1 Njé gə́ Kɔrḭtə 14:2 - Maktub gə́ To gə Kəmee

² Tɔgərɔ ya, dəw gə́ pa takɔji dəwje-dəwje gə́ ubu pur-pur lé yeḛ pata ar Ala ɓó ar dəwje el mbata dəw kára kara oo ginee el ləm, Ndil ɓa aree pata wɔji ne dɔ né gə́ to loo-kiya’g ɓəi ləm tɔ.

1 Njé gə́ Kɔrḭtə 14:2 ပူးပေါင်းရင်းမြစ်များ

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

Gḭ-Néje 42:23

Deḛ gər to gə́ Jisəb oo tapa dee el mbata Jisəb lé ar njetelta aar keneŋ tel ta ləa ula dee.

2 Mbaije 18:26

Eliakim, ŋgolə Hilkija, gə Sebna, gə Joa, d’ula Rabsake pana: Maji kari ula kuraje ləi ta gə ta lə Aramje ɓa mbata jeḛ n’gərje ya ɓó ula sí ta gə takɔji Judaje mba karee oso mbi koso-dəwje gə́ d’aar dɔ ndògo-bɔrɔ’g lé el.

Pakɔsje 78:2

M’teḛ tam m’pa ne gosotaje ləm, M’ila mber ta kəmkàr gə́ mee ndəaje gə́ ləw lé ləm tɔ.

Matiyo 13:11

Jeju tel ila dee keneŋ pana: Seḭ nja, d’ar kəm sí inja mba kar sí gərje ne ta lə ɓeeko̰ gə́ dara gə́ to loo-kiya’g ɓəi, deḛ lé d’ar kəm dee inja dɔ’g el ɓəi.

Mark 16:17

Aa ooje, némɔrije gə́ a korè rəw gə deḛ gə́ d’a kɔm meḛ dee dɔ’g lé ɓa nee: Mbɔl dɔ rim ɓa d’a tuba ne ndilje gə́ yèr ləm, d’a pa ne tapa dəwje gə́ ɓəd-ɓəd ləma,

Mark 4:11

Yeḛ ula dee pana: Seḭ nja Ala ar kəm sí inja gə mba kar sí gərje ne ta lə ɓeeko̰ lə Ala gə́ to loo-kiya’g ɓəi, nɛ deḛ gə́ raŋg lé d’oo taje lai gə gosotaje ba.

Néra Njékaḭkulaje 10:46

Mbata deḛ d’oo dee to gə́ d’aar d’ubu ta pur-pur gə ta koji dəwje gə́ ɓəd-ɓəd d’ula ne rɔnduba dɔ Ala’g lé.

Néra Njékaḭkulaje 19:6

Pool ila jia dɔ dee’g ndá Ndilmeenda ree ɔm dɔ dee’g ar dee d’ubu ta pur-pur gə takɔji dəwje gə́ raŋg teg ne gintaje.

Néra Njékaḭkulaje 22:9

Deḛ gə́ d’aar səm lé d’oo loo gə́ ndogó lé ya, nɛ ndu dəw gə́ njepata neelé ɓa oso mbi dee’g el.

Njé gə́ Rɔmə 16:25

Yeḛ gə́ askəm ma̰a gɔl sí naŋg gə goo Tagə́maji’g ləm gə ta lə Jeju Kristi gə́ m’ila mberee lé gə́ aw na̰’d kára ba gə tandər gə́ deḛ riba dəa nɛ to loo-kiya’g kédé gə́ dɔtar saar lé

1 Njé gə́ Kɔrḭtə 12:10

Ndil neelé ɓa ar dəw kára siŋga gə mba ra ne némɔrije ləm, ar dəw gə́ raŋg to ne njetegginta ləm, ar dəw gə́ raŋg oo ne ndaa ndilje ɓəd-ɓəd unda dee ne gə kəmee-kəmee ləm, ar dəw pata gə takɔji dəwje gə́ raŋg ɓəd-ɓəd ləma, gə ar dəw gə́ raŋg to ne njekɔr ne gin takɔjije lé ləm tɔ.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 13:1

Ɓó lé m’pa tapa dəwje gə́ naŋg nee əsé njé gə́ dara nɛ meenoji godo məəm’g ndá ma m’to asəna gə ma̰də gə́ ɓar bərəŋ-bərəŋ əsé lar gə́ kas gə́ ɓar kèŋ-kèŋ tɔ.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

1 Njé gə́ Kɔrḭtə 14:16

Tɔgərɔ ya, ɓó lé i ra Ala oiyo gə ndili ndá see deḛ gə́ d’isi gə mba koo ta lé see d’a koo loo ndigi ta ləi gə Amen loo gə́ ra’g wa. Mbata deḛ gər ta gə́ i pa lé el.

1 Njé gə́ Kɔrḭtə 14:26

Ŋgakɔmje, see ta ɗi tɔɓəi ɓa j’a pa wa. Loo gə́ seḭ waje dɔ na̰, ɓó lé dəw kára mbuna sí’g un pa gə mba kɔs ləm, əsé dəwje gə́ raŋg d’un ta gə mba ndoo sí ləm, əsé gə mba riba dɔ ta gə́ kəm dee inja dɔ’g ləm, əsé gə mba pa takɔji dəwje-dəwje kubu pur-pur ləma, əsé gə mba kɔr ginee kar sí ləm tɔ ndá maji kar dee ra néje lai neelé mba kar siŋga Eglisə ḭ ne dɔ maree’g ya.

1 Njé gə́ Kɔrḭtə 15:51

Aa ooje, ma m’ria sə sí dɔ né gə́ to loo-kiya’g gə́ raga: j’a kwəi lai el, nɛ j’a kun rɔ sí gə́ ləw mbél ne yeḛ gə́ sigi

1 Njé gə́ Kɔrḭtə 2:10

Ndil ɓa Ala ar kəm sí inja ne dɔ néje’g neelé. Mbata Ndil neelé teg néje lai wɔgədɔ-wɔgədɔ, meekuru lə Ala gə́ suna godo nja kara yeḛ teg ləm tɔ.

1 Njé gə́ Kɔrḭtə 2:7

Kəmkàr lə Ala gə́ to loo-kiya’g kɔrɔg ɓa jeḛ ndoo sí. Kəmkàr neelé Ala nja wɔji kédé par-par ɓad ɓa d’un kudu tura ləb dee ɓəi gə mba kula ne rɔnduba dɔ sí’g ya.

Njé gə́ Epesə 6:19

Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé,

Tel tura Godndu 28:49

Njesigənea̰ a kar ginkoji dəwje gə́ d’isi gwɔi naŋg’d əw ya d’ḭ ree rɔ sə sí, to ginkoji dəwje gə́ d’a ree kalaŋ to gə́ niŋgatə̰də gə́ nar bèe, to ginkoji dəwje gə́ seḭ a gərje ta lə dee el ləm,

Njé gə́ Kolosə 2:2

mba kar meḛ dee a koso ne naŋg po̰ ləm, mba kar meenoji a kɔm dee na̰’d sad ləma, mba kar kəmkàr a rusu ne meḛ dee njḭ-njḭ kar kəm dee inja ne dɔ ta lə Ala gə́ wɔji dɔ Kristi gə́ to gə ndəree ləm tɔ.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

1 Timote 3:9

Maji kar dee d’wa goo ta meekun gə́ to loo-kiya’g gə mee kára ba bərəŋ tɔ.

Loo gə́ killa rea kəm Ja̰’g 10:7

Nɛ mee ndəa gə́ ndu kura gə́ dara gə́ njekɔm dee’g siri a ɓar lé ndɔ gə́ yeḛ a kim to̰to̰ ləa ndá ta lə Ala gə́ to gə ndəree lé a teḛ gə́ raga gə goo ta gə́ yeḛ ula kuraje ləa gə́ njéteggintaje lé.