1 Njé gə́ Kɔrḭtə 12:18 - Maktub gə́ To gə Kəmee

¹⁸ Ɓasinè Ala nja unda barkəmrɔ dəwje kára-kára lai gə lée-lée gə goo rəbee gə́ maji gə́ yeḛ wɔji mée’g.

1 Njé gə́ Kɔrḭtə 12:18 ပူးပေါင်းရင်းမြစ်များ

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 135:6

Néje lai gə́ Njesigənea̰ ndigi lé ndá yeḛ ra ya, Néje gə́ mee dara’g gə dɔ naŋg nee ləm, Dan baa-boo-kadje’g gə dan ɓul manje’g lé ləm tɔ.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Junas 1:14

Yen ŋga deḛ no̰ ɓar Njesigənea̰ pana: Ǝi, Njesigənea̰, ya̰ sí ar sí n’tujije mbata lə dəw gə́ neelé el ləm, ar məs njegelgodo neelé nai dɔ síjeḛ’g el ləm tɔ. Mbata i, Njesigənea̰ lé i ya ra né to gə́ məəi ndigi.

Lugu 10:21

Mee kàree’g neelé nja rɔ Jeju lelee aree al ne rəa gə goo Ndilmeenda pana: Bɔm, i gə́ to mbai dɔ dara ləm, gə mbai dɔ naŋg nee ləm lé ma m’pidii mbata néje gə́ i ar kəm njékəmkàrje gə kəm njégosonégərje tɔ dɔ’g sum-sum lé i riba dəa ar ŋganje gə́ kari ba lé d’oo. Oiyo Bɔm, ma m’pidii mbata yee nja ɓa i oo gə́ né gə́ kəm ra ya.

Lugu 12:32

Seḭ koso-nékulje ləm, ɓəlje el, mbata Bɔ síje lé wɔji-kwɔji kar sí ɓeeko̰ lé gə meendakaḭ ya.

Njé gə́ Rɔmə 12:3

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

Njé gə́ Rɔmə 12:6

To gə́ j’isi gə nénojije ɓəd-ɓəd gə́ Ala wa ne sə sí noji ndá maji kar yeḛ gə́ si gə nénoji gə́ ka̰ tegginta lé loo gə́ meekun ləa as lée ndá maji karee tegginta lə Ala lé tɔ.

1 Njé gə́ Kɔrḭtə 12:11

Néje lai neelé to kula ra Ndil gə́ kára ba kiao neelé ya. Nénojije lé yeḛ kai ar nana kara aree to gə́ mée-yeḛ ndigi.

1 Njé gə́ Kɔrḭtə 12:17

Ɓó lé kagrɔ dəw a to gə́ kəmee nja bura ndá see loo koo ta ləa a to ra wa. Ɓó lé kagrɔ dəw a to gə́ loo koo ta ya bura ŋga, see loo gə́ ra ɓa a to gə́ loo taa baḭ né keneŋ wa.

1 Njé gə́ Kɔrḭtə 12:19

Ɓó lé barkəmrɔje lai d’a to né gə́ kára ba ŋga, see darɔ a to ra wa.

1 Njé gə́ Kɔrḭtə 12:24

nɛ barkəmrɔ sí gə́ kəm rab raga lé deḛ nja to raga pai-pai mba̰ tɔ. Ala nja unda kagrɔ dəw mba kar barkəmeeje gə́ lal keḭ kəm sí’g lé ndá a keḭ kəm sí’g ya.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 15:38

Ala ɓa gə́ njekaree kubururea to gə́ mée wɔji ya, kandə néje gə́ gə ria-ria lé yeḛ nja ɓa gə́ njekar dee kubururɔ dee gə́ wɔji dɔ dee dɔ dee tɔ.

1 Njé gə́ Kɔrḭtə 3:5

See Apolɔs ɓa gə́ na̰ ɓəi wa. Esé see Pool ɓa gə́ na̰ ɓəi wa. Deḛ joo bɔr to kuraje lə Mbaidɔmbaije gə goo rəw gə́ yeḛ nja ɔr dee ne. Mbɔl dɔ dee-deḛ nja ɓa seḭ ɔmje ne meḛ sí dəa’g.

Njé gə́ Epesə 1:5

Yeḛ kuma̰ sí ne mée’g gə goo kunda gə́ yeḛ unda sí dan kəmee’g lé mba kar sí n’toje ne ŋganɓaaje ləa gin Jeju Kristi to gə́ mée ɓa wɔji lé.

Njé gə́ Epesə 1:9

Yeḛ ar sí n’gər ne né gə́ mée wɔji gə́ to loo-kiya’g gə goo némeemaji gə́ yeḛ nja wɔji-kwɔji mba ra lé ɓa

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.