1 Njé gə́ Kɔrḭtə 14:21 - Maktub gə́ To gə Kəmee

²¹ To gə́ deḛ ndaŋg mee maktub godndu’g lé pana: Takɔji dəwje gə́ raŋg ləm, gə tapa njékwagirlooje ləm tɔ, Yee ɓa m’a pa ne ta kar dəwje neelé ya Nɛ lé riri kara d’a taa el. Mbaidɔmbaije ɓa pa bèe.

1 Njé gə́ Kɔrḭtə 14:21 ပူးပေါင်းရင်းမြစ်များ

Jeremi 5:15

Aa ooje, m’a kar ginkoji dəwje D’ḭ loo gə́ əw’g ya ree Mba rɔ sə sí, seḭ gel-bɔje lə Israɛl, Njesigənea̰ ɓa pa bèe. To ginkoji dəwje gə́ to njésiŋgamoŋje ləm, To ginkoji dəwje gə́ ləw ləm, To ginkoji dəwje gə́ seḭ gərje takɔji dee el ləma, Dɔ ta gə́ deḛ pa kara Seḭ a gərje el ləm tɔ.

Tagə́maji gə́ Ja̰ ndang 10:34

Jeju ila dee’g pana: See ta neelé deḛ ndaŋg mee maktub godndu’g lə sí el wa. Ma m’pana: Seḭ toje gə́ gar-Alaje.

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

1 Njé gə́ Kɔrḭtə 14:34

maji kar denéje d’isi gə ta dee mundu loo-kwa-dɔ-na̰’g lé mbata loo pata lə dee godo keneŋ. Maji kar dee d’oso kul to gə́ godndu lé pa tɔ.

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,