1 Njé gə́ Kɔrḭtə 12:2 - Maktub gə́ To gə Kəmee

² Seḭ gərje gao, loo gə́ seḭ naije gə́ njépole-magəje ɓəi lé ndá seḭ ya̰je loo ar dee ndɔr sí d’ɔm sí rɔ magəje gə́ ta mundu’g lé.

1 Njé gə́ Kɔrḭtə 12:2 ပူးပေါင်းရင်းမြစ်များ

Pakɔsje 115:5

Ta dee to keneŋ ya Nɛ deḛ pa ne ta el ləm, Kəm dee to keneŋ ya Nɛ deḛ d’oo ne loo el ya ləm,

Pakɔsje 115:7

Ji dee to keneŋ ya Nɛ d’ɔrɔ ne rɔ né el ləm, Gɔl dee to keneŋ ya Nɛ deḛ njaa ne el ləma, Ndu dee gə́ kèŋ bèe ya kara Ɓar ar dəw oo el ləm tɔ.

Pakɔsje 135:16

Ta dee to keneŋ ya Nɛ dee pa ne ta el ləm, Kəm dee to keneŋ ya Nɛ d’oo ne loo el ləm,

Esai 46:7

Deḛ d’unee d’unda dɔ tam dee’g ləm, D’aw d’uree loo-kaaree’g d’aree to keneŋ ləm tɔ. Yee ɔd aw raŋg el, Deḛ ra né wəl gə́ rəa’g Nɛ yee ila dee keneŋ el ləm, Yee aji dəw dan néurti’g ləa el ləm tɔ.

Jeremi 10:5

Dee magəje neelé to d’asəna Gə jigi-kag gə́ aar ndiu lal pata, Dəwje d’odo dee Mbata deḛ d’askəm njaa el. Maji kar sí ɓəl deeje el Mbata deḛ d’askəm ra né gə́ majel Kára kara el ləm, Deḛ d’askəm ra né gə́ maji Kára kara el ləm tɔ.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

Njé gə́ Galati 4:8

Ləw lé loo gə́ seḭ gərje Ala el ɓəi ndá seḭ toje ɓərje lə magəje gə́ to gə́ kankəm néje el.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

Titə 3:3

Mbata kédé lé jeḛ kara jeḛ n’to mbəje ləm, gə njékaltaje ləma, gə njḛ́dəmje ləm tɔ. Jeḛ n’to ɓərje lə mal néje gə́ ɓəd-ɓəd gə kaiyaje ɓəd-ɓəd ləm, néra gə́ yèr gə kəmkəḭ ɓa j’isi danee’g ləm, mar síje d’wa sí gə meḛ dee ləma, jeḛ kara j’wa dee gə meḛ sí ləm tɔ.

1 Piɛrə 1:18

Mbata seḭ gərje gao, néje gə́ a gə tuji asəna gə larnda əsé larlɔr, yee ɓa gə́ né gə́ uga sí ne ɔr sí ne dan néra gə́ gə mḭdé ba gə́ ka síje d’ya̰ sí keneŋ lé el.

1 Piɛrə 4:3

Tɔgərɔ ya, ləw ɓa seḭ nja raje né gə́ meḛ njépole-magəje ɓa wɔji, seḭ ya̰je rɔ sí arje kaiya gə́ ula pər meḛ sí’g ləm, gə kəmkəḭ ləm, gə kaw gə́ dəw-kido ləm, gə nésɔ gə́ mbula meḛ sí’g ləm, gə nékai gə́ aije areeje al dɔ sí ləma, gə magəje gə́ ram ləm tɔ. Néje nee gə́ seḭ raje lé as lée’g mba̰.