ ta’g ləa wa.

Néra Njékaḭkulaje 2:13

Nɛ njé gə́ raŋg kogo dee pana: Kido gə́ mḭ ɓa rusu meḛ dee.

Néra Njékaḭkulaje 26:24

To gə́ yeḛ aar pata bèe-bèe gə mba taa ne rəa lé ndá Pestus pata wəl pana: Pool, kɔr oso dɔi’g! Boo-négərje ləi ɔm kɔr dɔi’g ya.

1 Njé gə́ Kɔrḭtə 11:18

Né gə́ dɔtar lé deḛ d’ulam d’am m’oo pana: Loo gə́ seḭ waje dɔ na̰ ndá seḭ ɔrje kəm na̰ gə mba tḭje ne na̰. Ta neelé m’tɔr kona ɓa m’taa.