1 Njé gə́ Kɔrḭtə 14:16 - Maktub gə́ To gə Kəmee

¹⁶ Tɔgərɔ ya, ɓó lé i ra Ala oiyo gə ndili ndá see deḛ gə́ d’isi gə mba koo ta lé see d’a koo loo ndigi ta ləi gə Amen loo gə́ ra’g wa. Mbata deḛ gər ta gə́ i pa lé el.

1 Njé gə́ Kɔrḭtə 14:16 ပူးပေါင်းရင်းမြစ်များ

1 Mbaije 1:36

Benaja, ŋgolə Jeojoda tel ila mbai’g pana: Maji karee to togə́bè ya. Njesigənea̰, Ala lə mbai ləm pa togə́bè ya.

1 Sôrta Gḭka-Israɛlje 16:36

Maji kar dɔ ri Njesigənea̰, Ala lə Israɛlje ai səgərə Gə ləbee-ləbee saar-saar gə no̰! Maji kar koso-dəwje lai pana: Bèe ya! Pidije Njesigənea̰ ya!

Nehemi 5:13

Gée gə́ gogo m’sugu kubu ləm gə́ boi yul lé bugu-bugu m’pana: Dəw gə́ rara gə́ aa dɔ ta nee lé el ndá maji kar Ala sugee mee kəi’g ləa əsé dan némajije’g ləa ilá togə́bè tɔ. Bèe ɓa dəw neelé d’a sugee sugu-sugu kyá̰ kari ba tɔ. Koso-dəwje lai pana: Bèe ya. Deḛ d’ila riɓar dɔ Njesigənea̰’g. Ndá koso-dəwje d’ila koji dɔ ta’g neelé ya.

Nehemi 8:6

Esdras ɔs gaji Njesigənea̰, Ala gə́ boo lé ndá koso-dəwje lai d’ilá keneŋ d’odo ne ji deḛ gə́ tar pana: Bèe ya. Bèe ya. Tɔɓəi deḛ d’ula dɔ dee d’unda barmba dəb kəm dee naŋg no̰ Njesigənea̰’g.

Pakɔsje 106:48

Maji kar dɔkaisəgərə nai gə Njesigənea̰, Ala lə Israɛlje lé Gə ləbee-ləbee saar-saar gə no̰. Maji kar koso-dəwje lai lé pata pana: Bèe ya! Pidije Njesigənea̰!

Pakɔsje 41:13

I gədm mbata i oo néram gə́ to gə goo rəbee, Yee ɓa i undam ne nɔḭ’g ta-ta ya.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 89:52

Ǝi Njesigənea̰, ar məəi olé dɔ boo-nérɔkulje’g lə njéba̰je ləi ləm, Dɔ boo-rɔkulje’g lə deḛ gə́ d’ila dɔ yeḛ gə́ i wa dəa gə ubu lé ləm tɔ.

Jeremi 11:5

Tɔɓəi n’a kar manrɔ gə́ neḛ man n’ar bɔ síje-je gə mba kar dee ne ɓee gə́ mbà gə ubu tə̰ji to keneŋ yaa̰ lé aw ne lée’g béréré ɓəi, to gə́ seḭ ooje ne ɓogənè lé tɔ. Ndá m’ila keneŋ m’pana: Maji karee to bèe ya, Njesigənea̰!

Jeremi 28:6

Maji karee to togə́bè ya. Maji kar Njesigənea̰ ra togə́bè ya! Maji kar Njesigənea̰ ar taje gə́ i tegginee lé aw lée’g béréré ləm, maji karee ar nékulaje gə́ mee kəi’g lə Njesigənea̰ gə koso-dəwje lai gə́ d’aw sə dee ɓee-ɓər’g lé d’ḭ Babilɔn tel ree lée’g nee ləm tɔ.

Bula lə Israɛlje 5:22

Maji kar mán gə́ njekar ndɔl wa dɔ dəw neelé andə məəi’g gə mba kar məəi ti njiriri ləm, kar bəgəri tɔ kɔrəm ləm tɔ. Ndá dené neelé a pa pana: Maji karee to bèe ya! Maji karee to bèe ya!

Matiyo 15:36

Tɔɓəi yeḛ taa pil muru gə́ siri lé gə ka̰jije lé tɔ. Loo gə́ yeḛ ra Ala oiyo mba̰ ndá yeḛ wa təd dana ar njékwakiláje gə mba kar dee kai boo-dəwje lé.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Mark 16:20

Deḛ d’ḭ d’aw gə loo lai d’ila mber tagə́maji lé ya. Mbaidɔmbaije orè dee més loo kula ra dee’g ya ndá yeḛ ar dee ra némɔrije d’orè ne kaar ta ləa gə́ deḛ d’ɔr lé aree to gə́ kankəmta ya.

Tagə́maji gə́ Ja̰ ndang 21:25

Jeju lé ra néje gə́ raŋg bula yaa̰ ɓəi, ɓó lé néje neelé deḛ ndaŋg taree goo na̰ goo na̰ mee maktub’g lé ndá məəm ndaji ta pana: Maktubeeje lai gə́ d’a ndaŋg lé loo gə́ dɔ naŋg nee bura kara a kas mba kɔm dee keneŋ lé godo.

Tagə́maji gə́ Ja̰ ndang 7:15

Kaar Jibje wa dee paḭ ar dee pana: See loo gə́ ra ɓa dəw neelé gər maktub gə́ to gə kəmee yaa̰ bèe keneŋ wa. Mbata yeḛ aw loo-ndoo-né’g ndɔ kára el.

Néra Njékaḭkulaje 4:13

Loo gə́ deḛ d’oo Piɛrə gə Ja̰ pata gə́ gəd ya ndá kaar dee-deḛ dəwje neelé wa dee paḭ mbata deḛ d’oo dee gə́ dəwje gə́ mḭdé ba gə́ d’aw loo-ndoo-né’g el, nɛ deḛ tel gər dee gə́ njéboalookawje lə Jeju tɔ.

1 Njé gə́ Kɔrḭtə 11:24

tɔɓəi loo gə́ yeḛ ra Ala lé oiyo ndá yeḛ wa gaji dana ɓəi pana: Yee gə́ nee to gə́ darɔm gə́ m’ya̰ m’ar sí. Raje togə́bè gə mba kar meḛ sí olé ne dɔm’g.

1 Njé gə́ Kɔrḭtə 14:14

Mbata ɓó lé m’ra tamaji lé m’pata koji dəwje-dəwje m’ubu pur-pur ndá ndiləm ɓa ra tamaji ya nɛ dɔm to̰ keneŋ kəw el.

1 Njé gə́ Kɔrḭtə 14:2

Tɔgərɔ ya, dəw gə́ pa takɔji dəwje-dəwje gə́ ubu pur-pur lé yeḛ pata ar Ala ɓó ar dəwje el mbata dəw kára kara oo ginee el ləm, Ndil ɓa aree pata wɔji ne dɔ né gə́ to loo-kiya’g ɓəi ləm tɔ.

1 Njé gə́ Kɔrḭtə 16:24

Seḭ lai gə́ ɔmje na̰’d gə Jeju Kristi lé m’unda sí dan kəm’g ya. Bèe ya!

2 Njé gə́ Kɔrḭtə 1:20

Mbata ndukunje lə Ala lai lé to ne njaŋg tɔ. Gelee gə́ nee ɓa jeḛ m’pa gə ria-yeḛ m’pana: Amen, j’ula ne rɔnduba dɔ Ala’g lé.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.

Loo gə́ killa rea kəm Ja̰’g 5:14

Nékundaje lə Ala gə́ sɔ gə́ d’aw kəmba lé pana: Amen! Ndá ŋgatɔgje lé d’unda barmba d’ula dɔ dee naŋg d’wa ŋgon badə lé meḛ dee’g sudu.

Loo gə́ killa rea kəm Ja̰’g 7:12

pana: Amen! maji kar pa pidi ləm, gə rɔnduba ləm, gə kəmkàr ləm, gə ta ra oiyo ləm, gə riɓar ləm, gə siŋgamoŋ ləma, gə dɔmoŋ ləm tɔ lé d’ula dɔ Ala lə sí gə ləbee-ləbee saar-saar gə no̰. Amen!