1 Njé gə́ Kɔrḭtə 13:3 - Maktub gə́ To gə Kəmee

³ Ɓó lé m’kai nékiŋgaje ləm lai m’ar njéndooje d’usɔ əsé m’ya̰ rɔm yag m’ar dee roo, nɛ meenoji godo məəm’g ndá m’a teḛ ne dəw el.

1 Njé gə́ Kɔrḭtə 13:3 ပူးပေါင်းရင်းမြစ်များ

Esai 57:12

M’a gə kila mber néra sí gə́ gə dɔ najee Ndá kula ra síje lé A kiŋgaje ne né kára kara keneŋ el.

Jeremi 7:8

Nɛ seḭ undaje meḛ sí yel gə́ dɔ ta sukəmlooje gə́ as ra né kára kara el.

Matiyo 23:5

Deḛ ra né gə mba kəm dəwje ba. Yee gə́ bèe ɓa deḛ ndaŋg ji kubuje lə dee d’aree tad bəgə-bəgə ləm, deḛ tɔs kula ta kubuje’g d’aree ŋgal yao-yao ləm tɔ.

Lugu 18:22

Loo gə́ Jeju oo ta ləa togə́bè ndá yeḛ ulá pana: I lal ra né kára ɓəi. Ɔd aw ndogo néje ləi, ya̰ laree kai njéndooje, ɓa i a kiŋga nébao ləi lé mee ɓee gə́ dara ɓəi. Tɔɓəi ɔd ree goom’g tɔ.

Lugu 18:28

Yen ŋga Piɛrə un ta ulá pana: Aa oo, jeḛ ɓa yḛ̀ j’uba néje lə sí lai j’ya̰ j’un rəw gooi’g ya.

Lugu 19:8

Jasee aar no̰ Mbaidɔmbaije’g ulá pana: Mbaidɔmbaije, aa oo, nékiŋgamje lé m’unda mée dana loo joo m’un loo kára m’ar njéndooje, ɓó lé m’tuji né lə dəw ndá m’a karee maree toree’g sɔ ya tɔ.

Tagə́maji gə́ Ja̰ ndang 12:43

Rɔnduba gə́ ḭ rɔ dəwje’g ɓa deḛ ndigi unda rɔnduba gə́ ḭ rɔ Ala’g lé.

Tagə́maji gə́ Ja̰ ndang 13:37

Piɛrə tel dəjee pana: See m’a kila gɔlm gooi’g ɓasinè el gə mba ɗi wa. M’a kya̰ rɔm kar yoo gə mbata ləi ya.

Tagə́maji gə́ Ja̰ ndang 15:13

Kila rəa da mbata baokuraje ləa lé meenoji gə́ togə́bè lé garee godo.

Tagə́maji gə́ Ja̰ ndang 6:63

Ndil ɓa gə́ njekula kəmə meḛ dəwje’g ɓó dakasrɔ lé askəm ra né el. Taje gə́ ma m’ula sí lé to ta gə́ ka̰ ndil lé ləm, gə ka̰ kəmə lé ləm tɔ.

Néra Njékaḭkulaje 21:13

Yen ŋga Pool tel ila dee keneŋ pana: See ban ɓa seḭ no̰je arje ɓəŋgərəm a gə ti ne dus nee wa. Lée kwa əsé kwəi Jerusalem’g kara m’isi dɔ gɔlm’g kəgəgə gə mba kaw keneŋ mbata lə ri Mbaidɔmbaije Jeju Kristi lé ya.

Njé gə́ Galati 5:26

Maji kar sí n’saŋgje riɓar gə́ to gə mḭdé ba narje ne na̰ loo keneŋ el ləm, gə n’raje kəmkəḭ dɔ na̰’d keneŋ el ləm tɔ.

Njé gə́ Pilibə 2:3

Raje né kára kara mbata ba̰ ta gə́ wa meḛ sí el ləm, əsé gə mba kunda ne rɔ sí kəm dəwje’g el ləm tɔ nɛ maji kar sí osoje kul tədje ne kag na̰.

1 Timote 4:8

Kwa Ala məəi’g gə goo rəbee lé ɓa maji kari aar keneŋ jigiri, mbata ndɔji ŋgira rɔi lé to gə́ né ya, nɛ maji ɔr njal el, kwa Ala məəi’g gə goo rəbee gə́ i aar keneŋ jigiri ra lé maji ɔr njal ya. Yee ɓa wɔji dɔ kəmə gə́ j’isi ne kəmba ɓasinè ləm, gə yeḛ gə́ a gə teḛ ləm tɔ.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.