1 Njé gə́ Kɔrḭtə 12:3 - Maktub gə́ To gə Kəmee

³ Gelee gə́ nee ɓa, ma m’ula sí təsərə ya, dəw gə́ rara gə́ Ndil Ala a karee pata lé a pa pana: Maji kar dɔ Jeju udu guduru lé a pa bèe godo. Dəw gə́ rara gə́ pana: Jeju to Mbaidɔmbaije lé ɓó lé Ndil Ala ula njea lé el ndá yeḛ askəm pa bèe el tɔ.

1 Njé gə́ Kɔrḭtə 12:3 ပူးပေါင်းရင်းမြစ်များ

Pakɔsje 109:20

Maji kar né neelé ɓa to né gə́ Njesigənea̰ ɓa a kuga ne dɔ ji njéba̰je ləm Deḛ gə́ pata meeyèr d’wɔji ne dɔm lé tɔ.

Matiyo 22:43

Jeju tel dəji dee pana: Bèe ŋga see ban ɓəi ɓa Dabid ɓaree Mbaidɔmbaije loo gə́ Ndil ula ta mée’g aree pana:

Mark 9:39

Jeju tel ilá keneŋ pana: Maji kar sí ɔgeeje dɔ nérea’g lé el, mbata dəw gə́ rara ɓa ra né némɔri gə rim ndá yeḛ a kaskəm kḭ gə́ lée’g ɓar rim yèr bèe el.

Tagə́maji gə́ Ja̰ ndang 13:13

Seḭ ɓarmje Mbai ləm, gə Mbaidɔmbaije ləm tɔ, seḭ ɓarmje lée’g ya mbata ma m’to yeḛ lé nja tɔ.

Tagə́maji gə́ Ja̰ ndang 13:14

Ɓó lé ma gə́ m’to Mbai lə sí ləm, gə Mbaidɔmbaije ləm tɔ ɓa ma m’togo gɔl sí lé ndá maji kar sí-seḭ kara togoje gɔl na̰ togə́bè tɔ.

Tagə́maji gə́ Ja̰ ndang 15:26

Loo gə́ njenai sə sí gə́ to Ndil gə́ gəd gə́ m’a kulá karee ḭ rɔ Bɔ-dəwje’g ree lé ndá yeḛ ɓa a to njekɔrgoota ləm gə́ maji ya.

Néra Njékaḭkulaje 8:37

Pilibə ilá keneŋ pana: Ɓó lé i ɔm məəi dɔ’g jəb-jəb ndá né gə́ njekɔgi godo. Njekuji tel ulá pana: Ma m’ɔm məəm dɔ’g jəb-jəb to gə́ Jeju Kristi to Ŋgon-Ala ya.

Njé gə́ Rɔmə 10:9

Ɓó lé tai teḛ ari unda ne no̰ Mbaidɔmbaije ləm, gə teḛ gə́ Ala teḛ səa dan njé gə́ d’wəi’g lé i taa gə məəi ndá i a kaji ne ya.

Njé gə́ Rɔmə 9:3

Ma m’ndigi kar dɔm udu ləm, ma m’ndigi kar Kristi ya̰’m gə no̰ ləm tɔ gə mba ŋgakɔmje gə njénojije ləm gə́ gin darɔ’g,

1 Njé gə́ Kɔrḭtə 16:22

Nana ɓa gə́ ndigi Mbaidɔmbaije gə meekɔr jol-jol el ndá maji kar ndɔl nai dəa’g ya. Mbaidɔmbaije si ree!

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

2 Njé gə́ Kɔrḭtə 11:4

Ɓó lé dəw ree ila mber ta lə Jeju gə́ raŋg ar sí ɓó yeḛ gə́ jeḛ nja j’ila mber ta ləa j’ar sí lé el ləm, əsé ɓó lé seḭ taaje Ndil gə́ raŋg ɓó yeḛ gə́ seḭ taaje mba̰ lé el ləma, əsé d’ula sí Tagə́maji gə́ raŋg ɓó yeḛ gə́ seḭ ɔmje meḛ sí dɔ’g lé el ləm tɔ ndá seḭ a ndigije səa ya.

2 Njé gə́ Kɔrḭtə 3:5

Jeḛ lé j’askəm kwɔji né kára kara gə dɔrɔ sí el nɛ né gə́ rara gə́ to rɔ sí’g lé ḭ rɔ Ala’g ya.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Tel tura Godndu 21:23

a nai kaar kag’d loondul’g saar kar loo àr dɔ’g el, nɛ seḭ a dubeeje mee ndəa gən ya mbata yeḛ gə́ deḛ ɗaree lé to né gə́ ndɔl wa dəa kəm Njesigənea̰’g ndá maji kar sí arje ɓee gə́ Ala lə sí gə́ Njesigənea̰ ar sí gə́ nédɔji lə sí lé tel to gə́ né gə́ mina̰ el.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,