1 Njé gə́ Kɔrḭtə 12:26 - Maktub gə́ To gə Kəmee

²⁶ Ɓó lé né ra barkəmrɔ dəw gə́ kára ndá barkəmreaje lai lé rɔ dee adə dee mbag-mbag. Ɓó lé barkəmrɔ dəw gə́ kára nduba rəa ndá barkəmreaje lai nduba rɔ dee səa na̰’d bura tɔ.

1 Njé gə́ Kɔrḭtə 12:26 ပူးပေါင်းရင်းမြစ်များ

Matiyo 3:15

Jeju tel ilá keneŋ pana: Ya̰ am m’ra togə́bè ya mba kar sí n’tɔl ne ta né gə́ to gə dɔ najee lé bém. Yen ŋga Ja̰ yá̰ aree rəa togə́bè ya.

Matiyo 5:29

Ɓó lé kəmi gə́ dɔkɔl a gə kɔdi loo-kaiya’g ndá ɔs wɔgədɔ ɔr unda piriŋ ilá kɔ mbata kar dəb rɔi tuji kára, maji yaa̰ unda kar dee d’uri gehene’g tuma̰ gə kubururɔi bura.

Njé gə́ Rɔmə 12:15

Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

1 Njé gə́ Kɔrḭtə 12:25

Bèe ɓa mba kar ta tḭ-na̰ oso mbuna dee’g el nɛ deḛ kul gə na̰ yururu.

1 Njé gə́ Kɔrḭtə 12:27

Seḭ lé toje kagrɔ Kristi ləm, seḭje lai toje barkəmreaje gə́ ɓəd-ɓəd gə́ raje kula gə́ wɔji dɔ sí dɔ sí ya ləm tɔ.

Njé gə́ Galati 6:2

Taaje nékodo gə́ wɔi dɔ na̰’g, bèe ɓa seḭ a kunje ne godndu Kristi lé lad ya.

Ǝbrəje 13:3

Arje meḛ sí olé dɔ daŋgaije’g, to gə́ lə seḭje kara seḭ sije sə dee daŋgai’g bèe tɔ. Arje meḛ sí olé dɔ deḛ gə́ mar deeje d’ula kəm dee ndòo to gə́ seḭje kara d’ula kəm sí ndòo bèe tɔ.

1 Piɛrə 3:8

Tɔɓəi seḭje lai lé ɔmje meḛ sí na̰’d sad ləm, ooje kəmtondoo lə na̰ ləm, waje na̰ gə́ rɔ na̰’d wɔjije ne kag noji ləm, arje meḛ sí oso lemsé dɔ na̰’g ləma, kulje gə na̰ yururu ləm tɔ.