1 Njé gə́ Kɔrḭtə 12:28 - Maktub gə́ To gə Kəmee

²⁸ Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 12:28 ပူးပေါင်းရင်းမြစ်များ

Bula lə Israɛlje 11:17

M’a ree kwɔji səi ta lée’g neelé ndá m’a kai ndil gə́ to dɔi’g lé kɔm dɔ dee-deḛ’g to mba kar dee taa ne səi nékodo gə́ wɔi gə́ to koso-dəwje lé to ɓó kari-i ɓa odo dee gə kari ba el ŋga.

Mark 16:17

Aa ooje, némɔrije gə́ a korè rəw gə deḛ gə́ d’a kɔm meḛ dee dɔ’g lé ɓa nee: Mbɔl dɔ rim ɓa d’a tuba ne ndilje gə́ yèr ləm, d’a pa ne tapa dəwje gə́ ɓəd-ɓəd ləma,

Lugu 6:14

Simo̰ gə́ yeḛ unda ria lə Piɛrə gə ŋgokea̰ Andre, gə Jak gə Ja̰ gə Pilibə gə Bartelemi

Néra Njékaḭkulaje 11:27

Mee ləb’g neelé njéteggintaje d’ḭ Jerusalem ree Antiɔs.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

1 Njé gə́ Kɔrḭtə 12:18

Ɓasinè Ala nja unda barkəmrɔ dəwje kára-kára lai gə lée-lée gə goo rəbee gə́ maji gə́ yeḛ wɔji mée’g.

1 Njé gə́ Kɔrḭtə 12:29

See deḛ to njékaḭkulaje ya bura wa. See deḛ to gə́ njéteggintaje ya bura wa. See to gə́ njḛ́gɔ-négərje ya bura wa. See deḛ lai d’askəm ra némɔrije ya bura wa.

1 Njé gə́ Kɔrḭtə 12:30

See deḛ lai d’iŋga nénoji gə mba kida ne rɔko̰ rɔ dəwje’g ya bura wa. See deḛ lai d’askəm pa takɔji dəwje gə́ ɓəd-ɓəd wa. See deḛ lai d’askəm kɔr ginta gə takɔji dəwje-dəwje wa.

1 Njé gə́ Kɔrḭtə 14:2

Tɔgərɔ ya, dəw gə́ pa takɔji dəwje-dəwje gə́ ubu pur-pur lé yeḛ pata ar Ala ɓó ar dəwje el mbata dəw kára kara oo ginee el ləm, Ndil ɓa aree pata wɔji ne dɔ né gə́ to loo-kiya’g ɓəi ləm tɔ.

1 Njé gə́ Kɔrḭtə 14:4

Yeḛ gə́ pa takɔji dəwje-dəwje ubu pur-pur lé pa un ne rəa-yeḛ nja ar siŋgá ḭ ne dɔ maree’g nɛ yeḛ gə́ tegginta lé ɔr ta ar siŋga Eglisə ḭ dɔ maree’g tɔ.

1 Njé gə́ Kɔrḭtə 14:5

Ma m’ndigi kar sí-seḭ lai paje takɔji dəwje-dəwje ubuje pur-pur ya nɛ tegginta ɓa ma m’ndigi unda kubu ta pur-pur. Ɓó lé dəw pata koji dəwje ubu pur-pur ɓa ria dəa ndəgəsə ar Eglisə ŋgəŋ ne el ndá njetegginta ɓa uru dəa’g.

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

Njé gə́ Epesə 3:5

Né gə́ to loo-kiya’g neelé dəw riba dəa ar ginka dəwje gə́ ləw d’oo el ɓəi. Nɛ ɓasinè lé Ndil ɓa riba dəa wagəsa ar njékaḭkulaje gə njéteggintaje gə́ to njémeendaje ləa.

1 Timote 5:17

Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Ǝbrəje 13:24

Raje njekɔrno̰ síje lapia amje ləm, raje deḛ gə́ to gə kəmee lai lapia amje ləm tɔ. Deḛ gə́ d’isi Itali lé pana: M’ra sí lapia m’ar neḛje tɔ.