1 Njé gə́ Kɔrḭtə 13:9 - Maktub gə́ To gə Kəmee

⁹ Mbata gosonégər lé jeḛ n’gər gə́ gesee ba ləm, ta gə́ jeḛ n’tegginee kara jeḛ j’oo gə́ gesee ba ləm tɔ.

1 Njé gə́ Kɔrḭtə 13:9 ပူးပေါင်းရင်းမြစ်များ

Maktub gə́ wɔji dɔ Jɔb 26:14

Yee nee ɓa gə́ ŋgaŋ kula reaje, To gə́ kaa né gə́ ɓar lam-lam oso mbi sí’g, Nɛ see na̰ ɓa a koo ndaŋg lə siŋgamoŋ ləa gə́ ɓar paḭ-paḭ lé wa.

Pakɔsje 139:6

Gosɔnégər gə́ maji dum gə́ togə́bè lé al dɔm sula, Dum dɔm ɓó m’askəm gər ginee el.

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Gosota-Kəmkàrje 30:4

See na̰ ɓa ḭ aw dara ɓa tel ree naŋg nee wa. See na̰ ɓa wa lel meḛ jia’g wa. See na̰ ɓa tɔ mán gə kubu ləa wa. See na̰ ɓa ar ŋgaŋ rudu naŋg nee to wa. See ria ban wa. See ri ŋgonee ban wa. See i gər ya wa.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Njé gə́ Rɔmə 11:34

See na̰ ɓa gə́ njegər takə̰ji lə Mbaidɔmbaije wa. Esé see na̰ ɓa gə́ njekwɔjee loo ra né wa.

1 Njé gə́ Kɔrḭtə 13:10

Loo gə́ né gə́ maji ɔr njoroŋ lé a teḛ ndá né gə́ maji puduru neelé a kɔs bo̰-bo̰.

1 Njé gə́ Kɔrḭtə 13:12

Ɓogənè lé jeḛ j’oo loo puduru asəna gə dəw gə́ oo kəmee tatara’g ɓəi, nɛ ndɔ gə́ raŋg j’a koo loo njai-njai ya. Ɓogənè ma m’gər né m’aw dɔ’g puduru-puduru, nɛ ndɔ gə́ raŋg ndá m’a gər né təsərə to gə́ deḛ gərm ma lé tɔ.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

1 Njé gə́ Kɔrḭtə 8:2

Ɓó lé dəw kára pidi rəa pana: Né neelé neḛ n’gər kəmee maji ndá né gə́ kəm gər lé yeḛ gər ginee njai el ɓəi.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.